Инфо +

ДЕТАЛИ ЗА СИТЕ ПОЖАРИ: 14 куќи и училиште изгореа во Дренак, пожарот кај Пасјак е во дијаметар од 9 км

Центарот за управување со кризи информира за состојбата со пожарите во Македонија до 12 часот денеска.

Струмички регион

Пожарот во месноста Погана кој започна на ден 01.08.21 година околу 12:30 часот и зафати површина од околу 800 Ха ниско стеблеста шума (даб, габер, прнар и јасен) е сеуште активен. Од синоќешниот состанок на Кризниот штаб, на кој учествуваше и Директорот на ЦУК договорено е во текот на денешниот ден да интервенираат ТППЕ Валандово со 7 пожарникари и 2 ПП возила, ШС со 20 вработени, ПО ДЗС Валандово со 7 вработени, ТППЕ Неготино со 3 пожарникари и 1 ПП возило и АРСМ со 80 припадници, ЈП МШ ПСШ Кожув Гевгелија со 16 вработени и 3 теренски возила и општина Богданци со 6 вработени, 2 возила и 2 мотори. На пожарот е договорено да дејствува и хеликоптер на АРСМ како и екипа на ЕВН со 2 теренски возила и 2 трактора за пренос на храна и вода за учесниците на пожарот.

Пожарот на отворен простор кај м.в.Погана кој гори на територијата на ПШС Кожув е ставен под контрола.

Кумановски регион

Пожарот во с.Дренок кон Отошница – општина Ранковце, моментално е локализиран, но постои опасност од повторно активирање. За таа цел е неопходен постојан надзор и контрола од шумски работници на ЈП НШ подружница Куманово. Во гаснењето на пожарот биле ангажирани 13 војници од АРСМ и 7 пожарникари од општина Ранковци. Околу 07:30 испратени биле и 4 хеликоптери од Р.Србија и 25 војници од АРСМ од кои 13 во с,Дренак а 12 во с.Вржогрнци – општина Ранковце. Од вчера до сега во с.Дренак изгореле 14 куќи и 1 школо.

Шумски пожар во почетна фаза во реонот на с.Алинце кон с.Брешко. Екипите се упатени на терен. Пожарот во с.Мургаш кој синоќа беше изгаснат околу 04:00 повторно се активирал. На терен е екипа од ТППЕ Куманово со 4 пожарникари и 1 ПП возило.

Пожарот во атар на с.Коњух кој започнал на ден 03.08.2021 година околу 12:00 часот е сеуште активен на непристапен терен за возила. Во гасењето на пожарот учествуваат 7 пожарникари од ТППЕ Кратово, 8 вработени од ЈП Македонски Шуми, луѓе од месно население и службеници од ПСОН Кратово. Пожарот е на поголема површина но нема опасност по куќите во селото.

Битолски регион

Пожарот кој е започнат во 13:10 часот на ден 02.08.2021 година во атарот на во атарот на селата Ракле – Никодин – Топлица, општина Прилеп е сеуште активен. На ден 04.08.2021 година околу 04:00 часот испратена е екипа од 10 пожарникари со 2 теренски возила од ТППЕ Прилеп да интервенира на истиот.

Командирот на ТППЕ Прилеп изјавил дека побараната помош од армијата во текот на вчерашниот ден, до овој момент не е потребна, но со командантот на касарната е договорено војската да биде припремна и на готовс, доколку има потреба ќе бидат активирани. На терен од 06:00 часот е присутна и екипа од 6 вработени од ЈП Македонски Шуми „Црн Бор“ Прилеп. Пожарот во нискиот дел е под контрола со слаб интензитет а гори во високиот дел каде е непристапен теренот. Нема опасност за населението и објекти од населените места. Према проценката, до овој момент нема потреба од дополнителна помош.

Штипски регион

Пожарот од 02.08.2021 година кај м.в.Бајаз Тепе – општина Пехчево е сеуште активен. На терен моментално интервенираат екипа на ШС „Равна Река“ со 18 вработени со 2 теренски возила со цистерни и 2 возила за превоз, екипа на ШС „Малешево“ со 8 вработени и 2 теренски возила со цистерни, ТППЕ Берово со 4 пожарникари со 1 теренско возило и ДЗС со 3 вработени со 1 теренско возило. На пожарот интервенираат и луѓе од месното население. Зафатена е високостеблеста борова и дабова шума со што доаѓа до негово ширење, нискостеблеста вегетација, стрништа и пасишта. Екипите работат на негово локализирање. Во секој момент се очекува и поддршка од хеликоптерите.

Пожарот кој започна на ден 02.08.2021 година во атарот на с.Нов Истевник маало – Пасјак е сеуште активен и е во дијаметар од 9 км. До овој момент е опожарена површина од околу 350 Ха со борова шума и нискостеблести растенија. Екипите за гасење на пожар се на терен од раните утрински часови од 04:00 часот. Во гаснењето на пожарот во моментот се ангажирани 90 припадника на АРСМ, 25 Ввработени во ШС „Голак“ Делчево со 4 теренски возила, ТППЕ Делчево со 13 пожарникари, 2 цистерна и едно теренско возило, 3 припадник на Гранична полиција со 3 теренски возила и ЈПКД „Брегалница“ со 7 вработени со 1 теренско возило и 1 вработен од РЦУК Делчево. Во ганењето на пожарот е ангажиран и 1 хеликоптер на АРСМ. Пожарот е се уште активен и се шири во правец на маало Балабанци.

