Connect with us

Инфо +

Запленете дрога вредна 150.000 евра, приведени пет лица, меѓу кои и ПОРАНЕШНИ ПОЛИЦАЈЦИ, пресечен меѓународен канал

Published

on

Од министерството за внатрешни работи информираа дека уште од минатиот месец, од страна на Одделот за криминалистичка полиција и Одделот за сузбивање на организиран и сериозен криминал била спроведена истрага насочена кон лица инволвирани во организирање на меѓународни транспорти на марихуана од Република Албанија преку Република Северна Македонија кон Република Грција, а организатор на криминалната група инволвирана во меѓународни транспорти на марихуана е М.А. (50) од Гевгелија.

– Во текот на истрагата беа добиени информации и податоци дека овие лица во периодот од 19.07.2021 година ќе организираат пренос на поголема количина на марихуана од Албанија до Струга потоа до Гевгелија, со цел истата да ја транспортираат кон Грција. На 22.07.2021, И.К. (37) од Гевгелија, З.Б. (52) од с. Грчиште, Валандово и Д.С. (27) од с. Марвинци со возило „опел вектра“ со гевгелиски таблички се упатиле кон с. Јанковец-Ресен, каде оствариле средба со Д.Д. (38) од с. Ливата, Струга, кој пристигнал со возило „опел вектра“ со ресенски таблички, а со кое Д.Д. ја донел и претходно обезбедената марихуана. Тоа возило било преземено од Д.С. и тој се упатил од с.Јанковец во правец на Градско, а И.К. и З.Б. со возилото со гевгелиски таблички се движеле пред него во улога на чистачи.

Откако полицијата добила информации дека групата ќе пренесува поголема коалиција дрога од Албанија, преку Струга до Гевгелија спровеле акција. Во едно од две сопрени возила се пронајдени три торби со 54 пакувања марихуана, која според првичните проценки на полицијата има пазарна вредност од околу 150 илјади евра. Полицијата за настанот привела пет луѓе, меѓу нив и двајца поранешни вработени во МВР.


По преземени мерки и активности, на 22.07.2021 околу 16:35 часот двете возила се запрени од полициски службеници од ОКП, ОСОСК и ОСПО-САЕ Тигар, при што во возилото што го управувал Д.С., во багажниот простор биле пронајдени три торби со 54 пакувања марихуана, која според првичните проценки има пазарна вредност од околу 150.000 евра, по што сите се лишени од слобода – се вели во соопштението од МВР.

Македонија

РАЗРЕШЕНА МИЛКИЈЕ ХАЛИМИ, повеќе не е директорка на „Аеродроми“

Published

on

Миликије Халими е разрешена од функцијата директор на државното акционерско друштво „Аеродроми“. За нов директор е назначен Игор Трајановски.

Миликије Халими беше поранешна градоначалничка на Арачиново од редовите на СДСМ, а на крајот на октомври минатата година, беше назначена за нов извршен директор на државната компанија „Аеродроми на РСМ“. Таа ја презеде функцијата од Трајче Ангеловски.

Continue Reading

Македонија

ДЕВЕТ БУКВИ ШТО МНОГУ МАКЕДОНЦИ ГИ „ЗАРАБОТИЛЕ“ ВО СТРАНСТВО: Еве го нивното значење

Published

on

Многу Македонци заминуваат да работат во странство, прекршувајќи некое од правилата и законите за работа во некоја од европските земји. Исто така голем број од нив „заработиле“ некоја буква од латиничната азбука во нивниот пасош, а притоа не знаат што точно означува таа буква.

Еве ги точните значења на деветте букви кои никој не сака да му ги запишат во пасошот.

А – лицето не поседува валиден документ

B – лицето има невалидна или фалсификувана патна исправа / пасош

C – лицето нема важечка виза или дозвола за престој

D – лицето има лажна, преправена или фалсификувана виза

Е – лицето не поседува документи со кои ќе ја докажи посетата

F – лице го надминало престојот од 3 месеци во последните 6 месеци

G – лицето нема доволно средства за егзистенција

H – на лицето му е забранет влез во Шенген зоната

I – лицето претставува закана за јавниот ред, здравјето и безбедноста на една или повеќе членки на Европската Унија.

Continue Reading

Македонија

Кој пее, кој плаќа? На 5 дена до Нова Година се спрема прослава, а музичари сè уште си ги чекаат ланските хонорари

Published

on

На пет дена до Нова Година, вчера Град Скопје објави дека ќе има прослава на плоштадот „Македонија“.

Но, што се случи со минатогодишната? Дел од оние кои ги забавуваа скопјани- останаа без пари.

Музичарите сè уште чекаат да ги добијат своите хонорари!

Пејачката Викторија Лоба, која е една од „извисените“, за КУРИР вели дека институциите треба да постапат и да го разрешат случајот. Најавува дека доколку го земе чесно заработениот хонорар, ќе го донира во хуманитарни цели.

-Од комората на музичка индустрија ме поканија да настапам со мојот бенд на 4 јануари 2024 година како и сите останати уметници за проектот „Празнична Приказна” на плоштад Македонија во организација на Град Скопје. 

Дел од уметниците се покриени од спонзори, но околу од 50 музичари не се исплатени, вклучувајки ме мене и мојот бенд.

Од Комората на музичка индустрија ни објаснија дека конкурирале на конкурс со овој проект и го добиле, со буџетот кој го поднеле, кој е исто така одобрен на комисија. За да подоцна од Град Скопје да тврдат дека немаат склучен договор. 

Јавно ги повикувам инстуциите да го разрешат целиот случај за да не постане пракса ваков однос, а со голема љубов и желба сме настапиле.

Очекувам институциите во вакви случаеви да не заштитат.

Се надевам правдата ќе биде задоволена, а Ви најавувам дека мојот хонорар ќе биде дониран во хуманитарни цели, вели Лоба за КУРИР.

Од Градот пак пред неколку дена посочија дека немаат склучено договор за ангажирање на музичари за прославата на 2024 година и дека обврската за организација ја презела Комората за музичка индустрија. Според нив, Комората учествувала на јавен повик, на кој се обврзала дека настанот ќе биде финансиран од повеќе извори.

На музичарите им порачаа да ги бараат средствата директно од Комората. Дополнително, најавија поднесување тужба против одговорното лице во Комората, со цел утврдување на одговорност и проверка на начинот на финансирање на активностите преку надлежните институции, како и спречување на можни злоупотреби во иднина.

Од Комората, пак, исто така најавија правна постапка за неплатените хонорари, нагласувајќи дека ќе бараат исплата на средствата преку суд.

Continue Reading
Advertisement
Advertisement

Трендинг

Copyright © 2024 Булевар.мк