Путин, исто така, повтори дека Русија претпочита мирно решение на конфликтот со Украина, „но не на нејзина сметка“.

Рускиот претседател Владимир Путин синоќа рече дека треба да се смета како опција ставањето на Украина, која тој ја нападна во 2022 година, под администрација на Обединетите нации за да се овозможи одржување нови избори во земјата.

-Таква практика постои и во принцип, се разбира, може да се разговара за можноста за привремена администрација на ОН со САД, европските земји и, се разбира, и со нашите партнери и пријатели, рече Путин за време на состанокот со војниците на нуклеарна подморница во базата во Архангелск.

Како што пренесе ДПА, целта е да се одржат демократски избори на кои на власт ќе дојде влада способна да дејствува за мировен договор.

-Потоа ќе почнеме преговори за мировен договор, ќе потпишеме легитимни документи кои се признати во светот и се безбедни и стабилни, рече Путин.

Руската влада постојано се обидуваше да го дискредитира легитимитетот на украинскиот претседател Володимир Зеленски.

Редовниот мандат на Зеленски заврши во мај 2024 година, но не може да се закажат избори поради воената состојба која е во сила веќе три години. Путин, исто така, постојано се повикуваше на нацистички слики и реторика од Втората светска војна за да ја оправда инвазијата на Украина, и покрај фактот што Зеленски е Евреин.

Украинскиот парламент во февруари усвои резолуција со која се потврдува легитимноста на Зеленски со јасно мнозинство. Многумина во Украина веруваат дека одржувањето на избори во услови на тековниот конфликт би било непрактично и нефер, бидејќи би било тешко да се обезбеди учество на војници и раселени цивили.

На меѓународно ниво, Зеленски и понатаму е признат како претседател.

Путин, исто така, повтори дека Русија претпочита мирно решение на конфликтот со Украина, „но не на нејзина сметка“.

Тој рече дека е подготвен да преговара – вклучително и со Европејците, но истакна дека Русија нема да биде измамена.

Во воена смисла, рускиот претседател еднаш рече дека е сигурен дека Москва ќе победи. Руските сили веќе зазедоа 99 проценти од Луганската област и повеќе од 70 отсто од областите Доњецк, Херсон и Запорожје, кои Москва исто така ги анектираше.

Земјотрес со јачина од 7,7 степени според Рихтеровата скала го погоди Мјанмар, соопшти денеска Германскиот истражувачки центар за геонауки (ГФЗ).

Земјотресот бил со фокусна длабочина од 10 километри.

Засега нема информации за жртви или сериозна материјална штета.

Властите го предупредуваат населението на последователни потреси.

Силниот земјотрес со јачина од 7,7 степени според Рихтеровата скала, според последните податоци, денеска го потресе Мјанмар и беше почувствуван дури до Бангкок и соседните земји.

„Во * Македонија може да се случи голем судир околу нејзината насоченост, ако не се изградат консензуални ставови во врска со тоа. Во земјата живеат повеќе од 30 отсто Албанци, кои се насочени кон евроатлантските вредности.“ – вели со заканувачки тон д-р Ружди Матоши од Тетово, предавач по економија во Универзитетот за бизнис и технологија во Приштина, Косово, во објавата на својот фејсбук-профил, која ја пренесуваинформативната агенција Илирија-ИНА, како и други медиуми на албански јазик во Република Македонија. Матоши е политичар, поранешен висок функционер во Нова демократија на Имер Селмани и во ДПА на Мендух Тачи, како и поранешен пратеник во Собранието на Македонија.

На општествената мрежа Матоши пишува: Хрватска, Албанија и Косово постигнаа меѓусебен договор за соработка меѓу трите држави во одбраната и безбедноста. Тоа беше поддржано од многу чинители, вклучително и од НАТО, но наиде на крајно спротивставување од Србија.

Каде се наоѓа * Македонија во овој поглед? Зошто нема интерес, или пристап за учество во ваков договор, особено што е и членка на НАТО?! Можеби ја обзедоа „Српскиот свет“ на Вулин и Вучиќ со руската салата? Неодамнешното присуство на Додик во * Македонија и владини претставници од земјата на фотографии со српски функционери како Додик ја докажуваат руската салата!

Во * Македонија живеат повеќе од 30 отсто Албанци, кои се насочени кон евроатлантските вредности. Ако не се изградат консензуални ставови во врска со насоченоста на земјата, тогаш може да се случи голем судир околу нејзината насоченост.