Connect with us

Инфо +

Не се знае ништо: Кои ќе бидат редарите кои ќе бараат сертификати во рестораните, угостителите гневни, инспекторите збунети

Published

on

Збунети и затечени, угостителите но и инспекторите не знаат на кој начин ќе ги контролираат луѓето кога во рестораните и кафулињата ќе се затечат 30 присутни лица: една од најновите рестриктивни мерки на Владата донесени вчера. Она што се знае е дека во моментот, оној кој нема да да приложи сертификат, ќе треба го напушти ресторанот.

-Се воведува задолжителна потврда за извршена им*низација, најмалку прва доза, со задолжителна редарска служба заради контрола на приложување доказ за им*низација во угостителски објекти, каде има повеќе од 30 присутни лица, за било каков настан, се вели во одлуката на Владата

Угостителите се револтирани оти со ваквиот чекор повторно се удира по нив и нивниот единствен извор на егзистенција. Но, истовремено е нејасно и од каде бројката 30 присутни лица во угостителскиот објект е клучната бројка? Дали Владата има направено некаква анализа за да дојде точно до овој број како услов каде би требало да упаднат инспекторите за да бараат сертификати и да прават контроли?

Ова се само дел од дилемите на угостителите, но и од пазарниот инспекторат не знаат како, со толку малку инспектори, ќе излегуваат на терен по угостителските објекти. Директорката на Државниот пазарен инспекторат, за дел од медиумите изјавила дека оваа институција располага само со 180 инспектори, а „се чекаат инструкции за тоа како ќе ги контролираат редарите“. И на крајот, всушност никој не знае дали т.н. редари за кои зборува Владата треба да ги платат и обезбедат угостителските објекти или Државниот пазарен инспекторат?

И оваа мерка како и неколку претходни не наидоа на широка поддршка во јавноста. Дотолку повеќе што според реакциите на социјалните мрежи, кај луѓето дополнително ќе се создаде одбивност кон им*низацијата за што и онака не постои висок интерес во Македонија.

Извор: Скопско ехо

Свет

Светот ја игнорира најголемата хуманитарна катастрофа

Published

on

Судан пред колапс: Најтешката хуманитарна криза во светот

Две години по почетокот на граѓанската војна, Судан се соочува со најголемата хуманитарна катастрофа на планетата, предупредуваат ОН и невладини организации. Насилствата помеѓу суданската армија и паравоените Сили за брза поддршка (RSF) оставија зад себе десетици илјади мртви и над 13 милиони раселени, од кои 4 милиони побегнаа во соседни земји.

Според Оксфам, Судан денес бележи рекорди во бројот на раселени, гладни и погодени од насилства. И покрај тоа, меѓународната заедница продолжува со игнорантскиот однос, фокусирана на други конфликти како Украина и Газа.

Додека Велика Британија денес во Лондон организира министерска конференција за повторно покренување на мировните преговори, теренската реалност останува мрачна. Во западниот регион Дарфур, RSF ја интензивира офанзивата врз градот Ел Фашер и околните кампови за раселени лица, со над 400 убиени само во последните денови.

ОН предупредуваат дека состојбата е „алармантна“ – речиси половина од 51 милион жители на Судан страдаат од недостиг на храна, а околу 637.000 луѓе во Дарфур се на работ на глад.

Корените на конфликтот се во соборувањето на диктаторот Омар ал-Башир во 2019 година, кога генералите Бурхан и Хемедти накратко соработуваа, но подоцна се судрија во борбата за моќ. RSF, група произлезена од злогласните милиции Џанџавид, беше обвинета за масакри врз етнички заедници и геноцид во Дарфур — втор ваков случај во Судан за помалку од 30 години, според САД.

Обвиненија се упатени и до Обединетите Арапски Емирати за наводно наоружување на RSF, што тие го негираат.

И покрај сериозноста на ситуацијата, меѓународната изолација на Судан, ограничениот медиумски пристап и конкуренцијата со други глобални кризи, го држат овој конфликт надвор од фокусот на светската јавност.

