“Лозари” го запалија градот со пиротехника, точно во 22:10 часот, a роденденот вечно ќе го паметат поради пласманот на ФК Тиквеш во Првата лига после 17 години.
Погледнете:
Главниот координативен кризен штаб на Владата на Република Северна Македонија за обезбедување целосна координација на органите на државната управа, на правните лица основани од државата, како и на единиците на локалната самоуправа, во врска со спречување, внесување и ширење на коронавирусот КОВИД-19 на денешниот состанок ги разгледа и потврди препораките на Комисијата за заразни болести за олабавување на мерките за заштита од КОВИД-19 и ги предлага на конечно усвојување на утрешната Владина седница.
На состанокот на Главниот кризен штаб, по исцрпната дискусија и имајќи ја предвид поволната моментална епидемиолошка состојба со КОВИД-19 во државата, која се карактеризира со намалување на 14-дневна инциденца (бројот на новонастанати случаи) на позитивни случаи, намалување на позитивни тестови за КОВИД-19 во однос на вкупен број тестирани лица, намалување на бројот на активни случаи и бројот на хоспитализации, по препорака на Комисијата за заразни болести, беа донесени следните предлог-препораки за олабавување на мерките, почнувајќи од 1 јуни 2021 година:
1. Укинување на мерката носење на заштитна маска на отворено со препорака за носење на маска кога лицата се во поголема група. Останува на важност мерката за задолжително носењето на заштитна маска во јавен превоз, такси превоз и во сите затворени простори.
2. Да се дозволи присуство на публика на спортски натпревари кои се одржуваат на отворено до 30 проценти, од вкупниот капацитет на посетители, со задолжително почитување на растојание помеѓу посетителите од 1,5- 2 м (три седишта) и со доследно применување на мерките за заштита од КОВИД-19.
3. Се укинува мерката за забрана за групирање на јавен простор на не повеќе од 4 лица.
4. Да се дозволи организирање на свадби, прослави, веселби на отворен простор/летни тераси до максимум 100 лица, но не повеќе од 50 проценти од капацитетот на просторот и до максимум шест лица на маса со обезбедување на препорачаната дистанца помеѓу лицата. Присуство на музичари е дозволено само при организирање на свадби, а согласно соодветен протокол.
5. Се зголемува бројот на лица на една маса во угостителските објекти од четири лица на шест лица со обезбедување на препорачаната дистанца помеѓу лицата на масата.
6. Се препорачува укинување на мерката за работа во смени и од далечина (член 3 т. 14 од Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од заразната болест КОВИД-19 предизвикана од вирусот SARS-CoV-2,случаите и временскиот период на нивна примена („Сл.В.РСМ“ бр.263/20),
7. Продолжува да важи мерката за полициски час до 15.06.2021 година.
Актерот Џо Лара (58) кој го глумаше Тарзан во серијата „Тарзан – Епска авантура“ почина во авионска несреќа кога се срушил приватниот авион со кој летал.
Славниот Тарзан во авионот бил со неговата сопруга Гвен и со уште пет личности, пренесува АП.
Авионот се срушил во езерото во близина на Нешвила. Од службата за спасување велат дека се трага за телата.
Лара е роден во Сан Диего, Калифорнија, а се прослави во филмот „Тарзан“.
Актерот и неговата сопруга имаа „Јутуб“ канал на кои снимаа видеа слични на реални шоуа, а главни улоги беа тие.
Кети Иванова, која по смртта на баба Ванѓа била прогласена за нејзина наследничка, е позната и по многу визии што се остварија.
Кети уште во 1993. година тврдела дека „Босна ќе биде поделена на два дела и дека ситуацијата во Хрватска ќе се влоши после тоа“. И така беше.
Европа во превирања
Самата Европа ќе има проблеми што нема да може да ги реши самостојно. Тероризмот или некоја болест ќе полета толку многу што нема да биде безбедно да се патува насекаде.
Во Европа ќе дојде до војна, но само кога некои групи во неа ќе ја започнат. Пред тоа ќе има мирна окупација на скоро сите европски земји. Луѓето од исток ќе доаѓаат кон европските градови. Најлошо ќе биде во Париз и Берлин. Тогаш новодојдените, кога ќе ги има милиони, ќе се кренат во бунт. Ќе има крв и Европа никогаш нема да биде иста како порано.
Турците ќе се обидат да ја нападнат Виена со помош на нивните сојузници, но ќе претрпат пораз. Тие нема да обрнат внимание на предупредувањата на меѓународната заедница, бидејќи некогаш успеале насилно да ја наметнат својата моќ (Кипар). Делови од Грција, а особено Бугарија, ќе бидат загрозени. Продорот на Турција во Европа ќе го запре мудар политичар кој ќе го слушаат сите страни.
Во низата катаклизми што ќе ја снајдат Европа, Венеција ќе потоне!
Ќе има многу природни катастрофи, три пати повеќе земјотреси од порано, дури и авиони ќе се срушат почесто отколку сега. Тоа е само дел од она што следува …
Добро за Балканот
Проширувањето на исламот е очигледно низ целиот свет. Западот не сторил ништо за да се заштити, па затоа ќе плати висока цена. Корумпираните компании и нивните сопственици ќе ги предадат интересите на нивните земји.
Пред почетокот на новиот век, Кина ќе стане голема светска сила од која сите ќе се плашат.
Тој страв ќе биде неоправдан затоа што Кина ќе се грижи за своите работи и нема да води освојувачки војни. Азискиот тигар нема да „проголта“ други, туку ќе развие моќна технолошка база, ќе собере голем капитал и ќе започне да се развива. Тоа ќе биде добро и за Балканот.
