Connect with us

Инфо +

Шпанија нуди peхaбилитaциja зa фyнкциoнepи штo нe мoжaт дa пpecтaнaт co кpaдeњe

Published

on

Измамниците и крадливците долго време ги окупирале насловните страници во Шпанија. Но, сега државата има ново решение – програма за рехабилитација за корумпирани функционери, преку која тие ќе се враќаат во општеството, пишува „Њујорк Тајмс“.

Карлос Албуркерк не е типичен кандидат за рехабилитација. Тој е седумдесетипетгодишен дедо, што живее во Кордоба, град во јужна Шпанија. Пред да се пензионира во 2015 година, Албуркерк работел како градски нотар. Тој не се бори со зависност од алкохол или дрога.

Но, тој не е кандидат за типична програма за рехабилитација. Тој е кандидат за камп кој трае 11 месеци и има за цел да ги реформира шпанските фунционери и да ги врати назад во општеството.

„Поправање на штетата е она што остана за мене во овој живот“, вели Албуркерк, кој отслужува четиригодишна казна затвор за кражба на 400.000 евра, односно скоро половина милион американски долари.

Во период од 32 сесии, во конференциска сала во казнениот дом во Кордоба, Албуркерк ќе биде надгледуван од тим од психијатри. Тој ќе седи во круг заедно со други осудени криминалци на групни терапии со наслови како „лични способности“ и „вредности“. Албуркерк е на некој начин, лабораториско глувче во експеримент кој треба да одговори на вековито прашање – дали во длабочината на неговата измамничка душа, Албуркерк е чесен човек?

Фактот дека во Шпанија постои ваква програма за рехабилитација кажува многу за државното верување во втора шанса, но и за тоа колку корупцијата ја има обземено јавноста. Доколку разлистате некој шпански весник или го вклучите радиото, ќе слушнете за бројни шеми, скандали и мешаници кои најчесто го олеснуваат јавниот буџет.

Шпанската јавност говори за скандалот „Гуртел“, понекогаш опишуван и како „Шпански Вотергејт“ кој еруптираше откако закани за владините фунционери беа откриени во онлајн документи кои припаѓаа на функционер од владеачката партија. Овој скандал помогна да се симне владеачката партија во 2018 година. Постои и случајот „Палау“, каде претседателот на Каталонската музичка сала украл 23 милиони евра, кои потоа ги потрошил на домашни реновирања, луксузни одмори и останати екстраваганции.

Во карпестиот реон на Галиција, полицијата урнала цела пирамида на корумпирани градски функционери во операција наречена „Покемон“. Зошто операцијата е крстена според јапонски анимиран цртан сè уште не е јасно, но според шпекулации, името е ставено поради големиот број на инволвирани функционери – во „Покемон“ има стотици карактери.

Ангел Луиз Ортиз, поранешен судија кој сега управува со шпанските затвори, тажно офка кога погледнува низ прозорецот на неговата канцеларија кон улиците на Мадрид, за време на нашиот разговор за борбата на Шпанија и крадењето на јавниот буџет. Токму ваквите бројни скандали ја обогатија шпанската економија со историја полна измамништва кои ја намалија јавната доверба, истакнува тој.

Барем нивото на корупција во Шпанија не е полошо од она на останатите европски нации, додава тој, се работи само за 5 отсто од криминалот. Антикорупциските надгледувачи ја сместуваат Шпанија под Франција, а над Италија. Рехабилитацијата на измамниците е комплетно шпанска волја, со што државата се издвојува од другите. Токму ваквата програма сместува над 2.044 криминалци „со бели јаки“ во шпанските затвори.

Засега, девет затвори во Шпанија ја имаат усвоено програмата, која започнала во март, оваа година. Затворениците не добиваат намалена затворска казна за вклучување во програмите, но управителите на затворите велат дека учеството помага кога доаѓа време за условно ослободување.

Во програмата засега се вклучени и неколку звучни имиња како Ињаки Урдангарин, кралскиот зет,  олимписки ракометар и поранешен шпански војвода кој отслужува шестгодишна казна затвор. Франциско Кореа, бизнисмен затворен поради случајот „Гуртел“ исто така е запишан во програмата. Шпанската јавност Кореа го знае и по неговиот прекар „Дон Вито“, референца на филмската трилогија „Кум“.

