Градоначалникот на Кисела Вода и претседател на ЗЕЛС, Орце Ѓорѓиевски, денес во Владата на Република Македонија оствари работна средба со министерот задолжен за интеграција и имплементација на Стратегијата за инклузија на Ромите 2022-2030, Шабан Салиу.

Фокусот на средбата бил ставен на досегашните мерки и проекти, како и идните инфраструктурни зафати насочени кон подобрување на условите за живот, особено во средините каде што живее ромско население.

„Ги истакнавме нашите заеднички заложби за унапредување на човековите права и подобрување на секојдневието на сите граѓани, со посебен акцент на Ромите“, истакна Ѓорѓиевски.

Тој додаде дека во наредниот период ќе се следи имплементацијата на активностите што ќе ги спроведуваат локалните самоуправи, со цел натамошно унапредување на квалитетот на животот на сите граѓани во Македонија.

Делови од Кисела Вода и Илинден утре ќе останат без струја, информираат од Регионалниот центар за управување со кризи на град Скопје.

Дел од корисниците од улицата „Саса“ во населбата Пинтија во општина Кисела Вода утре од 8:30 до 12:00 часот ќе останат без напојување со електрична енергија. Од 9:00 до 15:30 часот, без струја ќе бидат и корисниците од улицата „Христо Татарчев“, подулица број „13“ во истата општина, а од 9:00 до 15:00 часот корисниците од улицата „500“ на потегот од број 24 до број 45 во село Марино, општина Илинден.

Како што информира Регионалниот центар за управување со кризи на град Скопје, причина за прекинот во снабдувањето со електрична енергија е изведувањето планирани зафати во електродистрибутивната мрежа од страна на екипи на ЕВН Македонија АД.

Утрово избувна пожар во стан во населбата Мичурин, Општина Аеродром. Противпожарната бригада е на терен и се бори со огнената стихија. Засега нема официјални информации за состојбата на станарите.

Повеќе детали следуваат наскоро.

Видеото може да го погледнете тука