Во рамките на работната посета на Австралија, министерот за надворешни работи и надворешна трговија, Тимчо Муцунски, присуствуваше и се обрати на првиот натпревар од новата сезона на Престон Лајонс – еден од најуспешните македонски фудбалски клубови во Австралија. Овој клуб претставува значаен симбол на спортската традиција на македонската заедница и е пример за негување на културните врски со татковината преку спортот.

„Во црвено-жолта боја, од Мелбурн навивавме за тимот кој претставува гордост на македонската заедница, успешен спортски модел и симбол на спортскиот дух во Австралија,“ истакна министерот Муцунски во својата официјална објава на социјалните мрежи. Натпреварот го проследи заедно со истакнати македонски стопанственици, кои со својата поддршка придонесуваат за зачувување на македонскиот спортски и културен идентитет во дијаспората.

Посетата на Австралија е дел од пошироките напори на Владата за продлабочување на релациите со македонската заедница во странство, која има значајна улога во унапредувањето на билатералните врски и градењето на долгорочни партнерства. Во рамки на посетата, министерот Муцунски го посети и македонскиот манастир Св. Климент Охридски – најстариот македонски манастир во дијаспората, како и соборниот храм „Раѓањето на Пресвета Богородица“ во Мелбурн, нагласувајќи дека верските објекти и заедници во дијаспората претставуваат клучен столб за зачувување на македонскиот идентитет, јазик и традиција.

Дополнително, министерот Муцунски оствари средба со претставници на Македонското здружение за благосостојба на заедницата (MCWA) – која обезбедува индивидуализирана грижа за постари лица. Ова здружение, од организација посветена на потребите на македонската заедница, низ годините прерасна во една од водечките хуманитарни асоцијации во цела Австралија, која опслужува илјадници луѓе, а воедно дел од работните места ги отвора и во нашата земја.

Во разговорите беше потенцирана важноста на соработката со заедницата во дијаспората и поддршката на иницијативи кои придонесуваат за подобрување на благосостојбата на граѓаните со македонско потекло.

Во Бистрица ќе се гради нова спортска сала, која ќе им овозможи на граѓаните современи услови за спорт и рекреација. Со модерна инфраструктура и опрема, салата ќе е наменета за различни спортови, тренинзи и натпревари. Локалните власти истакнаа дека овој проект е од големо значење за заедницата, особено за младите спортисти.

Видеото може да го погледнете на следниов линк: https://www.facebook.com/share/v/1A4ErJxeBG/?mibextid=wwXIfr

Орце Ѓорѓиевски, актуелен градоначалник на општина Кисела Вода, одговарајќи на новинарски прашања на вчерашната прес конференција, зборуваше и за претстојната трка за челната градоначалничка позиција во главниот град Скопје.

Неговата амбиција, како што рече, е јасно изразена две години наназад и смета дека тоа што го сработил во неговата Општина е можност да го искористи личниот и потенцијалот на неговиот тим.

„Што се однесува на тоа дека ВМРО-ДПМНЕ има повеќе кандидати, тоа говори за демократскиот капацитет на нашата политичка партија, добро е секогаш да има конкуренција. Сега во тек се анкети коишто ги спроведува нашата политичка партија, оној којшто ќе има најдобри резултати на тие анкети, а притоа и ќе претставува најсоодветен кандидат, дали јас ќе бидам тоа, дали ќе биде некој друг, многу е важно да направиме промени во Град Скопје и многу е важно да дојде човек којшто ќе се занимава со решавање на проблемите на граѓаните. Градоначалник не значи да се занимаваш со висока политика и да навлегуваш во високи политики, градоначалник значи да бидеш човек којшто треба да ги решава секојдневните проблеми на граѓаните. Во Град Скопје имаме стагнација… Кој е најсоодветен кандидат, ќе биде поддржан“, изјави Ѓорѓиевски.