ВМРО-ДПМНЕ бара Судскиот совет да ги земе предвид аргументите за тесната поврзаност на судијката Алексовска Стојановска со СДСМ и да ја разреши од позицијата. Во соопштение до јавноста партијата исто така бара СДСМ и Венко Филипче да излезат и јавно да кажат дали и колку пари ѝ плаќале на судијката која го ослободила од затвор возачот убиец.

„Деновите поминуваат, дилемите се редат, а СДСМ и Филипче глас не пуштаат. Со нивниот молк уште повеќе ја зголемуваат недовербата на граѓаните во правосудните институции и ги зголемуваат, но и потврдуваат, сомнежите дека СДСМ на власт целосно ги политизираше.

СДСМ и Венко Филипче веќе не треба да се кријат. Или пак отстапениот деловен простор од семејната куќа на Даниела Алексовска Стојановска за општински штаб на СДСМ во Ранковце е донација од страна на судијката за партијата на Филипче?

Согласно македонските закони, СДСМ можеле да го изнајмат деловниот простор од куќата во Ранковце, сопственост на судијката Алексовска Стојановска, за таму да смести партиски штаб и за тоа да платат кирија.

Исто така, и судијката на СДСМ можела да и го отстапи деловниот простор од сопствената куќа без надомест, нешто што ќе потпадне под поимот донација.

Затоа СДСМ и Венко Филипче мора да кажат каков однос имала партијата со судијката која зад затвор, за трговија со дрога, го ослободила убиецот на младата Фросина. Дали СДСМ ѝ плаќале кирија на судијката, ако да колку и зошто ја избрале токму нејзината куќа?

Или пак станува збор за подарок, односно донација за СДСМ од страна на судијката Алексовска Стојановска, во форма на отстапување на деловен простор од семејната куќа, без за тоа да бара паричен надомест?

Каква и да е поврзаноста од можните опции меѓу СДСМ и судијката Даниела Алексовска Стојановска, едно е сигурно, таа врска е многу длабока и целосно ја компромитира судската власт која треба да биде една од трите независни власти.

Исто така, овој случај на партиско судско тесно поврзување, дополнително ја намалува и така нарушената доверба на граѓаните во правосудните органи.

Затоа, имајќи го во предвид сето ова, го повикуваме Судскиот совет да ги земе во предвид сите аргументи и Алексовска Стојановска да ја разреши од позицијата судија“, се вели во соопштението на ВМРО-ДПМНЕ.

Благоевград, 5 февруари 2025 – Претставници на ОМО „Илинден“ – Пирин вчера ја одбележаа 153-годишнината од раѓањето на македонскиот револуционер Гоце Делчев, положувајќи цвеќе и одржувајќи свеченост пред неговиот споменик во Благоевград.

Во рамките на настанот, беседа за животот и делото на Делчев одржа Ангел Радонов, кој потсети на неговата борба за слободна Македонија.

„Гоце Делчев се заколна: ‘Додека моето рамо крепи пушка, Македонија нема да биде достапна за бугарските офицери’“, истакна Радонов, нагласувајќи ја посветеноста на Делчев кон македонското револуционерно движење.

Македонците во Бугарија ја искористија можноста повторно да ги истакнат своите барања за основни човекови права, вклучувајќи го правото на образование, информирање и вероисповед на македонски јазик, како и правото на слободно здружување и политичко организирање – права кои, како што наведуваат, им се ускратени од страна на бугарските власти.

„Ќе продолжиме во борбата за еднакви права и слободи на Македонците во Бугарија. Очекуваме Владата во Софија да ги спроведе пресудите на Европскиот суд за човекови права во Стразбур, кои се донесени во корист на македонската заедница“, порачаа присутните.

Настанот заврши со повик за институционално признавање на македонското малцинство во Бугарија и целосна примена на меѓународните стандарди за заштита на човековите права.

Претседателката на Република Македонија, Горана Сиљановска-Давкова, денеска оствари средба со делегација од Македонската алијанса за европска интеграција (МАЕИ), единствената политичка партија на Македонците во Албанија. Делегацијата беше предводена од претседателот на партијата, Васил Стерјовски.

На средбата се разговараше за состојбата на македонското малцинство во Албанија и односот на албанските институции кон нив. Претставниците на МАЕИ истакнаа дека Македонците во Албанија се соочуваат со пропаганда и обиди за асимилација, што го загрозува нивниот национален и културен идентитет.

Претседателката Сиљановска-Давкова нагласи дека е потребен стратешки пристап во решавањето на статусот и заштитата на правата на македонското малцинство во Албанија, согласно европските и меѓународните документи. Таа ја истакна важноста на соработката со албанските власти и меѓународните организации во насока на гарантирање на правата на македонската заедница.

Средбата претставуваше потврда за заложбите на Република Македонија за унапредување на положбата на Македонците надвор од границите на државата, со акцент на нивната национална, културна и јазична самобитност.