Инфо +

Еве каде има пожари во Македонија и КАКВА Е СИТУАЦИЈАТА НА ТЕРЕН

Центарот за управување со кризи ја соопшти состојбата со актуелните пожари низ Македонија до денеска до 18 часот .

Скопски регион

Пожарот кај с. Градманци е АКТИВЕН. На лице место има 4 екипи од БППЗ, една екипа од ШС Караџица и екипа од општина Петровец. Еден крак од пожарот префрли преку сртото кон с. Долно Коњари. Известени се надлежните од општини Петровец и Гази Баба, БППЗ, ШС Караџица и ДЗС за Град Скопје. Состојбата се следи.

Струмички регион

Шумскиот пожар кој се појави околу 12:30 часот на ден 01.08.2021 година кај м.в.Погана и кој зафати површина од 200 ха, ниско стеблеста шума (даб, габер, прнар, јасен). се уште е активен. Пожарот во утринските часови беше во мирување, но попладнево со појавата на северен ветер, повторни се засили и се движи во правец на Фурка. Од почетокот досега има изгорено повеќе од 500 ха ниско стеблеста шума (прнар, габер, даб и др,) На теренот се ангажирани: Екипа на ТППЕ-Валандово-со 2 ПП возила и 6 пожарникари, Шумско стопанство-со 20 вработени ,ПО ДЗС-Валандово – со 3- припадника, на помош ТППЕ-Гевгелија-со 1 ПП возило и 3 пожарникари, ТППЕ-Струмица со 1 ПП возило и 3 пожарникари и ТППЕ-Неготино со 1 ПП возило и 3 пожарникари.

Пожарот над депонијата во Ново село кон с.Самоилово е повторно активен, гори сува трева и прнар. На терен се ТППЕ Струмица со 3 ПП Возила и 9 пожарникари.

Пожар на отворен простор до хотел Фламинго и гранична линија со Р.Грција. Гори сува трева и борова шума. Изгорено над 20 ха. Силниот ветер претставува опасност за хотелот Фламинго и Бензинск пумпа „Шимов„ а во правец кон гран.линија со Р Грција има опасност за караулата на АРМ и Граничен премин Богородица. Ангажирани сили ТППЕ Гевгелија-2 пп возила, 12 пажарникари, 1 пп возило со 2 пожарникари од Д.Капија, ШС Кожув-5 вработени, група грагани од нм Богородица и Гевгелија, МВР, Приватни компании, 2 багери на приватни компании и 1 цистерна за вода.

Кумановски регион

Активен пожар во с. Бељаковце, маало Ѓуринска маала, кон кон с.Јачинце и с.Довезенце каде гори сува трева и нискостеблеста мешана шума. Екипа на ТППЕ Куманово е на терен.

Активен пожар има и во с.Пезово маало Ресанци и екипа наТППЕ Куманово е на терен.

Во општина Старо Нагоричани има активен пожар во село Дренок кој се спушта кон Отошница , општина Ранковце, каде гори сува трева и нискостеблеста мешана шума. Постои опасност од опожарување на куќа. Во гаснење се вклучени мештаните и припадници на ППЗ единица.

Пожарот на територијата од атарите на селата Арбанашко, Рамно и Кокино е локализиран, односно е ставен под конртола. Со оглед на тоа што на терен моментално се ангажирани 27 припадници на ДЗС како и доволен број пожарникари, и дека половината од припадниците на АРМ можат да се повлечат, односно да се ослободат од ангажман во овој реон.

Во моментот ТППЕ Ранковце е на интервенција на гаснење пожар во сРадибуш и с.Отошница.

Пожарот од с.Дренак кој е на територија на Општина Старо Нагоричане се префрлил на територија на Општина Кратово во с.Страцин маала Ќошарци. Известена е ТППЕ – Куманово.

Охридски регион

Пожарот во околината на с.Девич-М.Брод е локализиран и ставен под контрола, на терен се наоѓаат 2 пожарникари и 5 жители од месното население.

Битолски регион

Пожарот во атарот на с.Канатларци и с.Подмол е сеуште активен и екипа од ТППЕ Прилеп од 1 пп возило и 1 теренско возило, како и 7 пожарникари сеуште се на местото на пожарот

На пожарот на во атарот на с. Топлица интервенираат 1 теренско возило и 4 пожарникари. Пожарот на запалена шума во атарот на с.Топлица, сеуште е активен.

Поради силниот ветер пожарот зема силен замав и се проширува, се работи за голем пожар каде гори деградирана шума и бор, како и сува трева во нивите.

Од Црн Бор на лице место има 5 работници.

Известени ДЗС Прилеп, и инспектор по пожари.

Штипски регион

Пожарот што избувна на м.в.Бајаз Тепе во текот на вчерашниот ден е активен. Интервенираат екипа на ШС Равна Река со 2 теренски возила со цистерни и 2 возила за превоз и 17 вработени, екипа на ШС Малешево со 2 теренски возила со цистерни и 10 вработени, ТППЕ Берово со 1 твозило и 4 пожарникари, ДЗС со 1 теренско возило со цистерна и 3 вработени и неколку луѓе од месното население. Зафатена е високостеблеста шума и дува ветер кои го прават нестабилен и доаѓа до негово ширење, а се работи и за тешко пристапен терен. Гори дабова и борова шума,нискостеблести растенија, стрништа и пасишта. Екипите работат на локализирање на истиот.