Кога станува збор за овие криминалци, затворскиот управник Ортес смета дека најголем предизвик е убедувањето на корумпираните функционери дека нешто не е во ред со нив.

„Тие се луѓе со пари и моќ, а ние се бориме со идејата дека на нив може сè да им помине и дека не им треба помош“, истакнал Ортес.

Токму поради овој проблем, шпанската влада се обратила за помош кај Сергио Руиз, затворски психијатар кој работи во јужниот град Севиља. Докторот Руиз смета дека освен што затворениците треба да ја прифатат својата состојба преку групната терапија, тие понатаму треба да побараат учество во сесии наречени „обновена правда“ каде ќе бараат прошка од нивните жртви.

Тој додал дека многу бил изненаден при неговото истражување, кога при читањето на научна литература, не пронашол ништо за рехабилитација на криминалци со „бели јаки“.

Психијатрите проучувале секакви состојби на умот, но многу малку од нив се потрудиле да го проучат разумот на сомнителни функционери подготвени да го олеснат јавниот буџет за складирање отпад.

Токму поради оваа причина доктор Руиз решил да направи сопствено истражување. Тој составил три групи – криминалци со „бели јаки“, насилни криминалци и обични граѓани, при што решил поединечно да ги интервјуира за нивните вредносни системи и верувања.

Резултатите беа изненадувачки за сите, додал Руиз.

„Ние мислиме дека овие луѓе се безмилосни, но не е така. Тие го имаат истиот вредносен систем и верувања како нас“, изјавил Руиз за криминалците со „бели јаки“.

Напротив, додал тој, корумпираните умови имаат уникатен капацитет да создаваат исклучоци на нивните правила, нешто што когнитивните психолози го нарекуваат „моралнo распаѓање“.

„Тие користат сложени објаснувања за да ги претстават своите лоши дела како нешто што е корисно за јавноста, а не за нив“, објаснува докторот.

Тој додал дека пронашол две опасни карактеристики кај измамниците – егоцентризам и нарцисизам.

На прв поглед Албуркерк, корумпираниот нотар од Кордоба кој се вклучил на програмата за рехабилитација, не изгледа како да поседува ниту една од опасните особини. Тој е учтив и зборува тивко, дури и во гласните простории на затворот. Тешко е да се замисли дека „дрпнал“ скоро половина милион американски долари.

„Некој мора да преземе одговорност“, изјавил Албуркерк, додавајќи дека неговата приказна има делови кои треба да се дораскажат.

Додека буџетите полека се празнеле под негов надзор, тој секогаш ги плаќал своите работници со високи суми, за разлика од останатите градски нотари. Албуркерк дури се обидел да врати дел од украдените пари пред да биде откриен. Сите во Кордоба би се согласиле дека тој е еден од најважните жители на градот.

„Јас имав предност пред другите смртници, но не многу голема, имајќи предвид дека спиев пет часа помалку од останатите. Цело време работев и проучував“, изјавил Албуркерк, зборувајќи за својата работна етика.

Затворската чуварка Јоланда Гонзалез Перез, изјави дека слушнала скоро сè од криминалците со „бели јаки“ пред тие целосно да ги прифатат своите криминали.

„Тие најчесто велат „јас сум помал криминалец од останатите“, истакнува Перез.

Но, докторот Ортез не е толку загрижен. Тој секогаш е подготвен да ги згрижи криминалците со „бели јаки“, доколку тие покажат дека се подготвени да се вратат на старите навики.

Европа

Радев: Бугарија не прифаќа промени на договорите со Македонија

Published

on

Бугарскиот претседател Румен Радев, на средбата со претседателот на Европскиот совет, Антонио Коста, во Минхен, порача дека Бугарија нема да прифати измени на досегашните договори со Северна Македонија.

Тој истакна дека европската интеграција на Западен Балкан е можност за зајакнување на стабилноста во регионот, но нагласи дека Северна Македонија мора да го спроведе европскиот консензус од 2022 година.

„Бугарија не поставува нови барања, но ниту прифаќа промени на веќе постигнатите договори, кои се дел од рамката за пристапните преговори“, рече Радев.

