Болниците во Тетово, во Гостивар, во Струга и во Кичево се уште се преполни со пациенти со Ковид-19. Министерот за здравство Венко Филипче денеска изјави се уште трае координацијата со директорите на овие болници со цел на секој пациент на којшто му е потребна хоспитализација со транспорт да се донесе во Скопје, каде што се уште има места во болницата во Козле, каде што ротира тима на лекари специјалисти инфектолози и пулмолози.

-Спремни се други дополнителни капацитети, меѓутоа, засега освен оваа болница во ниту една друга нема да се прави ковид центар како што беше тоа во претходниот бран, изјави Филипче.

Според него, оххрабруваат новите бројки на дијагностицирани во смисла на тоа дека опаѓаат, но премногу е рано да се каже дека ова е некаков тренд.

-Затоа будно ја следиме ситуацијата и ги следиме сите параметри, рече Филипче, повторно повикувајќи на масовна вакцинација.

Неодговорно е да го тестираме човечкиот имунинтет на ризична болест во услови кога имаме веќе докажано ефикасна вакцина за истата. Не смееме да дозволиме да дочекаме нови бранови и соеви, невакцинирани, порача министерот за здравство Венко Филипче.

Тој на својата Фејсбук страница истакна дека одложувањето на вакцинацијата против Ковид-19 е само одложување на проблемот.

– Вакцините се тие со кои ќе ја победиме пандемијата, не прележувањето на вирусот. Неодговорно е да го тестираме човечкиот имунитет на ризична болест во услови кога имаме веќе докажано ефикасна вакцина за истата. Не смееме да дозволиме да дочекаме нови бранови и соеви, невакцинирани. Тоа ќе значи нов притисок врз здравствениот систем, бидејќи во моментов 90 отсто од сите хоспитализирани пациенти се невакцинирани, стои во објавата.

Министерот виоедно појаснува дека вакцинацијата еден месец по прележувањето е целосно безбедна по здравјето на граѓаните.

– Човештвото во минатото ги победило сите пандемии благодарение на масовна вакцинација. Во редовниот вакцинален календар даваме повеќе вакцини за деца и возрасни со кои се искоренети низа болести. Тие сите се даваат во редовниот термин и план за вакцинација. Вакцинацијата еден месец по прележувањето е целосно безбедна по задравјето на граѓаните, граѓаните треба да бидат спокојни во однос на ова, истакнува Филипче.

Уверува дека предложените мерки се ефикасни во однос на двете цели, а тоа како што вели се брза вакцинација и спречување на ширење на вирусот.

– Барам поддршка да се избориме заедно за што поголема имунизација, вели тој.

Министерот за здравство Венко Филипче денеска информираше дека не се исклучува да се донесат и нови рестриктивни мерки за да се намали бројот на заразени од коронавирус.

Сепак, според него тоа ќе зависи од состојбата, а во моментов без разлика со кој сој се заразени лицата, мерките за сите се исти, а вакцинацијата е ефективна за сите соеви.

– За време на овој бран огромен број од починатите, да не речам сите се со хронични болести на кардиоваскуларниот систем и белите дробови – истакна министерот.

Филипче информираше дека наскоро ќе бидат споделени и анализите за тоа колку лица досега двапати се заразиле со вирусот, колку од нив се вакцинирани со две дози, анализа направена од Институтот за јавно здравје.