Инфо +

Доkтор Николов: Инфективна клиника е полна до четврти спрат, а се одржуваат журки и забави, ова е ненормална ситуација

Доктор Николов: Инфективна клиника е полна до четврти спрат, има наредба докторите да ги прекинат одморите, а во исто време се одржуваат журки и забави, ова е ненормална ситуација

Како Комисија за здравство на ВМРО-ДПМНЕ подготвивме цел сет на предлог мерки за да се подготви здравствениот систем на она што ни следи од овој четврт бран, уште во јули месец беа истите објавени, но за жал немаше никаков одговор од страна на Владата, а денеска се наоѓаме во една ситуација во која Инфективна клиника е полна до четврти спрат и имаме навала на огромна бројка на пациенти а здравствениот систем повторно не е спремен да одговори, појасни доктор Игор Николов претседател на Комисијата за здравство на ВМРО-ДПМЕН, во денешното гостување во Сител телевизија.

Тој објасни дека во соседните земји цело лето беа во тек промотивните мерки за вакцинирање, како ваучерите кои Владата ги одвојуваше можеше да бидат наменети за вакцинација како во соседна Србија, а сега се воведуваат мерки кои требаше да се прават измеѓу третиот и овој бран.

-Сега дали оваа присилна вакцинација со прва доза ќе помогне во тоа да нема потешки случаи, веројатно можеби но не сме сигурни дека така ќе биде во ек на четврт бран, вели доктор Николов.

Тој појасни исто така дека Записниците од заседавањето на Комисијата за заразни болести не се јавно достапни, можеби таа предложила мерки уште во јуни месец, но не се знае дали заседавала или дали Владата не ги усвоила тие мерки.

-Нам сега ни требаат мерки за подготовка на системот за четвртиот бран, ние имаме наплив на пациенти, а во моментов се одржуваат журки и забави, докторите на Инфективните клиники добиваат наредба да го прекинат одморот било каде и да се, тоа е ненормална ситуација, така да она што требаше да се спроведе во јуни месец минимална контрола на границите и забави во затворен простор сега го дава резултатот, појасни доктор Николов.

Балкан

(ВИДЕО) Автомобил „полета“ над кружен тек – дијабетска криза ја предизвикала несреќата

Тешка сообраќајна несреќа се случи во Романија кога возач на „мерцедес“ ја изгуби контролата врз автомобилот и буквално прелета над две возила на кружен тек.

Mercedes flies over 2 cars in Romania, a 55-year-old driver lost control due to a medical problem, but he survived the crash with moderate injuries, and refused hospitalization pic.twitter.com/YoGn1YZuOZ
— Global Eye News🌐 (@globaleeyenews) December 5, 2025

На видеото кое кружи на социјалните мрежи јасно се гледа дека автомобилот возел со голема брзина, ја пресекол кружницата и „полетал“ над другите возила пред да удри во столб на надзорна камера и да застане на зелена површина покрај блиска бензинска пумпа.

Возачот, 55-годишен маж, останал заробен во автомобилот, но спасувачите успеале да го извлечат. Тој претрпел само полесни повреди и е однесен во болница на контрола, без потреба од хоспитализација.

Тестовите покажале дека не консумирал алкохол или дрога, а причината за несреќата е дијабетска криза која го спречила да реагира додека возел.

Европа

Во Европа оваа земја има најмногу милијардери

Бројот на милијардери во Германија забележа значителен раст, поттикнат од семејни наследства и профитабилни инвестиции во модерни технологии, покажува најновиот извештај на швајцарската банка UBS.

Според пресметките на банката, богатството на најбогатите порасна на околу 13,6 трилиони евра, што е зголемување од 13% во споредба со 2024 година. UBS ги зема предвид готовината, хартиите од вредност, акциите, недвижностите и другите материјални средства.

Во моментов, банката брои 2.919 милијардери ширум светот, во споредба со 2.682 минатата година. Од нив, 2.545 се мажи, а 374 жени, додека 91 лице стана милијардер благодарение на наследството.

Германија ја зазема првата позиција во Европа со 156 милијардери, што е раст од една третина во споредба со претходната година. Вкупното богатство на германските милијардери достигна околу 635 милијарди евра, што е зголемување од 134 милијарди евра. Четвртина од нив го остварија богатството самостојно.

Успехот на германските супербогати е поддржан од развиени индустриски сектори како фармацевтика, инженерство и стоки за широка потрошувачка, како и од долготрајната традиција на наследување. Само оваа година, 15 членови на две фармацевтски семејства примиле големи наследства.

Иако Германија е лидер во Европа, САД и понатаму имаат најмногу милијардери – 924 со вкупно богатство од околу 6,3 трилиони евра. Кина е на второ место со 470 милијардери и богатство од 1,65 трилиони евра.

UBS прогнозира дека бројот на милијардери ќе продолжи да расте во наредните децении, со префрлање на околу 6,3 трилиони евра богатство до 2040 година, од кои најмалку 5,4 трилиони ќе бидат наследени од семејствата.

Балкан

Аеродромот Сараево без раководство: Судски мерки и истечени мандати го парализираа управувањето

Меѓународниот Аеродром Сараево од утрово се соочува со целосен управувачки застој, откако Врховниот суд на Федерацијата БиХ му забрани на в.д. директорот Санин Рамезиќ да ја извршува функцијата, а на извршните директори им истекоа мандатите на полноќ, пренесува Истрага.

Ситуацијата дополнително се усложни бидејќи тројца од петте членови на Надзорниот одбор добија забрана за вршење должност, што значи дека ова тело нема кворум и не може да свика седница ниту да назначи ново в.д. раководство.

Вчера, по предлог на специјалниот истражен тим ПОСКОК, Судот изрече забрани за Рамезиќ и членовите на Надзорниот одбор Бенјамин Мешак, Аднан Махмутовиќ и Жан Матиќ. Истовремено, Владата на ФБиХ донесе одлука со која даде претходна согласност за продолжување на мандатите на Рамезиќ и извршните директори Амадео Мандиќ и Слободан Кадијевиќ.

Но, забраната за Рамезиќ веднаш ја блокираше можноста тој повторно да биде именуван, а без кворум, Надзорниот одбор не може ниту формално да донесе одлука за продолжување на мандатите.

Според истрагата на ПОСКОК, постои основано сомнение дека Рамезиќ и тројца членови на Надзорниот одбор ја злоупотребиле службената положба за да извршат измени во Статутот на претпријатието со цел да му овоможат на Рамезиќ да стане постојан директор.

Комбинацијата од судски мерки, административни забрани и истечени мандати го оставија Аеродромот Сараево без легитимно раководство, со неизвесност како и кога ќе биде надмината институционалната блокада.