Во текот на ноќта пукна брана на реката Рур во областа Хајнсберг, во сојузната покраина Северна Рајна-Вестфалија, на западот на Германија.

Спасувачите поради опасност од поплави и свлечишта, успеале да евакуираат околу 700 лица, пренесува германскиот весник Велт. Нивото на водата утрово е во стагнација, но состојбата е сè уште напната велат службите.

Според проценките на полицијата, најмалку 133 лица загинале во поплавите што ја погодија Германија претходните денови, а стотици луѓе се уште се водат како исчезнати.

Силно невреме синоќа зафати повеќе места и во соседна Србија. Засега се уште нема официјални информации за последиците, но за кратко време наврнала огромна количина дожд.