Спорт

Денеска Македонија против Украина, без калкулации со срце на теренот

Published

4 years ago

June 17, 2021

Македонската фудбалска репрезентација попладнево од 15 часот против Украина на Националната арена во Букурешт го игра вториот натпревар од групата Ц на ЕУРО2020.

Македонскиот селектор на Игор Ангеловски на вчерашната официјална прес – конференција истакна дека неговите избраници ги очекува најважниот натпревар во кариерата.

– Дојдовме на ЕУРО со цел да се пласираме во втората фаза и таа фаза за нас е активна. Имаме пред нас ривал кој исто така има нула бодови, што значи дека ова за нас е финале. И да не успееме нема да биде трагедија, а нормално дека ќе дадеме се од себе. Украинците се квалитетни, тоа го покажаа и против Холандија. Имаат одлични индивидуалци, но и ние имаме квалитет и покажавме дека можеме да се носиме со сите, изјави Ангеловски.

Без калкулации во натпреварот ќе влезат и Украинците, кои како и македонските фудбалери, беа поразени во првиот натпревар на Европското првенство.

Избраниците на Ангеловски по вчерашниот попладневен завршен тренинг спроти дуелот со Украина беа специјални гости на концертот што во Букурешт го одржа македонскиот пијанист со светско реноме, маестро Симон Трпчески.

Related Topics:Европскопрвенство Македонија натпревар Украина фудбал

Up Next

Земете двосед, тросед и многу знамиња и дојдете да ја бодриме Македонија во паркот во Ново Лисиче!

Don't Miss

ОФИЦИЈАЛНО: Арнаутовиќ суспендиран за навредите кон Алиоски

Спорт

Македонија нерешено против Унгарија на почетокот на СП во ракомет

Published

5 hours ago

January 15, 2025

Арлингтон

Македонските репрзентативци одиграа одлично против фаворитот Унгарија и извојуваа нерешено со 27 наспроти 27, иако до последните 30тина секунди имаа шанса за победа.

Играч на мечот беше прогласен нашиот Кузмановски со 10 голови, иако и голманот Митевски беше одличен, особено во клучни моменти во натпреварот.

Со ова Македонија добие 1 бод на светското првенство по првиот одигран натпревар, што и не е така лош резултат.

Спорт

Агелер ги поддржа Македонските ракометари од трибините во Вараждин

Published

6 hours ago

January 15, 2025

Арлингтон

Американската амбасадорка Анџела Агелер ја поддржа Македонската ракометна репрезентација од трибините во Вараждин, Хрватска.

Посакуваме среќа на македонската ракометна репрезентација која вечерва во Хрватска го игра својот прв натпревар на 29-то Светско првенство во ракомет за мажи организирано од ИХФ! Напред!

Спорт

„ФАЛАНГАТА“ НА ТРИБИНИТЕ, СИТЕ ОСТАНАТИ ПРЕД ЕКРАНИТЕ Избраниците на Лазаров на мегдан со моќната Унгарија

Published

11 hours ago

January 15, 2025

Арлингтон

Од 20:30 часот, избраниците на селекторот Кире Лазаров ќе се соочат со фаворизираната репрезентација на Унгарија во арената во Вараждин.

Македонската ракометна репрезентација денес ќе го одигра својот прв натпревар на Светското првенство кое се одржува во Норвешка, Данска и Хрватска. Од 20:30 часот, избраниците на селекторот Кире Лазаров ќе се соочат со фаворизираната репрезентација на Унгарија во арената во Вараждин.

Ова е прво големо натпреварување за Македонија со Филип Кузмановски како капитен.

– Одамна се подготвуваме за Унгарија, акцент ставивме уште на контролните натпревари. Си докажавме дека можеме да се носиме со големи ривали. Мотивацијата ни е на високо ниво. Зошто да не ја изненадиме Унгарија? Имаат звучни имиња и повеќе искуство, но и ние имаме свои адути. Во новата година игравме три натпревари против селекции што наликуваат на Унгарија – Холандија и Гвинеја – изјави Кузмановски на средбата со новинарите во Вараждин.

Македонските фанови пристигнуваат во Вараждин

Унгарските навивачи купиле околу 2.000 билети за групната фаза и вечерва се очекува да бидат доминантни на трибините. Сепак, македонските фанови денес веќе пристигнуваат во Вараждин, собирајќи се низ локалните кафулиња и во фан-зоната која беше креирана за поддршка на националниот тим.

Македонија влегува во дуелот како аутсајдер, но со оптимизам и верба во сопствените способности. Сите очи ќе бидат вперени кон тимот и капитенот Кузмановски, кој најави борбена и мотивирана игра против еден од најдобрите состави во групата.

Распоред на натпреварите на Македонија на СП 2026

15.01.2025 МАКЕДОНИЈА – Унгарија 20:30 часот

17.01.2025 МАКЕДОНИЈА – Холандија 18:00 часот

19.01.2025 МАКЕДОНИЈА – Гвинеја 20:30 часот