Connect with us

Спорт

Нов државен рекорд за Дрита Ислами?

Published

on

Најдобрата македонска атлетичарка, Дрита Ислами го подобри македонскиот рекорд на 400 метри со пречки и победи на трката на Европското првенство – трета дивизија.

Пред дваесетина дена Дрита Ислами постави државен рекорд на 400 метри со пречки (85,66), а сега го подобри за повеќе од една секунда, што е фантастичен резултат.

Таа на Европското првенство – трета дивизија кое се одржува во Лимасол истрча со време од 57,53 секунди со што постави ново најдобро македонско време во оваа дисциплина.

Ислами го освои првото место далеку пред конкуренцијата во втората финална трка, со оглед што станува збор за екипен шампионат во кој атлетичар(к)ите се борат за бодови за својата репрезентација, а не за личен пласман.

Со овој резултат Дрита освои 1095 поени на табелата на Светската атлетска федерација.

Тренерот Игор Јакимовски изјави дека ова е убедливо најдобриот резултат во македонската атлетика во 21-виот век.

Спорт

Лука Дончиќ со изјава за Леброн Џејмс: Ми го даде најбратскиот совет

Published

on

“Ми го даде најбратскиот совет, да бидам свој на паркетот”.

Словенечката ѕвезда на Лос Анџелес Лејкерс, Лука Дончиќ, ја започна својата етапа во дресот на „езерцата“, а додека разговараше со новинарката на „Си Би Ес“, откри и каков совет добил од Леброн Џејмс пред неговиот дебитантски настап.

Дончиќ се врати од повреда и веќе одигра два натпревари, а славниот „Крал“ Џејмс му сугерирал да не обрнува внимание на ништо и само да биде свој на паркетот.

„Леброн ми е како постар брат, веднаш ми даде огромна поддршка. Ми рече да бидам свој и да не се обидувам да измислувам нешто ново, туку само да ја играм мојата игра.

Се надевам дека наскоро ќе бидам целосно фит и ќе придонесам со одлични партии за екипата. Ќе одиме чекор по чекор кон нашата цел“, изјави Дончиќ.

Лос Анџелес Лејкерс со Дончиќ во тимот забележаа една победа и еден пораз. Словенецот на првиот меч запиша 16 поени, додека на вториот дуел со Јута постигна два помалку.

Continue Reading

Спорт

Роналдо најплатен спортист на светот, помеѓу најплатените спортисти и тројца од Балканот

Published

on

Кои се најплатените спортисти од Балканот?

Познатиот американски спортски портал Sportico објави листа на 100 најплатени играчи на светот во 2024 година.

За да се добие поточна слика, собрани се сите заработки на одредени поединци кои ги имале од своите спортски и маркетиншки ангажмани.

Втора година во низата на самиот врв е португалскиот фудбалер Кристијано Роналдо со вкупен приход од 260 милиони долари во минатата година. Роналдо заработил 215 милиони како плата во саудискиот клуб Ал Наср, додека 45 милиони инкасирал преку рекламни договори.

Вториот на листата е кошаркарот на Golden State Warriors, Стив Кари со заработка од 153,8 милиони долари, додека на третото место се најде британскиот боксер Тајсон Фјури со заработка од 147 милиони долари. Листата на првите пет ја комплетираат аргентинскиот фудбалер и член на Интер Мајами Лионел Меси со заработка од 135 милиони долари и кошаркарот на Лос Анџелес Лејкерс, ЛеБрон Џејмс со заработка од 133,2 милиони долари.

Ниту една жена во првите 100

На спортската листа се наоѓаат спортисти од 27 земји и осум спортови. 100-те најплатени спортисти минатата година заработиле 6,2 милијарди долари. На листата има најмногу кошаркари, дури 35, после нив следат играчите од американскиот фудбал, фудбалерите, бејзбол и голф играчите, боксерите, два возачи на формула 1 и тенисер.

На листата се наоѓаат и тројца Балканци кои се кошаркари. На 13-то место е Гркот Џианис Антетокоунмпо, членот на Milwaukee Bucks кој заработил 97,8 милиони долари. На 32 место е Србинот Никола Јокиќ од Denver Nuggets со 57,5 милиони, додека две места подолу е Словенецот Лука Дончич, новиот член на LA Lakers чија заработка достигна 55,9 милиони долари.

Помеѓу 100-те најплатени спортисти нема ниту една жена. Од женските спортисти, најмногу заработила американската тенисерка Коко Гауф, со 30,4 милиони долари.

Continue Reading

Спорт

Шкендија на врвот, Вардар на дното – драматичен старт на пролетната сезона!

Published

on

Првата македонска фудбалска лига се врати со вистинска драма! Шкендија со триумф од 2:1 во Скопје го „турна“ Вардар на последното место, а Струга разочара во Гостивар со пораз во 96. минута.

Во дербито во Скопје, Вардар успеа да израмни преку Закариќ (67’), но Шкендија со гол на Тамба (76’) си замина со трите бода и ја презеде лидерската позиција. Шкупи без проблеми го совлада Работнички (2:0), додека Силекс не успеа да го задржи водството против Тиквеш (1:1).

Голем шок доживеа Струга – Гостивар ги урна шампионските амбиции на гостите со пенал во 96. минута!

Резултати од 19. коло:

⚽ Гостивар – Струга 1:0 (Потук 96’ п.)

⚽ Пелистер – АП Брера 0:0

⚽ Силекс – Тиквеш 1:1 (Алиќ 30’ – Садик 77’ п.)

⚽ Воска Спорт – Беса 2:0 (Зуљ 73’, Осеи 77’)

⚽ Шкупи – Работнички 2:0 (Аворнио 29’, Имери 75’)

⚽ Вардар – Шкендија 1:2 (Закариќ 67’ п. – Ибраими 54’, Тамба 76’)

Дали Вардар ќе се спаси од дното? Може ли Шкендија да го задржи врвот? Останете со нас за сите најнови вести од ПМФЛ!

Continue Reading
Advertisement
Advertisement

Трендинг

Copyright © 2024 Булевар.мк