Инфо +
Дојдоа луѓе со солзи во очите, покажавме солидарност, бремена авганистанка беше префрлена на Гинекологија
Одлучивме да им дадеме привремено прибежиште на 750 лица од Авганистан со кои сме соработувале, од кои првата група од 149 вечер пристигна, порача министерот за надворешни работи Бујар Османи од скопскиот аеродром.
-ТОА СЕ ПРЕТЕЖНО ЖЕНИ И ДЕЦА. ЕДЕН ОД ПАТНИЦИТЕ БЕШЕ БРЕМЕНА ЖЕНА КОЈА ВЕДНАШ БЕШЕ УПАТЕНА НА ГИНЕКОЛОГИЈА. ОДЛУЧИВМЕ ДА ИМ ИЗЛЕЗЕМЕ ВО ПРЕСРЕТ КОГА ИМ Е НАЈПОТРЕБНО И ДА ИМ ОБЕЗБЕДИМЕ ПРИВРЕМЕНО ПРИБЕЖИШТЕ ДОДЕКА НЕ СТИГНАТ ДО КОНЕЧНИТЕ ДЕСТИНАЦИИ. ДЕНЕС ПОКАЖАВМЕ СОЛИДАРНОСТ ДА ИМ ПОМОГНЕМЕ НА ЛУЃЕ СО СОЛЗИ ВО ОЧИТЕ КОИ ОВИЕ 90 ДЕНА ЌЕ ИМААТ СМЕСТУВАЊЕ – РЕЧЕ ОСМАНИ.
Со авион на компанијата „Камаир“ синоќа околу 23.30 преку Тбилиси, Грузија на Меѓународниот аеродром Скопје пристигнаа првите 149 граѓани на Авганистан што ќе бидат прифатени во нашата земја. Веднаш по слетувањето жена во 39-тата недела бременост, нејзиниот сопруг и дете со возило на Итната помош беа однесени на Гинеколошката клиника во Скопје за контрола. Со друго возило беше спроведено лице за кое најверојатно станува збор за колапс.
Според министерот Османи, кој ги пречека граѓаните од Авганистан, станува збор за луѓе кои се вработени во меѓународни организации и партнерски меѓународни организации со кои сме работеле ние и нашите сојузници во овие 20 години во Авганистан.
Првиот патник што се симна од авионот по синоќешното пристигнување на авганистанските бегалци на скопскиот аеродром, беше трудница во 39-тата недела од бременоста, која со возило на Итна медицинска помош е однесена на Клиниката за гинекологија во Скопје.
Меѓу патниците имало уште четири бремени жени, според раководителката на Итната медицинска помош Милица Бубало.
На сите што слетаа синоќа од Авганистан во Скопје ќе им биде направен лекарски преглед и ПЦР тест, а доколку некој е позитивен на коронавирус оди во двонеделен карантин. Тие што сакаат, а не се вакцинирани, може да добијат и вакцина.
На граѓаните од Авганистан, кои имаат статус на лица со привремен престој им се издава виза за привремен престој од 90 дена, а потоа треба да заминат на друга безбедна дестинација или во САД. Трошоците за нивен престој ќе ги покријат САД и меѓународните организации.
Наскоро започнува реконструкцијата на водоводната линија Битола – село Поешево – село Логоварди, проект од големо значење за жителите на овие населени места.
Градоначалникот на општина Битола, Тони Коњановски, заедно со тимот од одделението за економски развој, денес одржа работна средба со раководството на ЈКП „Водовод“ и стручните лица од претпријатието, каде што се разгледа динамиката за реализација на проектот.
Проектот опфаќа реконструкција на водоводната линија во должина од 6 километри, вклучувајќи замена на старите азбестно-цементни цевки со нови полиетиленски HDPE цевки и куќни приклучоци. Вкупната вредност на проектот изнесува 29.349.605 денари, обезбедени преку Министерството за транспорт и врски и Владата на Република Македонија.
Директорот на ЈКП „Водовод“, Андреј Гинов, најави дека работите на терен ќе започнат веднаш по подобрувањето на временските услови, а почетната точка ќе биде улица „Бурса“ („Индустриски пат“).
„Со овој проект, значително ќе се подобри водоснабдувањето и ќе се решат долгогодишните проблеми на жителите во оваа област,“ изјави Коњановски, најавувајќи и други значајни проекти кои ќе се реализираат во соработка со ЈКП „Водовод“ во текот на годината.
Денес свечено беше отворена новата библиотека на Меѓународниот Балкански Универзитет, со капацитет од 300 лица и богата колекција од 10.000 книги. Оваа современа установа ја истакнува важноста на вложувањето во образованието и знаењето, обезбедувајќи простор за учење, истражување и интелектуален развој.
На отворањето присуствуваше градоначалникот на општина Чаир, Висар Ганиу, кој изрази задоволство што заедницата е дел од проекти кои го поддржуваат образованието и општествениот напредок.