Пожарот кој започнал на ден 02.08.2021 година на потегот Костин Дол – Ново Село, општина Кочани е сеуште активен. На терен има екипи од ТППЕ Кочани, 40 војници и старешини од АРМ, 11 вработени со 2 теренски возила од ШС „Осогово“ Кочани, 1 екипа со противпожарен џип од ШС Радовиш и тимови од ДЗС од Берово и Виница.

Скопски регион

Пожарот кој започнал околу 19:20 часот на ден 02.08.2021 година над Катлановска бања, с.Градманци и с.Коњари е сеуште активен но нема опасност за загрозување по животот на населението. Моментално гори мешана шума на непристапниот предел на сртот над Катлановска бања. Моментално на терен интервенираат 12 пожарникари со 4 ПП возила кои се распоредени на потребните критични локации. Состојбата е координирана со Локалната самоуправа Петровец и ПП бригадата на Град Скопје.

Тетовски регион

ЦУК известува дека од страна на ТППЕ Тетово добиена е информација дека во с.Нераште – општина Теарце гори депонија која се наоѓа покрај патот што води кон с.Радуша. Испратена е екипа од ТППЕ Тетово со 3 пожарникари и 1 ПП возило

Related Topics:Македонија пожар

Up Next

Околијата кај Пехчево ВО ПЛАМЕН❗ Не можеме сами, ни треба помош (Видео)?

Don't Miss

Добро што не се распадна: Еве со што се гacнеше пожapoт во Гевгелија

Свет

САД изведоа акција и запленија венецуелска нафта, Венецуела реагира

Американските сили извршија акција и запленија голем танкер под санкции покрај брегот на Венецуела, што предизвика жестоки реакции во Каракас. Владата на Венецуела соопшти дека ќе ја брани својата сувереност, природните ресурси и националното достоинство, најавувајќи жалба пред меѓународните институции.

Министерот за внатрешни работи Диосдадо Кабељо ги нарече САД „убијци, крадци и пирати“ и саркастично се повика на филмот „Пиратите од Карибите“. „Џек Спероу таму е херој, но овие типови се вистински криминалци на отворено море“, изјави тој.

Претседателот Доналд Трамп потврди дека акцијата била изведена синоќа, додавајќи дека танкерот бил најголем досега. Јавната обвинителка Пем Бонди истакна дека бродот превезувал санкционирана нафта од Венецуела и Иран, а операцијата била координирана од ФБИ, Министерството за одбрана, Министерството за внатрешна безбедност и Крајбрежната стража.

Снимките од американските служби прикажуваат два воени хеликоптера и вооружени војници како се спуштаат на палубата на бродот, а според извори, акцијата ја изведувале десет маринци, десет припадници на Крајбрежната стража и специјални единици од бродот „Џералд Форд“.

Компанијата „Вангард“ го идентификува бродот како „Скипер“, кој долго време ја лажирал својата позиција. Министерството за финансии на САД го стави под санкции уште во 2022 година за наводна вмешаност во нелегален шверц на нафта што генерирал приходи за Хезболах и Исламската револуционерна гарда.

Претседателот на Венецуела, Николас Мадуро, оцени дека станува збор за меѓународно пиратство и истакна дека „Венецуела никогаш нема да стане нафтена колонија“. Трамп, пак, изјави дека запленетата нафта веројатно ќе биде задржана од САД.

Балкан

Милановиќ: Франција продава авиони и на нашите соседи, без да се консултира со Хрватска

Претседателот на Хрватска, Зоран Милановиќ, денеска изјави дека Франција се грижи исклучиво за своите интереси, по продажбата на 12 воени авиони на Хрватска, а потоа исто толку и на соседи кои не се членки на НАТО.

„Ние сме членка на НАТО и имаме завети со нашите сојузници за критични ситуации. Меѓутоа, можеме да видиме како се однесуваат стратешките партнери. Франција не нè праша за нашето мислење кога го продаде истото количество авиони на соседите. Потоа мораме да ги надградиме тие системи, што дополнително чини. Тие се грижат само за своите интереси“, рече Милановиќ.

Тој додаде дека не станува збор за критика, туку за поттик за размислување за мотивите и одлуките на државите. Милановиќ истакна дека при донесувањето важни државни одлуки целата доктрина треба да произлегува од заштита на сопствените интереси, без да се исклучува лојалност и пристојност кон партнерите.

„Не може да има иста стратегија за земја од четири милиони жители и земја од 65 милиони, земја што произведува и земја што купува. Улогите не се еднакви“, заклучи хрватскиот претседател.

Балкан

Косово ја коригира патната сигнализација – земјата сега правилно означена со МК

Косово го исполни ветувањето и го тргна погрешниот меѓународен код „НМК“ од патните знаци, заменувајќи го со точниот – МК. Фотографии од изменетите табли ги испрати Ќамил Фека, директор на одделот за патишта при Министерството за животна средина, просторно планирање и инфраструктура на Косово.

„360 степени“ минатата недела извести дека на стариот пат Приштина–Скопје се користела погрешната ознака „НМК“. Од косовската страна уверија дека станува збор за ненамерен пропуст и дека истиот ќе биде најитно коригиран.

Случајот со погрешни ознаки е втор во соседството, откако Србија веќе подолго од две години на патни знаци користи „НМК“ наместо МК. Од македонското МНР истакнаа дека веруваат оти и српските власти ќе постапат по нивните барања и ќе ја коригираат сигнализацијата.

Овој потег доаѓа во контекст на Преспанскиот договор од 2018 година, кој, меѓу другото, го регулираше користењето на меѓународните ознаки и кодови за Македонија.