Турски рибарски брод, управуван од криумчари на луѓе, утрово отворил оган врз брод на грчката крајбрежна стража кај островот Лезбос, објави грчката телевизија Скај.

Инцидентот се случил околу 8 часот во грчките територијални води. Грчките граничари се обиделе да извршат проверка на рибарскиот брод, но неговиот екипаж отворил оган со тешко оружје. Грчкиот брод возвратил, по што пловилото се повлекло во турски територијални води.

Според грчките власти, на бродот имало четворица криумчари кои претходно симнале 25 мигранти на брегот на Лезбос. Пограничниот брод го следел рибарскиот брод до турската граница и ја известил турската страна, по што тие ги сопреле сторителите.

На грчкиот брод се забележани оштетувања од стрелбата, но не се пријавени повредени

Земјотрес со јачина од 3,2 степени според Рихтеровата скала денеска ја погоди Бугарија, соопшти Европско-медитеранскиот сеизмолошки центар (EMSC).

Земјотресот, чиј епицентар бил на 45 километри југоисточно од Софија, се случил на длабочина од 12 километри, соопшти ЕМСЦ.

Засега нема информации за евентуални жртви или причинета материјална штета.

Создавањето заеднички гранични пунктови Елез Хан-Блаце и Јажинце-Глобочица е повеќе од гранична инфраструктура, тоа се нови точки за услужување и соработка, кои уште повеќе ги поврзуваат Македонија и Косово и натаму го зајакнуваат добрососедството“ – изјави премиерот на Косово Албин Курти на денешното предавање во употреба на едношалтерскиот систем на граничниот премин Елез Хан-Блаце. Ова го објави информативниот портал на албански јазик „Алфакс“.

Порталот натаму пишува: Курти истакна: „Отсега граѓаните ќе бидат проверувани само на влезот во земјата домаќин, а податоците ќе се разменуваат во реално време преку заеднички технолошки систем. Само во 2024 година повеќе од 5 милиони граѓани ги поминале трите гранични точки меѓу Македонија и Косово. Оваа бројка е потврда за поврзаноста меѓу нашите луѓе, но и за потребата за слободно и брзо движење и на граѓаните и на стоката. Не радува тоа што отсега нашите полицајци ќе работат рамо до рамо на исти простори.“

Тој изрази очекување дека оваа иницијатива ќе биде придружена со доизградба на автопатот Скопје-Блаце и тунелот на оската Тетово-Призрен.