Connect with us

Инфо +

Русија ОДОБРИ: Србија мoжe дa ja ИЗВЕЗУВА вakцинaтa „Cпyтник Б“

Published

on

Треба да добиеме одобрување за извоз од нашите руски партнери за да не извезуваме на исти пазари, вели српскиот министер Поповиќ.

Рускиот институт „Гамалеја“ ја одобри употребата на 550 000 вакцини „спутник В“, кои до 13 август се произведени на белградскиот институт „Торлак“, соопшти денеска српскиот министер без ресор Ненад Поповиќ.

Тој за РТС кажа дека овие вакцини се со ист квалитет, како и оние што се произведуваат во Русија и дека се планира производство на четири милиони дози до крајот на годината.

Поповиќ наведе дека одлуката за извоз на вакцини ќе ја донесат српската влада и претседателот на Србија, Александар Вучиќ.

„Треба да се договориме со нашите руски партнери во кои земји ќе извезуваме. Треба да добиеме одобрување од нив за извоз за да не извезуваме на исти пазари. Но, сигурен сум дека за Република Српска, Црна Гора, Македонија, Босна и Херцеговина, за нашите соседи, овие вакцини сигурно ќе ги има во доволни количини“, изјави Поповиќ.

Македонскиот министер за здравство Венко Филипче, кој во април беше во официјална посета на Србија, најави дека српскиот институт „Торлак“ ќе биде стратешки партнер македонските власти за набавка на вакцини против ковид-19.

Свет

Канада му одговори на Трамп: „Ќе ви ја исклучиме струјата“

Published

on

Иако претседателот Доналд Трамп одложи голем дел – но не и сите – од царините што ги воведе за Канада и Мексико, тоа не ги спречи северните соседи на Америка да одговорат со одмазднички мерки.

Премиерот на канадската држава Онтарио, Даг Форд, на прес-конференција изјави дека ќе воведе дополнителна такса од 25% на извозот на електрична енергија кон три американски држави почнувајќи од понеделник, предупредувајќи дека Канада целосно ќе го прекине снабдувањето со струја ако САД воведат нови царини на канадските производи.

„Ако САД претераат, нема да се двоумам целосно да ја исклучам струјата“, изјави Форд. „Верувајте ми, не сакам да го направам ова. Се чувствувам ужасно за американскиот народ, затоа што не се тие виновни за овој трговски конфликт. Одговорна е една личност – претседателот Трамп.“

Форд истакна дека новата такса ќе ги чини американските семејства и бизниси во Њујорк, Минесота и Мичиген дополнителни 100 долари месечно на нивните сметки.

Но, овој потег би можел да ѝ наштети и на канадската енергетска индустрија. Канада, која е многу позависна од американскиот извоз отколку што САД зависат од канадската стока, ризикува да западне во рецесија доколку трговската војна ескалира.

Форд предупреди дека би можел дополнително да го зголеми надоместокот од 25% ако американските царини продолжат да растат. Трамп, пак, се закани дека ќе воведе царини за канадските млечни производи и дрвенарија, воспоставувајќи принцип на реципрочни мерки – долар за долар.

Continue Reading

Балкан

Уставниот суд на Романија ја потврди забраната за кандидатурата на Калин Ѓоргеску

Published

on

Уставниот суд на Романија донесе конечна одлука дека Калин Ѓоргеску не може да се кандидира на претседателските избори во мај, јави телевизијата „Диџи 24“.

Оваа одлука е обврзувачка и следува по одбивањето на Централното изборно биро да ја прифати кандидатурата на Ѓоргеску.

Денеска, Уставниот суд разгледа 11 жалби против оваа одлука и ги отфрли сите.

Continue Reading

Свет

Блумберг: Путин поставува максималистички барања до Украина и е подготвен да продолжи со војната

Published

on

Рускиот претседател Владимир Путин нема намера за отстапки во најавените преговори за прекин на воените дејствија во Украина, јави денеска Блумберг повикувајќи сè на претставници на западни разузнавачки служби. Тој не е подготвен за компромис што се однесува на окупираните територии, неутралниот статус на Украина или присуство на западни мировни сили.

Путин однапред поставува максималистички барања во можните преговори за прекин на војната за кои знае дека најверојатно нема да бидат прифатливи за Украинците и Европејците, изјавиле претставниците. Според нив, тој е подготвен да продолжи да се бори додека не ги постигне своите цели.

Според проценки на повеќе западни функционери, Путин не гледа стимул да се откаже од жестоката позиција.

Истовремено, Доналд Трамп продолжува со изјавите дека е неопходно да се стави крај на војната и неговата администрација бара отстапки само од Киев, што предизвика запирање на воената помош и размената на разузнавачки информации.

-Искрено, потешко ми е да се справувам со Украина, изјави Трамп неодамна. Од друга страна, Вашингтон ретко ѝ се заканува на Москва со дополнителни санкции или царини – што се бесмислени во услови на речиси прекината трговија меѓу Русија и САД.

Во оваа ситуација, постои ризик Владимир Зеленски да биде обвинет дека е неподготвен да прифати договор според условите што му се наметнуваат, а борбените дејствија да продолжат со поддршка од европските земји, пишува Блумберг.

Од Путин побараните услови за почеток на преговори за мир вклучуваат повлекување на украинската армија од неокупираните делови на Луганска, Донецка, Запорожска и Херсонскт област. Покрај тоа, Кремљ досега повеќепати истакна дека не прифаќа присуство на европски мировни сили во Украина, односно од земји кои се членки на НАТО, дури и да се стигне до мировен договор.

Москва е подготвена да разгледа привремено примирје само доколку ѝ биде дозволено да го одреди составот и условите за присуство на мировниот контингент, според извештај на Блумберг минатата недела во кој се цитираат лица блиски до рускиот врв. За да се постигне договор за прекин на воените дејствија, неопходно е и јасно разбирање на основните принципи кој ќе бидат вклучени во конечниот мировен договор, изјавија две лица запознати со ситуацијата.

Continue Reading
Advertisement
Advertisement

Трендинг

Copyright © 2024 Булевар.мк