Поради температурната инверзија која што деновиве се случува во Пелагониската котлина, особено во Битола, што резултира со ниски температури и густа магла, општина Битола за време не пресојниот викенд ќе организира бесплатен превоз до скијачките терени на Стрежево и кон Инфоцентарот на Пелистер, каде што граѓаните ќе можат да уживаат во сонцето, повисоките температури и чистиот воздух.

Во текот на утрешниот ден, детално ќе бидат соопштени деталите околу превозот.

Во меѓувреме, Општина Битола редовно го следи состојбите со квалитетот на амбиенталниот воздух во градот, преку двете официјални мерни станици Битола 1 и Битола 2, како и препораките кои што доаѓаат од страна на Министерството за животна средина и просторно планирање. Во текот на вчерашниот ден, општина Битола веќе објави дека во текот на два последователни дена, прагот е надминат во мерната станица Битола 2. Исто така, општина Битола веќе врши вонредни инспекциски надзори за контрола на Б интегрирани дозволи, казнување и опомена за горење на несоодветни опасни материјали, забраната за горење на отворено итн, согласно мерките пропишани од страна на Министерството за животна средина и просторно планирање за инспекциски надзори од страна на општинските служби.

Полицијата во јапонската префектура Сајтама уапси 46-годишен маж под сомнение дека украл амбулантно возило. Според извештаите, сѐ почнало кога осомничениот во понеделникот вечерта повикал брза помош жалејќи се на болки во стомакот.

Хироши Хирата бил прегледан од тројца болничари, додека во тој миг бил пијан, и медицинските лица утврдиле дека нема потреба да оди в болница. Пациентот потоа, се наведува, се вознемирил и им се заканил на болничарите со нож, па излегол надвор и им го украл возилото на брза помош.

Полицијата ги пронашла Хирата и возилото на паркинг на аптеката во близина и го уапсила на самото место. Во полициското соопштение се вели дека Хирата изјавил оти имал намера „сам да се превезе“ до болница.

Законското „ослободување“ на австралиските доверливи архиви, открива интересни документи за секогаш високиот степен на агилност на грчката дипломатија кога станува збор за македонското прашање, уште во осумдесеттите, па и седумдесеттите години на минатиот век.

Според австралиските закони, по 30 години се објавуваат доверливите документи. Така, откриен е доверливиот документ од 1984 година, во кој официјална Канбера, всушност ѝ реферира на официјална Атина за „опасноста врз грчките претставници “ од Движењето за ослободување и обединување на Македонија (ДООМ) во Австралија. Всушност, австралиската влада, на барање на тогашниот грчки амбасадор во таа земја, го истражува „агресивниот потенцијал“ на оваа македонска организација во Австралија, односно ризикот да ги загрози „грчките претставници“. Во истрагата и следењето на македонската дијаспора во осумдесеттите години на 20 век, вклучена е и АСИО, безбедносно разузнавачката агенција на Австралија. Заклучокот на австралиските безбедносни служби е дека „малку е веројатно дека оваа групација претставува безбедносна закана за грчките претставници во Австралија, во овој период“.

Но овој разоткриен доверлив документ, од денешен аспект претставува сведоштво за перманентната опсесивна „претпазливост“ и дејствување на грчката политика во насока на компромитирање на Македонците и воопшто на македонското постоење, дури и во трети земји, каде што и Македонците и Грците се дијаспора, во време кога Македонија својата државност ја има во рамките на југословенската федерација. Ваквите „дипломатски интервенции“ на Грција насочени против македонската дијаспора се случуваат речиси десетина години пред независноста на Македонија и активирањето на спорот за името на државата, кој по 30-ина години заврши со контроверзниот, според меѓународното право, Преспански договор, во 2018 година.

                                                                                                                               Ј.П.

„До Атина/1984

Од Канбера

Доверливо

Движење за ослободување и обединување на Македонија

1.На 24 ноември, минатата година, грчкиот амбасадор ги изнесе пред Одделот (Департмент) своите грижи околу активностите на МЛУМ (ДООМ). Ќе добиете запис од разговорот во писмо.

2. На 7 февруари му ги пренесовме на амбасадорот следните информации обезбедени од АСИО (ASIO – Australian Security Intelligence Organization) и во договор со нив дека можат да бидат проследени.

„Движењето за ослободување и обединување на Македонија (МЛУМ), повеќе познато по оригиналниот акроним ДООМ е македонска емигрантска организација.

ДООМ е основана во раскол на Македонскиот ослободителен комитет на нивниот светски конгрес во Западна Германија, во април, 1972 година. ДООМ како нивна цел ја исповеда националното ослободување на македонскиот народ, преку сецесија на Македонија од нејзините три окупирани дела и формирање на независна македонска држава. Тоа треба да се постигне со освојување на национална, политичка и културна автономија на Егејска Македонија (Грција) и Пиринска Македонија (Бугарија), пред целосно обединување инкорпорирано во Вардарска Македонија (Југославија).

3. Преку нивната главна организација, „Македонска нација“, ДООМ бара да не се употребува насилство во трети земји. Публикацијата не се појавила во текот на првата половина од 1983 година. Не познато дали воопшто била објавена.

4. Во доцните 70-ти, ДООМ се дели на две фракции во Австралија. Поголемата фракција е проруски ориентирана, додека одделена фракција е поумерена.

5. Во минатото имало наводи за насилни дејствија на членови на ДООМ, но тие наводни активности се однесуваат само на прекршоци во македонската заедница. Нема индиции што сугерираат дека ДООМ би употребил насилство надвор од оваа заедница. Се чини дека ДООМ не е тековно активен. Малку е веројатно дека оваа групација претставува безбедносна закана за грчките претставници во Австралија, во овој период“, се објаснува во доверливиот документ од 1984 година, веќе достапен во Националната архива на Австралија .