Connect with us

Инфо +

Десетмина “тигри“ рачно ги гаснат корењата под земја кои не дозволуваат да биде изгаснат пожарот кај Сарај

Published

on

Ситуацијата со пожарот што веќе неколку дена гори во Општина Сарај е специфична, затоа што откако ќе биде изгаснат продолжуваат да горат корењата под земја и тој повторно се разгорува, изјави директорот на Центарот за управување со кризи (ЦУК), Стојанче Ангелов.

-Во овој момент трае работен состанок на којшто присуствуваат офицери за врска од европскиот механизам за цивилна заштита и француски експерти за гаснење на високоризични пожари. Разгледана е вчерашната состојба и договорена е стратегија за утрешниот ден и тој потоа. Во Сарај е специфично.



Откако огнот првично ќе изгаси, потоа почнува да гори подземно, да гори коренот. Од тие причини 10 припадници на полициските специјални единици придружени со француските инструктори се спуштија од врвот на планината каде што гори овој пожар при дното, при што рачно ги изгасија видливите точки, рече Ангелов.

Тој додаде дека точките се тешко видливи и од хеликоптер и затоа за утре се договорени 30 припадници на полициските специјални единици со соодветна опрема, заедно со француските експерти и четири француски дронови со термални камери за откривање на оган, со цел да се пронајдат критичните точки кои го распалуваат огнот во шумата.

Денеска, според прегледот на активни пожари, како што беше соопштено на прес-конференцијата на ЦУК, во Општина Сарај, пожарот над селата Раович и Букојчо, односно над нив, сѐ уште е активен на непристапен терен и се дејствува со два хеликоптера на Армијата за да се изгасне.

Во Неготино, кај селото Барово, пожарот е сѐ уште активен, гори сува трева и нискостеблеста шума, таму интервенираат противпожарни возила, како и комуналното претпријатие. Во Петровец, Скопско, кај село Дивље, пожарот е локализиран. Во Виница пожарот на градската депонија сѐ уште тлее, но е локализиран.

Балкан

Грција: Уште една седмица затворени училиштата

Published

on

Поради сеизмичка активност во морскиот дел меѓу Санторини и Аморгос, училиштата на четири грчки острови ќе останат затворени уште една седмица, одлучија членовите на надлежните комисии при Министерството за климатски кризи и цивилна заштита на Грција, од каде што соопштија дека од 1 февруари биле регистрирани над 1.368 земјотреси посилни од три степена.

Училиштата на Санторини, Иос, Аморгос и Анафи се затворени од почетокот на месецов, новата одлука важи до 28 февруари, а за враќањето на учениците во училишните клупи, надлежните комисии ќе разговараат на следниот заеднички состанок закажан за четврток попладне.

На заедничкиот состанок на Комисијата за процена на сеизмичката опасност и Комисијата за следење на вулкански активности во надлежното Министерство била разгледана актуелната ситуација и членовите едногласно констатирале дека „сеизмичката серија во морскиот дел меѓу Санторини и Аморгос бележи опаѓање, со над 1.368 земјотреси од 1 февруари со јачина од над 3 степени и со максимална регистрирана магнитуда од 5,3 степени“, дека сеизмичка активност се должи на подводни раседи и дека „сеизмичката активност во калдерата останува на истото ниво како, а „во поширокиот регион на Санторини се забележува намалување на темпото на деформација на тлото“.

Паралелно потсетија на превентивните мерки за граѓаните, односно да избегнуваат големи собири во внатрешноста на објектите; да избегнуваат напуштени објекти; да избегнуваат пристап и престој во пристаништа Амуди, Армени, Крфос и старото пристаниште во Фира; да ги отстранат опасните непотребни предмети на објектите и да ја испразнат водата од базените; да изберат безбедни рути при движењето по градските и локалните патни мрежа, поради опасност од појава на одрони и итно да се евакуираат крајбрежните области во случај на силен земјотрес.

