Српската полиција попладнево приведе две лица кои со автомобил се залетале кон колона студенти и граѓани во Нови Сад за време на протестна прошетка.

Конвој граѓани и студенти што се движеше кон Мостот на слободата за момент застана, а џип со голема брзина помина покрај обезбедувачите и се залета кон граѓаните што ги блокираа двата правци на Булеварот на ослободувањето. Според првичните информации, никој не е повреден.

На снимки на социјални мрежи се гледа дека граѓаните веднаш го опколиле и удирале во автомобилот по што дошла полицијата ги привела лицата од автомоблот и спречила поголем инцидент..

Во 11:52 часот, граѓаните и студентите во Нови Сад им оддадоа почит на загинатите при паѓањето на бетонската настрешница на железничката станица, по повод шест месеци од несреќата.

Eстонија доби шест американски ракетни системи ХИМАРС, соопшти денеска естонскиот центар за одбранбени инвестиции.

Мобилниот ракетен систем со дострел до 300 километри и е предаден на естонската армија во воздухопловната база Амари, соопшти Центарот.

„Стигнаа! Ова ја зајакнува не само естонската одбрана, туку и безбедноста на целата Алијанса“, објави естонскиот министер за надворешни работи Маргус Цахна.

ХИМАРС (High Mobility Artillery Rocket System) е артилериски систем од повеќецевни ракетни фрлачи поставени на лесен камион. Може да лансира различни видови ракети, вклучувајќи ракети со дострел до 80 километри и тактички проектили со дострел до 300 километри.

Противпожарната служба соопшти дека 155 противпожарни екипи продолжуваат да се борат со големите пожари, а авионите се враќаат за да помогнат во гаснењето на пламенот по изгрејсонцето.

Воздушните снимки од местото на пожарите што избувнаа надвор од Ерусалим вчера и денес покажуваат огромни површини земјиште уништени од пламенот.

Во оваа фаза, сè уште не сме ги ставиле пожарите под контрола“, се вели во соопштението на Израелската противпожарна и спасувачка служба.

Се наведува дека се повредени 17 пожарникари, вклучувајќи двајца кои се однесени во болница.

Пожарникарите сè уште се борат со пожари на 11 локации во предградието на Ерусалим, соопшти Противпожарната и спасувачка служба. Седум градови сè уште се евакуирани.

Во операцијата учествуваат 10 противпожарни авиони, заедно со 119 противпожарни екипи, се вели во соопштението.

Противпожарната служба додава дека осум противпожарни авиони од Кипар и Италија треба да пристигнат денес.

Медицинскиот центар „Хадаса“ во Ајн Керем соопшти дека се вратил на целосна рутинска активност откако беше оценето дека повеќе не е во опасност од пламенот што гори во близина на Ерусалим.