Претседателката на Република Македонија, Гордана Сиљановска-Давкова, денеска ја посети Клиниката за детски болести во Скопје, каде што со искрена грижа и длабока емпатија се сретна со најмалите херои кои се соочуваат со предизвици во своето здравје.

Со новогодишни подароци, претседателката внесе празнична топлина и радост во нивниот ден, обидувајќи се барем за миг да им ја олесни секојдневната борба. „Најважниот новогодишен подарок за овие деца и нивните семејства е нивното побрзо закрепнување,“ истакна Сиљановска-Давкова.

Особено трогателен момент беше цртежот од малата и талентирана Јана, кој претседателката го доби како подарок. „Овој цртеж ќе ме потсетува на моите нови пријателчиња и на нивната храброст,“ додаде таа.

Сиљановска-Давкова ги охрабри семејствата и персоналот на клиниката, нагласувајќи ја важноста од заедничка поддршка за оние на кои најмногу им е потребна, особено во празничниот период.

„Тие ќе останат во моите мисли и во моето срце како потсетник за празничните вредности и за тоа колку е важно да покажуваме хуманост и солидарност,“ порача претседателката.

Градоначалникот на општина Битола, Тони Коњановски, денес посети повеќе институции во општината, со цел да ја согледа подготвеноста и екипираноста пред Дочекот на Новата година и претстојните празници, информираат од општина Битола.

Од службата за итна медицинска помош, територијалната противпожарна единица – Битола и СВР Битола, го информираа градоначалникот дека, како служби со 24 часовно работно време и во пресрет на празнувањата, остануваат максимално ангажирани и екипирани за да излезат во пресрет на потребите и барањата на граѓаните.

Сепак, апелираат да не се конзумираат големи количества алкохол, да се почитуваат сообраќајните правила и прописи и да не се користат пиротхнички средства, се во интерес на безбедноста на граѓаните и убави празници.

Градоначалникот на општина Кисела Вода, Орце Ѓорѓиевски, го предводеше денешниот незаборавен новогодишен настан кој донесе насмевки и радост на лицата на најмладите.

🎅 Дедо Мраз пристигна со полни раце пакетчиња, подарувајќи новогодишна магија на сите деца што беа дел од оваа веселба. Настанот беше збогатен со концерт на Детскиот фестивал „Поточиња“, театарска претстава, настап на балетското студио „Лебед“, како и изведби од Бисера Мојаноска и омилените ликови од цртаните филмови.

🎄 „Новогодишниот период е време на радост, на поврзување и на надеж. Денеска, заедно со децата, ја испраќаме старата и ја дочекуваме новата година со голема возбуда и желби за здравје, среќа и успеси,“ порача Ѓорѓиевски, изразувајќи огромна благодарност до сите кои помогнаа овој настан да биде толку посебен.

Посебна благодарност беше упатена до Министерството за спорт и отец Оливер за нивната поддршка.

🎊 „Најважни се децата, чии желби и радост се наша инспирација. Од срце ви посакувам среќни празници и уште поубави моменти во 2025 година,“ истакна градоначалникот.

#НајдобротоДопрваДоаѓа!