Светот треба да биде загрижен за војната што се подготвува. Водачите се познати и на Обединетите нации. Војната ќе опфати еден дел од Европа, но не и Балканот, Азија и Јужна Америка.
Германија своите светли моменти ќе ги проживее до 2005 година. После тоа, ќе и тргне наопаку, а потоа војната ќе и тропне на вратата. Нема да биде повторно поделена, но ќе ја загуби војната…
И нивните заеднички пријатели сметаат дека имаат многу заеднички интереси
Познатиот актер Џони Деп, наводно, има сериозна намера да ја освои Анџелина Џоли, бидејќи мисли дека се совршени еден за друг. Пред неколку години работеа заедно на филмот „Турист“ и оттогаш Деп ја нема заборавено. Сега, кога и двајцата се слободни, Џони планира да направи сѐ за да ја освои.
Анонимен извор рекол дека Деп потајно ја прогонува Анџелина, испраќајќи ѝ цвеќиња и пишувајќи ѝ мејлови, а наводно одлучил и да ги реши своите проблеми со алкохолот и да му се посвети на физичкиот изглед, бидејќи мисли дека овие ставки би можеле да ѝ пречат на Анџелина.
Џони отворено кажа дека една од најголемите желби му е да биде со Анџелина. Никако не се откажува од таа љубов. Периодов е неверојатно пребирлив, а тоа е една голема работа што ја дели со Анџелина“, рекол изворот.
Меѓутоа, пред неколку месеци Анџелина открила за „Вог“ дека раните од разводот со Пит сѐ уште се свежи и дека сака само да ужива со децата, а Деп, од друга страна, многу се измачи со својата неодамнешна бракоразводна битка против сопругата Амбер Херд.
„Анџелина и Џони имаат многу лузни, поради што многу нивни заеднички пријатели мислат дека би биле совршени еден за друг“, заклучил изворот.
Теодот беше оженет и беше крчмар во Анкара во времето на Диоклецијан. Иако беше оженет, живееше според словото апостолско: оние што имаат жени ќе бидат како да ги немаат (1Кор. 7, 29). А крчмарот сметаше дека би можел, без некој да се посомнева, колку што може подобро да им помага на христијаните. Неговата крчма им беше засолниште на гонетите верници.
Теодот тајно им испраќаше помош на разбеганите бегалци по планините и тајно ги прибираше телата на загинатите и ги погребуваше. Во тоа време беа изведени на суд и мачени за Христа седум девојки: беа мачени, исмеани и најпосле удавени во езерото. Едната од нив, света Текуса, му се јави во сон на Теодот и му рече да ги извади нивните тела од езерото и да ги закопа. Ноќе, во темница, појде Теодот со еден другар да ја исполни волјата на маченичката и воден од Ангел Божји успеа и ги најде сите седум тела и ги погреба. Но, оној другарот го издаде кај судијата и судијата го стави на тешки маки.
Сите маки Теодот ги трпеше како во туѓо тело, бидејќи умот му беше вдлабочен во Господа. Кога целото тело му го претвори во рани и забите му ги раздроби со камења, мачителот нареди да го убијат со меч. А кога го изведоа на губилиште, многумина христијани плачеа по него, но светиот Теодот им велеше: „Не плачете по мене, браќа, туку прославете Го нашиот Господ Исус Христос, Кој ми помогна да го завршам подвигот и да го победам непријателот“. Го рече тоа и ја положи главата на трупецот под меч и му ја отсекоа, во 303 година. Телото на маченикот беше чесно погребано од некој свештеник, на една височинка надвор од градот.
Британскиот премиер Борис Џонсон и неговата избраничка Кери Симондс, ја објавија првата фотографија од нивната венчавка откако вчера се венчаа на тајна церемонија.
Двојката е прикажана во градината на Даунинг стрит 10 откако се венчале во Вестминстерската катедрала пред мала група блиски пријатели и семејството.
Невестата носела венчаница од бела тантела, а на главата имала венец од цвеќиња. Британскиот премиер иако бил облечен во костум, сепак, неговата фризура била во неговиот препознатлив стил – бушава.
Премиерот и неговата невеста ја планирале венчавката веќе шест месеци, наведува британски „Сан“.
Само неколку црквени службеници учествувале во подготовките, а 30-те гости биле информирани во последниот момент.
Џонсон и Симондс беа првата невенчана двојка која се всели на адресата Даунинг стрит 10, во резиденцијата на премиерот.
Двојката се сврши во 2019 година, но венчавката ја одложија поради пандемијата.
Тие го имаат едногодишниот синсе Вилфред Лори Николас. Симондс своевремено појасни дека бебето е крстено во чест на нивните дедовци и двајцата лекари кои го лекувале британскиот премиер од ковид-19, пред една година.
Вчера во 20: 30 часот во Кичево, полициски службеници од Полициската станица Кичево го лишиле од слобода Б.С.(43) затоа што во 17: 20 часот во трафика на место викано „Берза“ во Кичево со остар предмет го повредил вработениот и одзел цигари.
По целосно документирање на случајот против него ќе биде поднесена соодветна пријава.
Во вчерашното шоу на музичкото натпреварување „Звездите на Гранд“, имавме можност да видиме како учесничката Марија Груевска, која доаѓа од Македонија, настапи во многу провокативна комбинација на облека, но и со змија околу струкот.
Таа ја отпеа песната „Негатив“ Тијана Дапчевиќ, а членовите на жирито беа шокирани кога ја видоа во ова издание на сцената.
Видео:
Скопската Зоолошка градина стана дом на уште една алпака.
Се роди прво бебе алпака во Скопје Зоо.
Нашата Фелиција стана мајка на преслатка женка алпака, напишаа од Зоо Скопје.