Грчкиот премиер Кирјакос Мицотакис неговиот традиционален неделен преглед на Фејсбук, денеска го започна со земјотресите во близина на Санторини посочувајќи дека „бројот на потреси е намален во последните 24 часа, но научниците продолжуваат деноноќно да ја следат појавата, проценувајќи дека ќе треба време за сеизмичката активност целосно да запре“.

Додаде дека покрај мерките за поддршка на бизнисите и вработените што минатата седмица ги најавија, од Министерството за внатрешни работи, надлежно за општините ќе биде одвоена вонредна помош од 850.000 евра за Санторини, Аморгос, Анафи и Иос.

Continue Reading

Балкан

ХАОС ВО СОФИЈА: Протестот против еврото ескалира – запалена врата, тепачки и приведени пратеници!

Published

on

Во Софија избувнаа жестоки немири за време на протестот против воведувањето на еврото, што резултираше со приведување на шест лица, меѓу кои и пратеникот Ивајло Чорбов од партијата Преродба. Дополнително, двајца пратеници – Ангел Георгиев и Никола Димитров – се пренесени во болница по судирите со полицијата.

Демонстрантите, собрани пред претставништвото на Европската комисија, го изразија својот гнев со фрлање црвена боја и петарди кон зградата, а нејзината врата беше запалена. Полицијата одговори со солзавец и приведе неколку учесници. Според официјалните информации, во немирите биле повредени 10 полицајци.

Пратеникот Цончо Ганев од Преродба ги обвини властите за бруталност и најави блокада на парламентот од среда, барајќи оставка на Владата. Тој истакна дека над 600.000 граѓани побарале референдум за еврото, но нивното барање било игнорирано.

Ситуацијата во бугарската престолнина останува напната, а протестите продолжуваат.

Continue Reading

Свет

СУДОТ ПРЕСЕЧЕ, УСАИД ЗАМИНУВА ВО ИСТОРИЈАТА Администрацијата на Трамп ќе продолжи со распуштање на агенцијата

Published

on

Распуштањето на УСАИД е дел од пошироката реформа на јавниот сектор што ја спроведува мултимилијардерот Илон Маск, по налог на претседателот Трамп. Двајцата тврдат дека затворањето на агенцијата ќе заштеди милијарди долари од буџетот.

Федералниот судија Карл Николс вчера донесе одлука со која ѝ овозможи на администрацијата на претседателот на САД, Доналд Трамп, да продолжи со планот за распуштање на Американската агенција за меѓународен развој (УСАИД).

Со оваа одлука се отвора пат за повлекување на неколку илјади вработени во УСАИД од САД и од странство. Николс одби да го прифати барањето тие привремено да останат на функција, што значи дека започнува 30-дневен рок за нивно враќање дома на трошок на американската влада.

Оваа судска одлука следуваше по тужбата поднесена од синдикатите во име на вработените во агенцијата, меѓу кои има и такви кои ризикуваат да останат заглавени во странство. Според тужбата, администрацијата на Трамп одолговлекувала со итното враќање на персоналот и нивните семејства, што довело до ситуации каде вработени во УСАИД во нестабилни региони, како Конго, останале без никаква поддршка од американската влада.

Во поширока смисла, тужбата го доведува во прашање уставниот легитимитет на затворањето на агенцијата, тврдејќи дека за тоа е потребно одобрение од Конгресот. Меѓутоа, судијата Николс оцени дека спорот треба да се решава согласно федералните закони за вработување, а не на окружно ниво.

Распуштањето на УСАИД е дел од пошироката реформа на јавниот сектор што ја спроведува мултимилијардерот Илон Маск, по налог на претседателот Трамп. Двајцата тврдат дека затворањето на агенцијата ќе заштеди милијарди долари од буџетот.

Continue Reading
Advertisement
Advertisement

Трендинг

Copyright © 2024 Булевар.мк