Continue Reading

Свет

НАМЕСТО МИНЕРАЛИ ТРАМП МОЖЕ ДА ДОБИЕ ЈАЈЦА? Украина размислува како да ја добие поддршката на САД

Published

on

Украина ќе даде контра-предлог, но, според извори на „Вашингтон пост“, новиот предлог ќе вклучува и безбедносни гаранции за Киев. Во меѓувреме, украинскиот претседател од Минхен порача дека документот што го добил на увид бил премногу фокусиран на интересите на САД.

Висок украински функционер изјави дека раководството на земјата е подготвено да стори речиси сè за да ја задржи американската поддршка, вклучително и „масивни испораки на украински јајца“, пишува „Вашингтон пост“ во анализа за тоа што ќе се случи откако Украина  на состаноците во Минхен ѝ кажа на администрацијата на Трамп дека не може легално да пренесува минерални ресурси според предложените услови.

– Во земјата има вишок јајца, а раководството на земјата е свесно за брзиот пораст на нивната цена во САД – рекол изворот.

Украинскиот претседател Володимир Зеленски изјави дека им наредил на своите министри да не потпишуваат договор со кој на САД ќе им се овозможи пристап до вредните и ретки минерали на Украина, објаснувајќи дека документот е премногу фокусиран на интересите на САД.

– За мене е многу важна врската помеѓу некакви безбедносни гаранции и некаква инвестиција – изјави Зеленски.

Весникот пишува дека Украина истражува алтернативи за да ги добие безбедносните гаранции од САД. Еден украински функционер вели дека Киев бил шокиран од обемот на барањата.

Сепак, главниот приговор на Киев не беа овие барања, туку фактот дека договорот не содржел никакви безбедносни гаранции. Киев ќе испорача „контра предлог“ кој ќе вклучува вакви гаранции, се вели во статијата.

Еден од украинските функционери рече дека предлогот за минерални суровини пристигнал во Киев четири часа пред средбата на Зеленски со американскиот министер за финансии Бесант. На средбата министерот за финансии „инсистирал“ на итно потпишување, но Зеленски одбил. Весникот пишува дека тој самиот имал само „неколку минути“ да се запознае со договорот.

Украински функционер ја споредил оваа ситуација со начинот на кој Европејците ги поделија африканските колонии во 18 век и рекол дека тоа може да доведе до одземање на правата за развој на украинските ресурси со децении без никакви гаранции дека инвеститорите навистина ќе ги развијат.

Друг украински функционер смета дека САД се обидуваат да воспостават контрола врз ретките метали и материјали како што се литиум, графит и ураниум.

Continue Reading

Свет

Работите се менуваат? На повидок љубов помеѓу Москва и Вашингтон: “Отсега ќе разговараме на поинаков начин”

Published

on

Во меѓувреме, додека Дмитриј Песков најавува топли односи помеѓу Вашингтон и Москва, руските сили ги заострија веќе засилените борбени активности во источна Украина.

Главниот портпарол на Кремљ, Дмитриј Песков изјави во телевизиско интервју дека неодамнешните телефонски разговори помеѓу рускиот претседател Владимир Путин и американскиот претседател Доналд Трамп, значат дека Москва и Вашингтон отсега ќе разговараат за мир, а не војна.

“Тие испратија силна порака дека отсега ќе се обидуваме да ги решаваме проблемите со дијалог. И отсега ќе зборуваме за мир, а не војна.

Според Песков, ставовите на Трамп треба да се прифатливи за секоја личност со здрав разум. Изјави и дека целосно недостасувала комуникација со претходната американска администрација.

Путин и Трамп во претходен телефонски повик разговараа за запирање на непријателството во Украина, билатералните односи и некои други теми. Претседателите се согласија да останат во контакт и договорија состанок лице во лице.

Во меѓувреме, Русија ги засили нападите во Украина

Руските сили ги заострија веќе засилените борбени активности во источна Украина, а главните напади биле фокусирани во близина на важенниот логистички јазол Покровск, соопшти украинската војска.

Руските трупи веќе со недели напредуваат кон Покровск во склоп на целосен продор низ регионот Доњецк во источна Украина, зазимајќи низа села.

Речиси третина од сите борби биле концентрирани во близина на Покровск. Руските сили ги напаѓаат украинските позиции од сите страни во обид целосно да ги отсечат.

Continue Reading
Advertisement
Advertisement

Трендинг

Copyright © 2024 Булевар.мк