Инфо +

Заев повторно ќе го менува Уставот, ќе го вметнуваме бугарскиот народ

Од Илинденска број 2 – владината делегација во Софија заминала со конретен предлог за надминување на спорот со Бугарија – објави бугарскиот премиер Стефан Јанев – но прецизни детали се уште нема.

Од своја страна, неговиот македонски колега Зоран Заев вети отворање на македонскиот Устав, пред членството во ЕУ, и вметнување на бугарскиот народ во него. Заев дециден – ако сакаме да бидеме земја членка на европското семејство треба да имаме европски Устав.

Иако изминативе денови во земјава оптимизот попушти – упорноста не, според Заев проблемот со Бугарија е билатерален и така треба да се реши. Предлогот кој денеска Заев го ставил на маса пред техничкиот премиер на Бугарија деновиве ќе се разгледува. Според македонскиот премиер решението мора да води грижа за двете страни, бидејќи само така ќе има успешна реализација.

По нивната средба, двајцата согласни – дека се отвара прозорец на можности за решавање на отворените прашања меѓу двете земји, со што ќе се отвори патот за европската перспектива на Северна Македонија.

„Со години наназад, политиката на Бугарија е ориентирана кон цврста поддршка на европерспективата на С Македонија, Албанија и на другите земји од Западен Балкан за членство во ЕУ. Делегацијата на Заев дојде со конкретен предлог, што ќе го разгледаме сеопфатно и професионално во наредните денови. Констатиравме дека во моментов имаме прозорец на можности да работиме по нерешените прашања за исполнување на Договорот за добрососедство од 2017 година. Сега ни е приоритет да создадеме атмосфера на доверба, пријателство и на дијалог, што ќе им помогне на нашите експерти и политичари да дојдат до решение. Во рамки на овој дијалог, треба прво да ги решиме меѓусебните проблеми, за да не остават проблеми во европското семејство.“ – изјави – Изјава Стефан Јанев – технички премеир на Бугарија – околу 3 минута.

Прва средба на бугарско тло премиерот Заев оствари со неговиот поранешен колега, Бојко Борисов, од каде доби предупредување дека денешните средби нема да вродат со плод. Според Борисов, бугарскиот претседател и техничката влада лажат и бегаат од одговорност за нов договор.

Заев, придружуван од вицепремиерот за европски прашања Никола Димитров и од министерот за надворешни работи Бујар Османи – во Софија остварија и средба со бугарскиот претседател Румен Радев. Посетата се случува на една недела пред состанокот на Советот за општи работи на 22 јуни и пред Самитот на ЕУ на 24 и 25 јуни. Вчера бугарското МНР соопшти дека условите за одржување на меѓувладина конференција не се исполнети.

Прилог на Телевизија 24

Up Next

Припадници на МВР учествуваа во акција во Виена – запленети над 2000 стебла марихуана

Don't Miss

(Видео) Македонија се сака и кога победува и кога гyби: Фалангата со овации ги испрати македонските фудбалери

Свет

Илјадници граѓани излегоа на улиците на Будимпешта на масовен протест

Илјадници луѓе се собраа на улиците на Будимпешта, каде одржаа масовен протест изразувајќи незадоволство од актуелните политички и општествени состојби во Унгарија. Демонстрантите маршираа низ централните градски булевари, носејќи транспаренти и скандирајќи пораки упатени до власта.

Според локалните медиуми, протестот бил организиран од граѓански иницијативи и опозициски групи, кои бараат поголема транспарентност, почитување на демократските вредности и промени во одредени владини политики. Дел од учесниците упатија критики за состојбата со владеењето на правото, медиумските слободи и економските прашања.

Протестот поминал без поголеми инциденти, а полициските сили биле распоредени на повеќе локации со цел да го обезбедат јавниот ред и безбедност. Засега нема информации за приведени лица или судири со органите на редот.

Од унгарската влада сè уште нема официјална реакција на протестот, додека аналитичарите оценуваат дека ваквите собири укажуваат на зголемено граѓанско незадоволство и дополнително ја заоструваат политичката атмосфера во земјата.

Протестите доаѓаат во период на зголемени политички тензии, а организаторите најавуваат можност за нови собири доколку нивните барања не бидат земени предвид.

Балкан

Бериша најави национални протести поради политичката состојба во Албанија

Поранешниот албански премиер и лидер на Демократската партија, Сали Бериша, најави организирање национални протести низ Албанија, изразувајќи незадоволство од актуелната политичка состојба и начинот на кој, според него, функционираат институциите во земјата.

Бериша во своето обраќање посочи дека протестите ќе бидат насочени против, како што рече, злоупотребата на власта, корупцијата и нарушувањето на демократските принципи. Тој ги повика граѓаните масовно да излезат на улиците и да го искажат својот револт преку мирни, но решителни демонстрации.

Според најавите, протестите ќе се одржуваат во повеќе градови и ќе имаат за цел да извршат притисок врз институциите за, како што тврди Бериша, враќање на владеењето на правото и почитување на демократските стандарди.

Од владејачките структури засега нема официјална реакција на најавата за протестите, додека безбедносните служби најавуваат дека внимателно ќе ја следат состојбата и ќе преземат мерки за одржување на јавниот ред и безбедност.

Политичките аналитичари оценуваат дека најавените протести дополнително ќе ја заострат политичката сцена во Албанија, која и во изминатиот период се соочува со силни тензии меѓу власта и опозицијата.

Свет

Париз ги откажа новогодишните прослави поради безбедносни причини

Градските власти во Париз одлучија да ги откажат традиционалните новогодишни прослави на Шанзелизе, кои требаше да се одржат на 31 декември 2025 година. Одлуката е донесена поради, како што соопштуваат надлежните, сериозни безбедносни ризици и неможност да се гарантира сигурноста на граѓаните на масовен јавен настан.

Според информациите што ги пренесува France Info, париската полиција ѝ предложила на градоначалничката Ан Идалго да ја откаже манифестацијата, предупредувајќи на зголемен ризик од паника, нереди и неконтролирани движења на голем број луѓе.

Како една од причините за ваквата проценка се наведува актуелната безбедносна криза поврзана со зголемениот број нелегални мигранти во регионот, како и ограничените капацитети на безбедносните служби да обезбедат целосна контрола и заштита за време на масовните собири.

Новогодишната прослава на Шанзелизе традиционално привлекува стотици илјади посетители и е еден од најпрепознатливите настани во француската престолнина, со музика, светлосни ефекти и празнична атмосфера. Оваа година, сепак, париските власти оцениле дека безбедноста мора да има приоритет.

Засега нема информации дали ќе бидат организирани алтернативни, помали прослави или други културни настани за дочекот на Новата година.