Инфо +

Груби го откажа концертот за прославата за 20 години Рамковен, на што сега ќе се потрошат 400 илјади евра?

Првиот вицепремиер Артан Груби по силните реакции поради најавената прослава за рамковниот договор на која ќе присуствуваат 200-300 гости во затворен простор на два дена пред почетокот на важењето на новите мерки вели дека целиот настан ќе биде организиран по протоколи.

„Централниот настан во Александар Палас на 13 август ќе биде во сала која собира 1500 луѓе, а ќе присуствуваат не повеќе од 200 луѓе кои што ќе носат маски, ќе бидат повеќе од 1.5 метар разделечени, ќе им се мери температура пред влезот, па затоа не ја разбирам оваа масовна хистерија по социјалните мрежи, се надевам дека не се донесува на Охридскиот рамковен договор и на неговата имплементација туку е навистина загриженост. Согласно програмата за одбележување на Охридскиот рамковен договор предвиден беше огромен концерт на плоштадот Мкаедонија вечерта на 13-ти Август но решивме ние како министерство да го одложиме, да не го одржиме“, кажа Груби.

Останати критики во јавноста одат во насока на огромната сума на пари која се планирала за овој настан.

Имено Првиот дел од договорот за организирање на настанот вреден речиси 400 илјади евра го доби фирмата Друштво за продукција, маркетинг, дизајн, промет и услуги Арбериа Десинг Дооел Тетово. Таа во Централниот регистар е заведена како фирма која се занимава претежно со дејноста издавање на книги. Во изминативе пет години оваа фирма најчесто добивала тендери од Министерството за образование, Секретаријатот за спроведување на рамковниот договор, од Биро за развој на образование и од Државниот универзитет од Тетово. Најмалку 15 милиони евра изнесува вредноста на тендерите кои ги добила за печатење на книги, покажуваат податоците од владината дата база „Отворени финансии“.

Вториот дел од набавката го доби фирмата друштво за промет и туризам ЕУРО- Турист Зибер Дооел Тетово. Вредноста на овој дел од договорот изнесува 97 илјади евра и се однесува на авио билети и сместување. Според податоците на бирото за јавни набавки, претходно оваа фирма од државниот буџет за авионски и хотелски услуги инкасирала 65 илјади евра.

Во тендерската документација е наведено дека пристигнувањето на патниците и нивното тргнување не треба да биде среде ноќ и дека во цената влегува економска класа и багаж до 23 килограми.

„Конекциите за одделните дестинации да бидат со колку што е можно помалку време на чекање, со директни врски и без непотребни префрлања и чекања. Пожелно директен лет“, се вели во тендерската документација.

Гостите е предвидено да бидат сместени во хотели во и надвор од Скопје, а хотелот треба да биде со категоризација од 5 ѕвездички и да располага со сала за фитнес и спа центар. Во однос на транспортот гостите ќе се возат во автомобили кои не се постари од 7 години.

Еден од условите на тендерот е фирмата која ќе врши транспорт на гостите да поседува минимум 7 патнички возила од кои минимум една лимузина.

Во бодувањето во јавната набавка за организацијата на 20 годишнината клучен критериум е цената и носи 70 поени, додека вториот критериум кој носи 30 поени е професионално искуство во организирање на настани со целосна логистичка, техничка и креативна подршка во последните 3 години.

Поканети се тристотини гости во период пред да стапат во сила новите рестриктивни мерки за заштита од Ковид 19. За прославата ќе бидат потрошени вкупно половина милион евра.

Up Next

„Нема украдено ништо! Заедно сме на терен и пријатели сме со Словенците и Австријците“ ?‍?

Don't Miss

На пожарникарите од Австрија им е украдена моторна пила, пумпа и алат?

Свет

Трагедија на Тенерифе: Џиновски бранови однесоа три животи, 15 лица повредени

На шпанскиот остров Тенерифе, силни бранови ги погодија брегот, при што три лица загинаа, а најмалку 15 се повредени, соопштија локалните власти.

Според официјалните податоци, несреќата се случила кога група луѓе — меѓу кои и туристи — биле повлечени во морето од одеднаш налетувачки бранови во приобалниот регион.

Меѓу настраданите е и 79-годишна жена од Холандија, која, и покрај обидите за реанимација, починала на местото. Друга жртва е 43-годишен Шпанец кој ловел риба — спасен од морето, но воскресните служби само ја констатирале смртта.

Дополнително, неколку лица — меѓу кои и туристи — се пренесени во болница со повреди, од кои дел се сериозни.

Локалните власти забележуваат дека брановите се нарекуваат „џиновски“ и предупредуваат дека крајбрежјето моментално е исклучително опасно. Ги повикуваат сите — жители и туристи — да се воздржуваат од влегување во вода или приближување до морскиот крај додека траат предупредувањата.

Овој настан ја поттикна итната реакција на спасувачките служби, кои извршија операции за евакуација, спасување и укажување на прва помош — но, за жал, не успеаја да ги спасат сите.

Балкан

Авион од Приштина слета надвор од пистата во Истанбул — сите патници евакуирани без повреди

Патнички авион на компанијата AJet, кој летал на релација Приштина–Истанбул, излета од пистата по слетување на аеродромот Sabiha Gökçen International Airport, но, за среќа, сите патници беа безбедно евакуирани и нема пријавено повредени.

Авионот — модел Boeing 737-800 со лет VF102 / TKJ76Q — по слетувањето, при рулирањето, излегол од патеката и запрел на мека земјена подлога покрај пистата. Причина, според авиокомпанијата, биле обилните врнежи кои ја направиле подлогата лизгава.

Според официјалното соопштение од Амбасадата на Република Косово во Турција, сите лица се евакуирани преку надворешни скали — без употреба на итни лизгалки — и мирно ја продолжиле својата патувачка траекторија.

Турските власти привремено ја затворија пистата каде се случи инцидентот, додека трае отстранувањето на авионот и проверка на безбедносната состојба, а надлежните институции започнаа истрага за причините што доведоа до излетувањето.

Иако настанот предизвика вонредни настани и загриженост, на крајот нема загубени животи — што е најважниот исход.

Балкан

Честитка од Македонско друштво “Илинден“-Тирана по повод празникот Свети Климент Охридски

По повод христијанскиот празник Свети Климент Охридски, македонското друштво “Илинден“-Тирана, упати честитка до Архиепископ Охридски и Македонски и на Јустиниана Прима, господин, господин Стефан и до сите Македонци каде и да се.

Од мое лично име, во име на друштвото и на сите Македонци во Албанија упатуваме честитки по повод голем христијански празник, денот на Свети Климент Охридски чудотворец – учителот и просветителот кој е доказ дека љубовта се мери според жртвата. Честитајќи им го празникот на г.г. Стефан, на членовите на Светиот архијерејски синод, на преподобното монаштво и свештенство, и на сите верници посакуваме денот посветен на патронот на МПЦ-ОА да го поминат во добро здравје, стои меѓу другото во честитката, потпишана од претседателот на друштвото Никола Ѓурѓај.

Се додава дека огромна е почитта кон Свети Климент Охридски, кој остави не само големо духовно и просветителско наследство, туку и со личен пример на дело покажа што значи милост, трудољубивост, трпение и солидарност.