Бугарските медиуми, но и македонски активисти од Бугарија, известуваат дека Мелник е под опсада на полицијата во пресрет на најавениот за утре семакедонски собор по повод 110-годишнината од загинувањето на револуционерот Јане Сандански.

„Полицијата го окупира Мелник заради најавениот за недела собор-поклонение по повод 110 години од смртта на Јане Сандански. Неколку македонистички организации го именуваа претстојниот настан како ‘семакедонски собор’. Се очекува на покана на ОМО ‘Илинден’-ПИРИН да пристигнат и многу гости, вклучувајќи и политичари од РСМ. Според програмата, прво ќе се положат венци на гробот на Јане кај Роженскиот манастир, а потоа кај неговиот споменик во Мелник ќе има песни и танци.

На социјалните мрежи, пак, се организираат нашинци за исто така да пристигнат во Мелник. За да не дојде до судири, какви што имаше пред повеќе од 20 години, полицијата е на нозе“, пишува бугарскиот весник „24 часа“.

„Гробот на Сандански и градот Мелник сардисани од сите страни од бугарски аскер поради соборот“, објави на Фејсбук претседателот на Градскиот комитет и еден од основачите на ОМО „Илинден“, Атанас Кирјаков-Војводата, во друга објава додавајќи дека се прават проверки на документи на луѓе и на возила.

Чернобил, 39 години подоцна: Сеќавање на најголемата нуклеарна катастрофа во историјата

На денешен ден пред точно 39 години, светот беше потресен од најголемата нуклеарна несреќа во историјата – експлозијата на четвртиот реактор во нуклеарната електрана во Чернобил, Украина. Несреќата се случи за време на тестирање на способноста на парната турбина да напојува пумпи за вода во случај на прекин на струја и губење на течноста за ладење.

Иако градот Припјат, кој се наоѓаше во близина на електраната, беше евакуиран следниот ден, властите не го информираа населението на Киев, каде што живееја околу два милиона луѓе. Светската јавност за инцидентот дозна дури откако во Шведска беше регистрирано зголемено ниво на радијација.

Несреќата започна со ненадеен пад на моќноста на реакторот, по што операторите го рестартираа реакторот и го продолжија тестот со недозволена конфигурација на контролните прачки. Ова доведе до сериозни електрични удари и дефект на клучни компоненти, што резултираше со експлозии и губење на системот за ладење.

Следеше пожар во јадрото на реакторот што траеше до 4 мај 1986 година, додека радиоактивните честички се ширеа низ Советскиот Сојуз и пошироко низ Европа. СЗО проценува дека околу 30.000 луѓе го загубиле животот поради директни и индиректни последици од катастрофата, додека над седум милиони биле изложени на радијација.

Првата жртва беше Валериј Кодемчук, техничар задолжен за водените пумпи во електраната. Во напорите за санација учествуваа околу 680.000 луѓе – војници, инженери, доброволци и новинари. Од 14 новинари кои известуваа од теренот, осум починаа како последица на изложеност на висока радијација.

Се проценува дека во експлозијата биле ослободени 400 пати повеќе радиоактивни материи отколку при атомската бомба фрлена врз Хирошима во 1945 година. Радиоактивниот облак достигна до северна и западна Европа, па дури и источниот брег на САД.

Градот Припјат, населен претежно со вработени од електраната и нивните семејства, беше целосно евакуиран. Според експертите, ќе бидат потребни повеќе од 3.000 години за овој град повторно да биде безбеден за живеење.

Францускиот претседател Емануел Макрон денеска изјави дека имал „многу позитивен“ разговор со неговиот украински колега Володимир Зеленски, дека Украина е подготвена за безусловен прекин на огнот и дека таканаречената „Коалиција на волните“ под Франција и Велика Британија ќе продолжи да работи на постигнување на траен мир.

„Украина е подготвена за безусловен прекин на огнот. Претседателот Зеленски ми го повтори ова денеска. Тој сака да соработува со Американците и Европејците за неговото спроведување. Сега останува на претседателот Путин да докаже дека навистина сака мир. Ќе продолжиме со нашата работа во рамките на Коалицијата на волните создаден во март во Париз, со цел да се постигне и прекин на огнот и целосен и траен мир во Украина“, напиша Макрон.