Вчерашниот пожар во атарот на с.Нов Истевник маало Пасјак кој е сеуште активен и е зафатена површина од околу 55 ха. Борова шума и нискостеблести растенија. Екипите за гасење на пожар се на терен од раните утрински часови од 04,00 часот. Во гаснењето на пожарот во моментот се ангажирани 80 припадници на АРСМ, 20 вработени во Шумско стопанство Голак од Делчево, ТППЕ со 12 пожарникари и 2 цистерна и едно теренско возило лада нива, 1 припадник на Гранична полиција со 1 теренско возило ландровер, ТППЕ од М.Каменица со едно специјализирано ПП возило и 3 пожарникари и ЈПКД Брегалница со 8 вработени. Пожарот е сеуште активен и се шири во правец на маалото Пасјак. Пожарот ги има зафатено и атарите на општините Берово и Пехчево каде интервенираат работници од нивните шумски стопанства.

На потегот Костин дол-Ново Село се уште е активен позарот. Во 06,55 часот хеликоптер на АРМ се упати на местото на пожарот. Од АРМ со возила и МТС има на терен 80 воници.

Од шумско стопанство осогово Кочани има на терен Лада нива со 5 луге, УАЗ џип со 6 луге и противпожарен џип со 5 луге од шумско стопанство Радовиш.

Related Topics:Македонија Пожари

Up Next

ПОРТОКАЛОВА ФАЗА: Продолжуваат мерките за заштита од топлотен бран

Don't Miss

Дојде Вулин да не спacува: Со хеликоптерите пристигнаа и српски експерти за спpaвување со пожapи

Балкан

Бугарската влада падна: Крах на владините институции и политичка криза во Софија

Во драматичен пресврт што ја потресе бугарската политичка сцена, премиерот Росен Жељазков синоќа поднесе оставка од функцијата претседател на Владата. Оваа одлука доаѓа по неколкунеделни масовни улични протести кои беа катализирани од гневот на јавноста поради контроверзната економска политика и катастрофалниот неуспех на владата да се справи со ендемската корупција.

Жељазаков ја објави својата шокантна оставка во телевизиско обраќање до нацијата, само неколку минути пред Собранието да започне со гласање за предлогот за недоверба на владата. Ова требаше да биде шестото вакво гласање откако владата ја презеде функцијата на 15 јануари оваа година, што јасно го илустрира нејзиниот слаб политички статус.

Оставката одекна, доаѓајќи помалку од еден месец пред земјата да се приклучи на еврозоната на 1 јануари.

Илјадници револтирани граѓани се собраа во Софија и десетици други градови во средата вечер, изразувајќи го својот бес против малцинската влада и нејзината неспособност да ја искорени ендемската корупција во најсиромашната земја-членка на Европската унија. Овие протести се само најновите во долгата серија турбулентни настани, додека Бугарија се наоѓа во длабока неизвесност пред преминот кон еврото.

Минатата недела, владата беше принудена понижувачки да го повлече својот предлог-буџет за 2026 година – првиот составен во евра, поради огромниот притисок од масовните протести. Опозициските партии и граѓанските групи жестоко се спротивставија на плановите за драстично зголемување на придонесите за социјално осигурување и даноците на дивиденди, мерки кои требаше да финансираат повисоки владини трошоци.

И покрај отстапките околу буџетот, пламените на протестите продолжија со несмалена жестокост. Оваа оставка е кулминација на длабоките политички и социјални поделби кои ја мачат земјата, која одржа седум национални избори во последните четири години – последните во октомври 2024 година.

Бугарија повторно е во политички хаос. Нацијата чекори кон еврозоната со владин вакуум и отворена рана од корупција.

Балкан

Драматичен момент во Брисел: Урсула го прекина Вучиќ пред медиумите

На официјалниот влез на Европската комисија во Брисел се случи кратка, но забележлива сцена меѓу српскиот претседател Александар Вучиќ и претседателката на Европската комисија Урсула фон дер Лајен. Според снимките, Вучиќ ѝ соопштил дека штотуку добил порака од Москва, на што Урсула, со воздржана насмевка, му одговорила дека треба да се тргнат од камерите пред да продолжат разговорот.

Снимката брзо се прошири низ европските медиуми и на социјалните платформи, предизвикувајќи големо внимание во дипломатските кругови. Настанот се случува во момент кога ЕУ повторно ја разгледува европската перспектива на Западен Балкан, а Србија се соочува со притисок да ја намали зависноста од Русија.

Ниту Белград ниту Брисел досега не објавија официјално соопштение за овој инцидент.

Пред посетата на Брисел, Вучиќ истакна дека ќе се залага за заедничко членство на земјите од Западен Балкан во ЕУ, што предизвика различни реакции во регионот. Црногорскиот премиер ја потврди целта Црна Гора да се приклучи на Унијата до 2028 година, додека хрватските медиуми оценија дека иницијативата е охрабрувачка, но засега нереалистична.

Европа

Сè што треба да знаете за промените на границата со Унгарија пред вашето патување

За сите патници кои планираат патување кон Унгарија, граничниот премин Бачки Виногради – Ашоталом добива значително продолжено работно време, токму навреме за претстојните новогодишни и божиќни празници.

Постигнат е клучен договор помеѓу Управата за гранична полиција при нашето МВР и унгарските гранични власти, со цел да се олесни патничкиот метеж во претстојниот празничен период.

Преминот сега ќе биде отворен од 7:00 до 22:00 часот. Претходно, преминот работеше само до 19:00 часот. Оваа промена стапува на сила веднаш, од 10 декември и ќе трае до 11 јануари.

Овој граничен премин е етаблиран исклучиво за патнички сообраќај, што значи дека ова олеснување директно ги засега сите што патуваат со своите возила. (Забелешка: Автобускиот и товарниот сообраќај остануваат исклучени).

Во време кога се очекува експоненцијален пораст на бројот на патници, а времето на чекање на границите е дополнително продолжено поради воведувањето на новиот EES систем, овие дополнителни три часа работа можат да значат значително скратување на долгите колони и мачните чекања за сите кои се упатуваат кон Унгарија во наредниот месец.