Белата куќа размислува за можноста за укинување санкции за „Северен тек 2“

Белата куќа води внатрешни разговори за евентуално ублажување на санкциите кон руските енергетски проекти, меѓу кои и контроверзниот гасовод „Северен тек 2“, дознава Politico од извори блиски до администрацијата.

Специјалниот пратеник на САД за Блискиот Исток, Стив Виткоф, ја предводи иницијативата, со цел да се создадат услови за постигнување мир во Украина. Меѓутоа, идејата наидува на отпор од државниот секретар Марко Рубио и министерот за внатрешни работи, Даг Бургам.

Се смета дека евентуалното укинување на санкциите би ѝ овозможило на Русија повторен пристап до европскиот енергетски пазар, што директно би ја загрозило конкурентноста на американските LNG-извозници.

Иако Виткоф предложил изработка на целосна листа на постојните американски санкции кон Русија, од Белата куќа појаснуваат дека иницијативата е сè уште во фаза на разгледување, без постигнат конечен договор.

Путин нуди мир – но задржува 18% од Украина

Според најновите информации, рускиот претседател Владимир Путин предложил план за прекин на војната во Украина кој подразбира дека Русија ќе ја задржи територијата што моментално ја контролира. За возврат, би се „откажала“ од остатокот од четирите анектирани региони кои сè уште се под контрола на Киев.

Ако се прифати ваков договор, Русија би добила околу 18% од украинската територија – површина речиси идентична со Србија и Црна Гора заедно (околу 108.639 км²).

Што значи предлогот на Путин?

Според Financial Times, планот би овозможил:

Русија да ги задржи деловите од Донецк, Луганск, Запорожје и Херсон кои ги контролира

Украина би морала да се откаже од контролата над овие региони

Крим, анектиран во 2014, би бил признат како руски

Ова би значело трајна промена на границите во Европа – нешто што не се случило во ваков обем со години.

Русија сега контролира:

98,6% од Луганск

62,6% од Донецк

71,9% од Запорожје

69,3% од Херсон

Заедно со Крим, оваа територија е:

Поголема од Португалија или Унгарија

Речиси колку цела Бугарија

Поголема од БиХ и Црна Гора заедно

Малку помала од Србија + Црна Гора

Заклучок

Ако овој предлог биде дел од идните мировни договори – Украина би изгубила речиси една петтина од својата територија, а Путин би добил стратегиски важен копнен коридор кон Крим.

Селфиња покрај телото на папата Фрањо предизвикаа револт кај верниците

Околу 20.000 верници се собраа во Ватикан за да му оддадат последна почит на починатиот папа Фрањо, но неочекувано, сцени од селфиња со неговото тело предизвикаа гневот кај јавноста и разочараа многу присутни.

Папата Фрањо, кој почина во понеделник во 7:30 часот наутро од мозочен удар, а подоцна беше положен во Базиликата Свети Петар во рамките на тридневниот проштален обред пред погребот што ќе се одржи во сабота.

Иако илјадници верници стоеја со часови во ред за да оддадат почит, голем дел од вниманието се сврте кон несоодветното однесување на поединци кои се фотографираа покрај неговиот отворен ковчег.

На социјалните мрежи се појавија фотографии на кои посетителите, вклучително и некои свештени лица, позираат со телефони, а на една фотографија се гледа жена која се смее додека зад неа, во позадина, лежи телото на папата во сомот обложениот ковчег.

Верниците осудуваат: „Ова беше момент за почит, не за фотографии“

Голем број верници остро реагираа. Чуварите биле принудени да интервенираат на неколку локации за да спречат фотографирање.

Кетрин Џилсенан од Вимблдон, Лондон, која била присутна со сопругот, за The Sun изјавила: „Ме потресе тоа што успеав да му се доближам на папата Фрањо, но беа ужасни сцените со луѓе кои се фотографираат. Наместо тишина и молитва, некои избраа спектакл“.

Таа додала дека тие своите телефони ги чувале во џеб, токму заради почитта што ја чувствувале, и изразила жалење поради ваквото однесување на другите.

Поделени ставови – за некои фотографирањето е начин на почит

Од друга страна, имаше и такви кои го бранеа фотографирањето. Аргентинецот Матеус Силва изјавил дека чувствува гордост што може да се збогува со „првиот папа кој јавно застана зад ЛГБТ заедницата“.

Некои дури донеле и селфи стапови за подобар кадар, а меѓу луѓето кои фотографирале биле забележани и монахињи со телефони во рака.

Ковчегот со телото на папата ќе остане изложен во базиликата до петок, пред официјалниот погреб.

Иако овој чин требаше да биде момент на достоинствена почит, контроверзите околу фотографирањето фрлија сенка врз церемонијата и повторно го отворија прашањето за границите на дигиталната ера и што значи вистинско оддавање почит во 21 век.