“Заканите на Доналд Трамп за новите санкции нема да ја сопрат Русија во постигнувањето на своите цели”, изјави портпаролот на руската влада во петокот, по претставката на американскиот претседател за воведување нови финансиски санкции со цел да ја натера Москва на примирје.

„Првата реченица е најважна. Многу месеци САД се фокусираа на победа за Украина. Сега постои признание за реалноста дека позицијата на Украина на боиштето е лоша“, изјави Марија Захарова, портпарол на руското Министерство за надворешни работи, реагирајќи на објавата на Трамп на социјалните мрежи, во која тој напиша дека Москва „жестоко ја бомбардира“ Украина.

„Она што е вистина е дека Украина е поразена, бидејќи се потпираа на претходната администрација во Белата куќа. Што се однесува до новите санкции, веќе сме се соочиле со многу санкции и тие не ја спречија реализацијата на нашите цели“, додаде Захарова.

Трамп, во петокот, на социјалната мрежа Truth Social, изрази значителна промена во својот став во корист на Москва, посебно откако настана конфронтација во Белата куќа, кога Трамп и потпретседателот Џеј Ди Венс го критикуваа украинскиот претседател Володимир Зеленски. По ова, САД ја прекинаа испораката на разузнавачки податоци и воена помош за Украина.

„Во светло на фактот дека Русија моментално ја’бомбардира’ Украина на боиштето, сериозно размислувам за воведување санкции во широк обем, како и тарифи на Русија додека не се постигне примирје и конечен мировен договор“, напиша американскиот претседател во петокот.

Откако Доналд Трамп дојде на власт во јануари 2025 година, неговите одлуки значително ја промениле политиката во САД и ширум светот. Секојдневно привлекува внимание со нови, често шокантни одлуки.

Запирање на помошта за Украина

На 4 март, Белата куќа потврди дека ја прекинува воената помош за Украина. Трамп одлучи дека Киев не е заинтересиран за мир додека САД ја поддржуваат земјата. Помошта што веќе е испратена во Украина, која моментално се наоѓа во Полска, нема да биде испорачана. Оваа одлука ја натера Европската унија да работи на нов план за безбедност, додека Зеленски побара од САД да ги водат преговорите и да потпишат договор за минерали.

Воведување на царински давачки

Трамп го најави воведувањето на царини за земјоделските производи почнувајќи од април и веќе воведе царина од 25% за стоки од Мексико. Тој исто така размислува за враќање на производството во САД. Исто така, воведе царини за стоки од Кина, особено во контекст на шверцот со фентанил.

Заострување на имиграциската политика

Новиот претседател значително ја заостри имиграциската политика, особено на границата со Мексико. Тој испрати повеќе војници на границата, а многу мигранти беа уапсени. Планира и завршување на изградбата на ѕидот. Меѓутоа, масовните депортации преку воени авиони беа стопирани поради високите трошоци.

Повлекување од меѓународни организации

Од почетокот на мандатот, Трамп ја најави одлуката за повлекување на САД од Светската здравствена организација (СЗО) и Парискиот климатски договор. Ова ќе овозможи поголемо производство на енергија во САД, но со напуштањето на СЗО, САД ќе заштедат средства, иако тоа ќе остави голем финансиски вакум во организацијата.

Ова се само дел од главните одлуки што ги донесе Трамп во првиот месец и половина од мандатот. Иако неговите потези се контроверзни, јасно е дека тој продолжува да води агресивна политика. Што ќе се случува во наредните години од неговиот мандат, останува да видиме.

Македонец сопственик на компанија е пронајден починат, а неговата фирма била запалена во средата попладне во Крествуд во американската држава Илиноис. Полицијата соопшти дека осомничениот бил уапсен во Холанд.

„Кратко по 16 часот во средата, полицијата и пожарникарите на Крествуд одговорија на повикот за силен чад во компанијата „ATG Truckload“. Починатиот сопственик на компанијата е идентификуван како 48-годишниот Дане Котески, кој на веб-страницата на транспортната компанија е наведен како претседател и извршен директор“, пренесоа некои американски медиуми.

Пожарникарите на Крествуд брзо го изгаснале малиот пожар, кога на вториот кат од зградата, сред густ чад, било пронајдено тело на маж. Полицијата во Крествуд и Единицата за тешки злосторства во јужните предградија веднаш започнала истрага. На местото на настанот пристигнал и Државниот противпожарен инспектор од Илиноис за да започне истрага за подметнувањето пожар

„Во текот на следните неколку часа, инспекторите собраа и следеа бројни траги. Осомничениот е идентификуван. Утврдено е дека станува збор за возач кој работел кај починатиот сопственик на фирмата“, соопштуваат од полицијата.

Полицијата го карактеризира ова злосторството како „изолиран инцидент, насочен само кон жртвата“.

Осомничениот на крајот бил лоциран на постојка за камиони во Холанд, на околу 145 милји од Крествуд. Полицијата соопшти дека Единицата за тешки злосторства ја известила полицијата на Холанд, која го привела осомничениот околу 5:15 часот по централно време.

Се чекаат резултатите од обдукцијата. Полицијата и Единицата за тешки злосторства, во соработка со обвинителството, ја продолжуваат истрагата додека работат на екстрадиција на осомничениот назад во Илиноис.

За помош на семејството на починатиот Котески, започна хуманитарна кампања преку платформата GoFundMe. Секој што сака да помогне може да донира средства, а секоја помош ќе биде од големо значење за семејството во овие тешки моменти.