Барселона триумфираше во Купот на Шпанија – Кунде херојот, Рудигер исклучен по инцидент

Барселона е новиот освојувач на трофејот во Купот на Шпанија, откако по 120 минути драматична игра славеше над вечниот ривал Реал Мадрид со 3:2. Одлучувачкиот момент се случи во 116. минута, кога Жил Кунде постигна гол и ѝ донесе победа на Барса.

Финалето не мина без тензии – во самиот финиш, Антонио Рудигер, кој беше на клупата, доби директен црвен картон поради фрлање мраз кон главниот судија Де Бургос. Инцидентот предизвика дополнителен хаос, при што неколку членови од клупата на Реал мораа да го задржат Рудигер за да спречат физичка пресметка со арбитарот.

Погледнете го видеото:

RUDIGER tiene LA RABIA pic.twitter.com/liRbOcWIp4

— ERIC (@eriicgfc) April 26, 2025

Барселона е новиот освојувач на Купот на Кралот, откако во финалето одиграно вечерва во Севиља, ја совлада екипата на Реал Мадрид со 3-2 по продолженија, во натпревар полн со пресврти и спорни моменти.

Каталонците отворија силно и поведоа преку Педри со прекрасен удар во првото полувреме. Но, влезот на Мбапе во вториот дел донесе пресврт – прво самиот израмни од слободен удар, а потоа Чуамени донесе водство за Реал.

Кога се чинеше дека трофејот патува за Мадрид, Феран Торес искористи грешка на Ридигер и Куртоа и израмни на 2-2 шест минути пред крајот. Во завршницата следеше спорен момент – судијата досуди пенал за Барселона по фаул на Асенсио над Рафиња, но по преглед на ВАР снимката ја промени одлуката. Слични ситуации се случија уште трипати во корист на Барса, но без реакција од арбитерот.

Клучниот момент се случи во 116. минута кога Модриќ и Брахим Дијаз не се разбраа, а Кунде ja украде топката и со фантастичен удар од 20 метри го матираше Куртоа.

Барселона дојде до заслужена победа, иако судиските одлуки и недосудените пенали повторно отворија прашања. Победата сепак делува како исправка на една голема неправда.

На денешната седница на Управниот одбор на Фудбалската федерација на Македонија (ФФМ) донесена е одлука за отпочнување на постапка за проект воспоставување ВАР – Фаза 2 и отпочнување на постапка за проект воспоставување ВАР – Фаза 3.

Фаза – 2 се однесува на евалуација и избор на најсоодветниот понудувач за набавка на опрема за три ВАР простории, мобилен сет и опрема за ВАР возило. Позледната, фаза 3 се однесува на инсталирање и конфигурација на опремата за ВАР.

Овој процес се спроведува во тесна координација со ФИФА и УЕФА, во согласност со сите меѓународни стандарди за имплементација и користење на ВАР системот.

Претседателот на ФФМ, Масар Омерагиќ ги информираше членовите на Управниот одбор за текот на градежните работи на стадионите во Штип, Охрид и Кичево, сите од програмата „Хет-трик“ на УЕФА.

Финалниот рок за завршување на сите работи и технички прием на западната трибина на стадионот во Штип е 31.07.2025 година. После тој рок, доколку не се исполнат барањата, ФФМ ќе презеде мерки и легитимни чекори согласно законот. Сето активности се во соработка со УЕФА.

Управниот одбор на ФФМ, исто така, детално е информиран за сите аномалии и неправилности во текот на активностите на стадионите во Охрид и Кичево. На следната седница кон средината на месец мај, Управниот одбор ќе донесе одлука кои постапки и легитимни чекори ќе бидат преземени за заштита на интерсот и финаниски средстава на ФФМ.