Одделот за внатрешна контрола, криминалистички истраги и професионални стандарди при Министерството за внатрешни работи, до Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против Р.А. од Скопје поради постоење основи за сторено кривично дело „злоупотреба на службената положба и овластувања“ по член 353 од Кривичниот законик.

Пријавениот, вработен како началник на Единицата за економски и компјутерски криминал при СВР Скопје, во периодот од октомври 2022 година до јуни 2024 година, во месечни интервали и континуирано, две вработени со статус на овластено службено лице на работно место виш документарист во единицата, со кој што раководи, ги предвидувал и одобрувал во плановите и групите за домашно дежурство како извршители.

Пријавениот, постапувајќи спротивно на одредбите од Колективниот договор на МВР за домашно дежурство, на вишите документаристи кои немаат статус на полициски службеници им овозможил да бидат ангажирани за домашно дежурство, со што се стекнале со противправна имотна корист од 79.804 денари и за тој износ го оштетил буџетот на Министерството за внатрешни работи.

Одделот за внатрешна контрола, криминалистички истраги и професионални стандарди, согласно своите надлежности и овластувања, ќе поднесе Предлог за поведување на постапка за утврдување на дисциплинска одговорност и полицискиот службеник ќе биде суспендиран од своето работно место.

Досега преговорите се одвиваат добро. И колку е потивко, толку подобро. Нека поминат сите теми па после ќе разговараме, изјавил лидерот на ГЕРБ Бојко Борисов на третиот ден од почетокот на преговорите меѓу ГЕРБ и ДБ за нова бугарска влада. Вчера неговите луѓе од ГЕРБ се сретнале и со претставници на партијата БСП.

-Јас сум оптимист затоа што она што го гледам во меѓународниот план едноставно не обврзува како народ, како држава, како народ, да издадеме редовна влада, кажал Борисов.

На прашањето кога ќе биде средбата со претставници на ИТН, лидерот на ГЕРБ одговорил:

-Вчера имав долг разговор со претседателот на Европскиот совет, Антонио Кошта, добар пријател. Од разговорот разбрав дека во текот на овие години во Брисел, во нашите партнерски земји во НАТО се одвиваа многу процеси за Македонија и се изгуби многу време. Бев изненаден од објаснувањата што требаше да ги дадам. Значи ние сме должни да формираме влада и да застанеме многу цврсто на нашите позиции, кажал поранешниот бугарски премиер во изјава за бугарските медиуми.

Македонската влада смета дека треба да се почека Бугарија да добие стабилна политичка влада и да се лобира за евентурално ново решение. Челници на владеачката ВМРО-ДПМНЕ неколку пати претходно изјавуваа дека планот за одложени уставни измени звучи логичен и наидува на разбирање кај голем дел од соговорниците во ЕУ.

Претходната влада на СДСМ и ДУИ ја договори и ја објави Преговарачката рамка со ЕУ во јули 2022 година, со која е предвидена актуелната обврска на земјава. Со предложените уставни измени на Преамбулата и на Амандманот 36 се предлага после бошњачкиот народ, да се додадат бугарскиот, хрватскиот, црногорскиот, словенечкиот, еврејскиот и египќанскиот народ.

Утре, на 19.12.2024, делови од Тетово и неколку села во тетовскиот регион ќе останат без електрична енергија поради планирани технички зафати на електродистрибутивната мрежа. Прекинот ќе трае во различни временски интервали, а засегнатите граѓани се повикуваат да се прилагодат на најавената состојба.

Дел од ул.Радован Цониќ прекин од 09:00 до 15:00 часот

БОГОВИЊЕ: дел од с.Боговиње прекин прекин од 09:00 до 14:00 часот

ПАЛАТИЦА: дел од с.Палатица прекин од 09:00 до 14:00 часот