Државниот архив и Фондот на пензиското и инвалидското осигурување соработката ќе ја реализираат преку дигитализација на документарниот материјал од приватни иматели – правни лица кои престанале да постојат по пат на стечај или ликвидација со формирање работни групи за ажурирање и внесување на податоците содржани во документарниот материјал.

Директорите на Државниот архив на Република Северна Македонија и на Фондот на пензиското и инвалидското осигурување на Северна Македонија, д-р Наташа Котлар и Никола Мемов потпишаа Меморандум за соработка со цел проширување на меѓусебната соработка во областа на заштитата и размената на податоци за осигуреници коишто ќе остварат право на пензиско и инвалидско осигурување.

Директорката на Архивот, Котлар рече дека воспоставувањето на соработката ќе помогне да се намали обемот на документарниот материјал што се чува во институцијата и да обезбеди простор за нов.

Директорот на Фондот, Мемов потенцира дека со внесувањето на податоците во архивата на Фондот ќе се намалат проблемите во утврдувањето на правата од пензиското и инвалидското осигурување кај осигурениците.

Исто така, беше констатирано дека со овој чекор на соработка и дигитализација на податоците, крајна придобивка ќе биде тоа што граѓаните нема да мора да одат од една до друга институција за да си ги остварат правата од пензиското и инвалидското осигурување.

Државниот архив и Фондот на пензиското и инвалидското осигурување соработката ќе ја реализираат преку дигитализација на документарниот материјал од приватни иматели – правни лица кои престанале да постојат по пат на стечај или ликвидација со формирање работни групи за ажурирање и внесување на податоците содржани во документарниот материјал.

Место со непотребна документација, од јуни следната година матичните лекари ќе имаат повеќе време да се посветат на пациентите оти ќе бидат ослободени од административните работи што ги бара хартиеното работење. Директорот на Фондот за здравствено осигурување, Сашо Клековски, најави дека хартијата целосно ќе биде исфрлена од употреба и во ординациите, и во аптеките, и во Фондот за здравствено осигурување.

„Разбираме дека има сè помалку луѓе за работа и дека треба да ја намалиме здравствената администрација. Две работи веќе можеме да ги објавиме. Работиме на е-рецепти, кои до крајот на полугодието во 2025 година треба да бидат во полна употреба и во функција. Со нив комплетно ќе се елиминира од функција хартијата и кај матичните лекари, и кај аптеките, и во Фондот поврзани со рецепти. Ќе ги дигитализираме и сите анекси за 1.500 ПЗУ за тие да може да се потпишуваат дигитално, да нема потреба да се потпишуваат во хартиена форма. Понатаму, ќе разговараме како можеме да го намалуваме товарот за лекарите да имаат сè повеќе време за разговор со пациентите, а да не се занимаваат со непотребна администрација“, рече директорот Клековски.

Д-р Андон Чибишев со корисни совети за граѓаните поради екстремното загадување на воздухот:

Почитувани пријатели, вчеравечер и утрово состојбата со амбиенталниот воздух во Скопје станува алармантна и неподнослива. Според мерните станици на скоро сите мерни места загадувањето со ПМ 10 честички е за три до три ипол пати повисока од дозволената, а според Европските институции Скопје е меѓу десетте најзагадени градови во светот.

На потегот од Карпош 4, Влае, Порта Влае, Ѓорче Петров, вчеравечер и утрово се чувствува надразнувачки мирис на гареж и некој специфичен мирис кој не можам да го идентификувам. Мојот прочистувач кој го имам во станот дома покажуваше многу високи концентрации на загаденост што значи дека веќе и дома дишеме загаден воздух.

Ја поздравувам најавата на Владата и институциите да се започне со системско решавање на загадувањето на амбиенталниот воздух, меѓутоа додека траат активностите на институциите, на отворено сите со маски, за дома да се набави прочистувач со солидни перформанси затоа што на пазарот има секакви и со различни цени.

На тој начин да се обидеме барем минимално да го намалиме штетното влијание на загадувањето на амбиенталниот воздух.
ЗДРАВЈЕТО НЕМА ЦЕНА !