Инфо +

Нови мерки: Задолжителна вакцина за да одите во кафеана или на кафе, забранет влез во „Сити мол“, „Рамстор мол“, „Капитол“ за невакцинираните граѓани

Владата на Република Северна Македонија на денешната редовна 99-та седница ги донесе најновите мерки, протоколи препораки за заштита на здравјето на населението од КОВИД – 19, врз основа на препораките од Комисијата за заразни болести.

Согласно препораките, Владата донесе одлука дека за влез во угостителски објекти, кафулиња и барови, без разлика на капацитетот и бројот на присутни посетители/гости/лица, како и за настан од секаков вид (прослава, веселба, свадба, роденден, крштевка, концерт, семинар, обука, работилница, конференција, културен или спортски настан, обложувалници, казина), задолжително е поседување, приложување и проверка на еден од следните документи:

– сертификат/потврда за извршена имунизација (вакцинација) од вирусот SARS-CoV-2, односно примена најмалку прва доза вакцина против заразната болест КОВИД – 19 или

– сертификат/потврда за прележан КОВИД – 19 во последните 45 дена, сметајќи од денот на оздравувањето, за лица над 18-годишна возраст.

Оваа мерка задолжително се применува и за организација, работа и присуство/учество и на секаков вид на настан на отворен простор, каде има повеќе, како и за влез во затворениот дел од моловите.

Дополнително, во сите угостителски објекти, кафулиња и барови опфатени со оваа мерка каде капацитетот е поголем од 30 посетители/гости/лица, задолжителнo e воспоставување редарска служба од страна на правниот субјект за контрола и спроведување на мерката. Додека пак во угостителските објекти со капацитет помал од 30 лица контролата на поседувањето на КОВИД – 19 сертификатот на посетителите е должност на редовно вработените лица.

Овие мерки стапуваат на сила по нивното објавување во „Службен весник“, односно од утре 18 август 2021 година.

Останува забраната за организација на свадби, веселби и прослави во објекти од затворен тип, додека друг тип на настани на затворено и натаму може да се организираат со исполнетост до 30% од капацитетот на местото каде што се одржува настанот и ограничен број на посетители до максимум 1.000 посетители со задолжително поседување, приложување и проверка на еден од задолжителните КОВИД – 19 документи.

Согласно препораките, Владата донесе одлука дека за влез во угостителски објекти, кафулиња и барови ќе треба сертификати за вакцинација или потврда за прележан Ковид-19 во последните 45 дена. Но, посочи и дека оваа мерка ќе се применува и за затворените молови како што се „Сити мол“, „Капитол“, „Рамстор мол“.

„Оваа мерка задолжително се применува и за организација, работа и присуство/учество и на секаков вид на настан на отворен простор, каде има повеќе, како и за влез во затворениот дел од моловите, велат од Владата.

За влез во овие објекти потребно е: – сертификат/потврда за извршена имунизација (вакцинација) од вирусот SARS-CoV-2, односно примена најмалку прва доза вакцина против заразната болест КОВИД – 19 или сертификат/потврда за прележан КОВИД – 19 во последните 45 дена, сметајќи од денот на оздравувањето, за лица над 18-годишна возраст.

Балкан

Евзони повторно блокиран: Грчките земјоделци го стопираат сообраќајот цел ден

Граничниот премин Евзони денеска повторно е во целосна блокада поради штрајкот на грчките земјоделци, кои со протестите го запираат сообраќајот за сите категории возила.

Според информациите од Авто-мото сојузот на Македонија, преминот ќе биде затворен во два термина: од 10 до 14 часот и повторно од 18 до 22 часот.

Блокадата предизвикува значителни застои и пречки за патниците и превозниците кои патуваат кон Грција, а засега нема најави кога ситуацијата би можела да се нормализира.

Свет

Германија со нов пензиски систем: Реформата помина со тесно мнозинство во Бундестагот

Германскиот Бундестаг ја изгласа пензиската реформа предложена од коалицијата на канцеларот Фридрих Мерц, по месеци жестоки расправи и отпор во рамките на владејачките партии, пренесува ДПА. Со ова, пензиите ќе продолжат да изнесуваат најмалку 48 проценти од просечната плата.

Еден од трите закони во пакетот беше особено контроверзен и предизвика противење внатре во Христијанско-демократската унија (CDU). Младинското крило предупреди дека реформата ќе создаде огромни финансиски оптоварувања во иднина, со трошоци што може да достигнат милијарди евра, особено со оглед на брзото стареење на германската популација.

И покрај отпорот, Мерц успеа да обезбеди таканаречено „канцеларско мнозинство“ – минимум 316 гласови од неговата коалиција со социјалдемократите (SPD). На гласањето, реформата доби поддршка од 319 пратеници, 225 гласаа против, а 53 беа воздржани. Според заменик-претседателот на Бундестагот, Бод Рамелов, само седум пратеници од CDU гласале против предлог-законот.

Ако Бундесратот го потврди законот на 19 декември, новиот пензиски модел ќе стапи во сила од 1 јануари. Реформата има за цел да ја стабилизира пензиската стапка во услови кога бројот на работоспособни граѓани опаѓа, а бројот на пензионери расте, што создава сè поголем притисок врз германскиот социјален систем.

Свет

Чернобил во опасност: Дронот го проби штитот – МААЕ алармира за губење на безбедносните функции

Безбедносниот челичен саркофаг над реакторот број четири во нуклеарната централа Чернобил, оштетен од дронски напад во февруари, веќе не ја извршува својата клучна функција за ограничување на зрачењето, предупреди Меѓународната агенција за атомска енергија (МААЕ).

Последната инспекција, спроведена минатата недела, открила значителна деградација на конструкцијата што ја покрива уништениот реактор од 1986 година – структура која беше комплетно обновена во 2019 година. Нападот со дрон, за кој Украина ја обвинува Русија, според „Ројтерс“, предизвикал пожар и ја оштетил заштитната обвивка.

Генералниот директор на МААЕ, Рафаел Гроси, изјави дека штитот „ги изгубил своите примарни безбедносни функции, вклучително и ограничувањето“, но нагласи дека носечките делови на конструкцијата и системите за следење не се трајно оштетени. Иако одредени поправки веќе биле спроведени, Гроси предупреди дека е неопходна темелна реставрација за да се гарантира долгорочна нуклеарна безбедност.

Според извештајот на ОН од 14 февруари, дронот носел високоексплозивна боева глава која експлодирала по ударот, предизвикувајќи оштетувања на конструкцијата околу реакторот. И покрај нападот, Обединетите нации тогаш соопштија дека нивото на зрачење останало во нормални граници.

Чернобилската централа беше окупирана од руските сили повеќе од еден месец на почетокот на инвазијата во 2022 година. Иако последниот реактор е затворен уште во 2000 година, саркофагот останува клучен за обуздување на преостанатиот радиоактивен материјал од катастрофата која испрати радиоактивен облак низ цела Европа.

МААЕ ја спроведуваше инспекцијата паралелно со проценка на штетите врз електро-енергетската инфраструктура во Украина, наталожени во текот на речиси четиригодишната војна.