Инфо +

Заев: Скопје се гради со усул, не е веќе како порано

Published

3 years ago

August 26, 2021

Скопје сега е поинаква приказна зашто застана мегаломанството. Ветивме дека Скопје ќе продолжи да се гради, но дека ќе се откажеме од мегаломанските проекти. Сега Скопје се гради со усул и во периферијата и во централниот дел во сите градски општини рамноправно затоа што не смееме и не треба да го застанеме развојот на градот, порача денеска премиерот Зоран Заев.

Посочи дека и во најцентралните скопски општини – Карпош, Центар и Аеродром не може да се каже дека има мегаломанство, навала и напад на урбанизација. Тоа, како што кажа, е спречено не само со волјата на градоначалниците и советниците, туку и со закон.

Законот веќе ги лимитира и висините и габаритите на објектите кои се градат. Уставното право на сопственост е неприкосновено во демократијата и кај нас, но сега ставивме ред во растот и развојот на Скопје, рече Заев во одговор на новинарско прашање при денешното означување на почетокот на градба на мостот „Љубљанска“ во Скопје.

Измените на законите за урбанистичко планирање, додаде, се прават согласно укажувањата. Донесен е нов Закон за урбанистичко планирање каде согласно укажувањата се сменети параметрите, а тоа е паркинг во самата парцела и минимум 20 отсто зелена површина во самата парцела.

Нагласи дека се уште се градат објекти за кои се издадени одобренија за градба во 2013 и во 2015 година, како во Град Скопје, така и во Охрид, кои, како што кажа, се проблем и за УНЕСКО.

Таквите права може само преку суд да се оспорат заради одредени законски решенија кои се донесени после издавањето на овие одобренија за градба заради што добиваат на суд. …Денеска се откажани сите проекти кои беа замислени со 30, 50 и 60 ката, максимален габарит и блоковска поставеност. Веќе никаде во државата нема блок на згради кој го спречува флукуирањето на воздухот. Просторниот план и Законот за просторно и урбанистичко планирање го лимитира мегаломанството, рече Заев и додаде дека дури и кај локациите кои беа најмногу оспорувани има повеќе од 50 отсто предвидено зеленило на парцелата.

Порача дека сите проекти за чија реализација Владата прави алокација на средства од централниот буџет се најголемото олеснување за општините и Градот за да можат сопствените средства, што биле наменети за проектите што ги финансира државата, да ги пренаменат за уште повеќе зеленило, спортски и детски игралишта, тротоари, пешачки и велосипедски патеки,…

Македонија

ДЕЛОВИ ОД СКОПЈЕ И МАКЕДОНИЈА УТРЕ БЕЗ ЕЛЕКТРИЧНА ЕНЕРГИЈА

Published

35 seconds ago

November 26, 2024

Арлингтон

Утре, 27 ноември 2024 година (вторник), одредени делови од Скопје и други места низ Македонија ќе останат без електрична енергија поради планирани технички зафати и одржување на електроенергетската мрежа.

Македонија

БИТОЛА СТАНУВА ВЕЛО ГРАД: ПОЧНА ИЗГРАДБАТА НА ВЕЛОСИПЕДСКИТЕ ПАТЕКИ

Published

24 mins ago

November 26, 2024

Арлингтон

Битола го прави првиот чекор кон модерна вело-инфраструктура со почетокот на асфалтирањето на велосипедските патеки на улица „Партизанска“. Со реализацијата на овој значаен проект, градот ќе добие над 5 километри велосипедски патеки, кои ќе обезбедат поврзана и функционална мрежа за љубителите на велосипедизмот.

Патеките се изведуваат на постоечките тротоари, со ширина од 3 метри, без да се наруши зеленилото, што ја потврдува посветеноста на општината кон одржлив развој. Иницијативата, поддржана од долготрајните барања на граѓаните, е реализирана со сопствени средства на општината, покажувајќи дека Битола ги става интересите на заедницата на прво место.

Со оваа инвестиција, Битола прави крупен чекор кон создавање на поодржлив и еколошки град, исполнувајќи ја долгогодишната желба на своите жители.

Македонија

Ќе се гради подземна гаража кај плоштадот „Скендербег“ – Владата ќе издвои 20 милиони евра

Published

1 hour ago

November 26, 2024

Арлингтон

Гаражата, според првиот вицепремиер Меџити, ќе биде од особено значење за Старата скопска чаршија бидејќи ќе го реши долгогодишниот проблем со недостигот на паркинг-места во овој дел од градот, а ќе придонесе и за значително зголемување на туристичкиот потенцијал на Старата скопска чаршија

Владата на денешната седница донела одлука да издвои 20 милиони евра за изградба на подземна катна гаража кај плоштадот „Скендербег“, информира попладнево на прес-конференција првиот вицепремиер и министер за животна средина и просторно планирање Изет Меџити, кој додаде дека со ова ќе се решат инфраструктурните проблеми со кои се соочуваа овој дел од главниот град.

Според првиот вицепремиер, станува збор за повеќегодишен проект кој предвидува изградба на на 371 ново паркинг-место, распоредени на две подземни нивоа, со вкупна површина од 13 илјади квадратни метри, со адекватен број паркинг места за лица со посебни потреби.

Изградбата на подземната гаража, како што посочи тој, ќе биде од особено значење за Старата скопска чаршија бидејќи ќе го реши долгогодишниот проблем со недостигот на паркинг-места во овој дел од градот и ќе го олесни сообраќајот и пристапот за локалните жители и посетителите.

Проектот, според првиот вицепремиер, ќе придонесе и за значително зголемување на туристичкиот потенцијал на Старата скопска чаршија.

Во наредниот период, Меџити рече дека ќе работат на реализација на проектот во најкраток можен рок и со највисок квалитет и дека ќе обезбедат транспарентност и отчетност во сите фази од изградбата.

Одговарајќи на новинарско прашање, првиот вицепремиер рече дека проектот е готов и дека тендерската постапка ќе се отвори наскоро, а на почетокот на годината очекува да почнат градежните работи.