Continue Reading

Свет

Трамп го казни и Харвард: Најпознатиот Универзитет на пат да загуби 2,3 милијарди долари

Published

on

САД замрзнуваат 2,3 милијарди долари за Харвард поради отпорот кон владините барања

Вашингтон / Кембриџ – Американската влада замрзна федерално финансирање во износ од 2,3 милијарди долари за Универзитетот Харвард, откако раководството на престижниот универзитет одби да се придржува кон новите барања на Белата куќа, вклучително и затворање на програмите за различност, правичност и инклузија.

Одлуката е реакција на отвореното писмо од претседателот на Харвард, Алан Гарбер, кој остро ја осуди политиката на федералната администрација, нагласувајќи дека барањата директно ги загрозуваат вредностите и автономијата на универзитетот како приватна институција.

„Ниту една влада – без разлика на партиската припадност – не смее да диктира што приватен универзитет може да предава, кого да вработува или какви истражувања да спроведува“, рече Гарбер.

Според Министерството за образование на САД, Харвард „не ја исполнил одговорноста што доаѓа со федералните средства“. Работната група за борба против антисемитизам во рамки на Одделот објави дека се замрзнати 2,2 милијарди долари од грантови и дополнителни 60 милиони долари од договори со универзитетот.

Гарбер оцени дека владините барања за „ревизија“ на ставовите на студентите и факултетот, со цел да се идентификуваат оние кои не се согласуваат со администрацијата на Трамп, директно ги кршат уставно загарантираните права на слобода на говор.

Во обид да ги ублажи последиците од финансиската блокада, Харвард веќе започнал процес на обезбедување заем од 750 милиони долари преку Вол Стрит.

Потсетување: во јануари, Харвард прифати зголемени мерки за заштита на еврејските студенти, по решавање на две тужби со обвинувања за пораст на антисемитизам на кампусот.

Continue Reading

Свет

Не е Путин: НАТО сега има многу помоќен непријател од рускиот претседател

Published

on

Руте од Јапонија: НАТО мора да одговори на растечката воена моќ на Кина

Генералниот секретар на НАТО, Марк Руте, за време на неговата официјална посета на Јапонија, изрази сериозна загриженост поради брзиот раст на кинескиот воен потенцијал, истакнувајќи дека Алијансата мора да даде соодветен одговор на тоа.

Целта на неговата посета е да ја потврди зголемената стратешка посветеност на НАТО во Индо-пацифичкиот регион, каде што геополитичките тензии растат, особено поради влијанието на Кина и Северна Кореја.

– Не смееме да бидеме наивни кога станува збор за Кина. Нивната воена експанзија, инвестициите во одбранбената индустрија и зголемувањето на капацитетите се навистина зачудувачки – изјави Руте во интервју за „Japan Times“.

Притисок од САД: Зголемете го воениот буџет и отпорот кон Пекинг

Американскиот претседател Доналд Трамп продолжува да врши притисок врз европските членки на НАТО да ги зголемат буџетите за одбрана. Воедно, Вашингтон ги повикува сојузниците од Индо-пацификот да ги зајакнат сопствените воени капацитети со цел да се спротивстават на растечката моќ на Кина и на провокациите од Северна Кореја.

– САД сакаат НАТО да има поактивна улога во регионот. Не во контекст на активирање на Членот 5, туку преку демонстрација на сила и солидарност меѓу сојузниците – нагласи Руте.

Членот 5 од Повелбата на НАТО предвидува дека напад врз една членка е напад врз сите, со што се активира обврска за заедничка одбрана.

Назначување на сојузи со IP4: НАТО сѐ поблиску до азиско-пацифичките партнери

Како дел од посетата, Руте ќе ја посети поморската база Јокосука и ќе се сретне со јапонскиот премиер Шигеру Ишиба во среда.

НАТО последниве години ја интензивира соработката со Јапонија, Јужна Кореја, Австралија и Нов Зеланд – земји што ја сочинуваат неформалната група IP4.

Нивната зголемена присутност на самитите на Алијансата е сигнал за продлабочување на стратегиските врски помеѓу НАТО и клучните партнери во азиско-пацифичкиот регион.

Continue Reading
Advertisement
Advertisement

Трендинг

Copyright © 2024 Булевар.мк