Министерството за внатрешни работи и администрација на Полска, во соработка со Министерството за национална одбрана и Владината безбедносна агенција, подготви водич за кризни и воени ситуации, кој ќе биде испратен до секое семејство до крајот на годината.

Водичот ќе содржи информации за преживување во кризни услови, како да се подготвите за прекин на струја од 72 часа, какви залихи да имате и како да се снабдувате без електрична енергија.

Роберт Клоновски од Министерството за внатрешни работи истакна дека секое домаќинство треба да биде подготвено да преживее три дена без струја. Водичот ќе понуди и насоки за безбедноста дома, како да се справите со природни катастрофи, како да дадете прва помош и како да се грижите за домашни миленици во криза.

Брошурата ќе ги објасни и алармните сигнали, како и важноста на препознавање на предупредувачки сигнали, како триминутниот модулиран звук на сирената, кој укажува на закана.

Делегации од Украина и САД денеска започнаа преговори во Џеда, Саудиска Арабија, соопшти украинското Министерство за надворешни работи на својот официјален канал на Телеграм.

Според веб-страницата на американскиот Стејт департмент, средбата меѓу двете делегации е закажана за денеска напладне по локално време.

Шефот на кабинетот на украинскиот претседател, Андриј Јермак, пред почетокот на разговорите изјави дека тимот е подготвен и дека ќе работи на заштита на украинските интереси и дефинирање јасна визија за завршување на војната.

Во украинската делегација се Јермак, неговиот заменик Павло Палиса, министерот за надворешни работи Андриј Сибига и министерот за одбрана Рустем Умеров.

Студенти и граѓани синоќа од 23.00 часот ги блокираат влезовите на Радио Телевизија Србија поради тоа што една новинарка ги нарече „орда“.

Граѓаните не дозволуваат влез туку само излез од зградата на РТС.

Утрово, вработени во јавниот сервис за да влезат на своите работни места наместо официјалните влезови, користеле прозорци кои се на призмејето на зградата