„Оваа библиотека ќе биде вреден ресурс за студентите и ќе претставува референтна точка за соработка и интелектуален напредок,“ истакна Ганиу, упатувајќи честитки до Меѓународниот Балкански Универзитет за нивниот значаен придонес во развојот на идните генерации.
Со отворањето на библиотеката, универзитетот потврдува дека е посветен на мисијата за подобро образование и посветла иднина.
Македонија
ФФМ организираше семинар за медицински лица на тема – Ургентни состојби и траума во фудбалот
Фудбалската федерација на Македонија го спроведе годишниот семинар за доктори и физиотерапевти на тема „Ургентни состојби и траума во фудбалот“.
Настанот го проследија тимските доктори и физиотерапевти од националните репрезентации, како и клупските доктори и физиотерапевти од Прва и Втора МФЛ и од Прва ЖФЛ.
Организирана од Секторот за медицина и антидопинг и поддржана од УЕФА, медицинската работилница се одржа на 25. и 26. јануари 2025 година во хотел „Хилтон“ и истата имаше за цел да им ги презентира на тимските и клупските лекари и физиотерапевти најновите знаења и техники поврзани со ургентните медицински состојби во фудбалот.
Утринските сесии беа посветени на суштински теми и понудија теоретско знаење кое му е неопходно на секое медицинско лице за да биде добро подготвено да се справи со низа критични ситуации, вклучително и формулирање на акциони планови за итни случаи, спроведување на првични проценки на повредени играчи, решавање на инциденти со ненадеен срцев удар на теренот и практични демонстрации на процедури за итни случаи на теренот.
Предавањата од областа на трауматологијата ги држеа д-р Михајло Ивановски, д-р Александар Милески и д-р Небојша Настов, додека обуката за основно и напредно животно одржување и раната реанимација и брзата дефибрилација ја држеа д-р Азби Агуши и д-р Игор Неделковски. Брифинг за итни случаи на теренот даде и д-р Невзат Јонузи.
Нашиот бисер Елиф Елмас ги мина прегледите и ќе ја носи „11-ката“ во Торино!
Коњановски: Инвестираме во подобро водоснабдување за граѓаните
Ганиу: Отворена новата библиотека на Меѓународниот Балкански Универзитет
ФФМ организираше семинар за медицински лица на тема – Ургентни состојби и траума во фудбалот
Гаши: Потребни ни се длабоки промени во правосудството
Револтиран угостител до Филипче: 15 години сум дел од ова не може да седам на страна без кажан збор!
БОМБА НА МАКЕДОНСКА ДОКТОРКА: Од 10 заболени вчера ревакцинирани со 2 дози се 8
Мехмети: Не прашувајте како изгоре болницата-Таа ја ИЗГОРЕВМЕ СИТЕ!
Затвор ли е Идризово, кафана ли е ? (Видео)
„Спремен сум да влезам во инфективна и со заболените БЕЗ МАСКА да седам 24/7 седум дена„“ – Предизвик до Филипче
(Видеo) Драма во Албанија: Гори 12-катница, 40 лица се заробени во становитe
Мистepиja на гpoбот на Свети Никола: И покрај paзopниот земjoтpec останал целoceн – се останато било yништено (ВИДЕО)
ПАЛЧО СО ИСТАТА БАНДА ВО МАЈ БЕШЕ ФАТЕН СО ПИШТОЛ БЕЗ ДОЗВОЛА како бара злато (ФОТО)
ВО ЖИВО ОД МВР – ФАТЕН Е И УАПСЕН ПАЛЧО (ВИДЕО)
(Видео) Излегов да берам дренки кога пред мене излезе мечката и ме нападна
-
Македонија3 days agoСе бараат работници со средно во Тетово плата до 60.000 денари
-
Македонија6 days agoТрагедија во Тетово
-
Скопје3 days ago44-ГОДИШЕН СКОПЈАНЕЦ ДВА ЧАСА ГИ ТЕРОРИЗИРАЛ СОСЕДИТЕ ВО ЧЕНТО Влегувал во станови и тепал сѐ што ќе сретне
-
Македонија6 days agoДУИ ВО РАСПАД, им бегаат видни членови, а БУЈАР САКА ВО ТУРЦИЈА, пишува Република
-
Забава5 days agoЕве како навистина ужива Сашо Мијалков во Монако – малкумина го забележаа овој необичен детаљ
-
Спорт4 days agoСупер понуда за Алкалоид и Марко Митев: Германски тим нуди брдо пари за да го купи ВЕДНАШ!
-
Македонија6 days agoЏип од 60.000 евра сопственост од Министерството на Артан Груби, сега личи на „оскубена кокошка“
-
Македонија5 days agoКасами: Ја започнав борбата против узурпацијата на Тетово – никој не е поштеден!