Турција ќе почне да гради ѕид на границата со Грција со цел да спречи илегални влегувања во Европска Унија, изјави гувернерот на турската провинција Едрене, Јунус Сезер.

– Планирано е годинава да почне изградба на 8,5 километри – истакна Сезер, чијашто покраина граничи со Грција и со Бугарија.

Тој додаде дека другите делови од ѕидот би требало да бидат подигнати подоцна долж копнената граница помеѓу Турција и Грција, долга околу 200 километри.

Мигрантите се обидуваат да стигнат до Грција од Турција, главно по морски пат.

За потсетување, Грција го продолжи челичниот ѕид долж границата со Турција во 2023 година, во обид да ги спречи мигрантите да преминат во земјата на Европската Унија.

Дуња Марковиќ од Уб беше пронајдена жива и здрава по големата потрага која цела Србија ја следеше со неизвесност. Сепак, нејзиното враќање дома ја отвори дебатата за одговорноста за случајот, па започна истрага за околностите на нејзиното исчезнување. Игор Јуриќ од Центарот за исчезнати и малтретирани деца нагласи дека е неопходно да се утврди кој е одговорен за исчезнувањето на Дуња.

Откако цела Србија со напнатост ја следеше потрагата по Дуња Марковиќ, пристигна веста која ги израдува сите – девојчето беше пронајдено живо и здраво. Сепак, иако постои олеснување по пронаоѓањето, надлежните потенцираат дека се поставува важно прашање за одговорноста во врска со овој случај.

Обвинителството во Уб, заедно со надлежната Полициска станица и Центарот за социјална работа, започнале проверки и собирање информации за околностите во семејството на малото девојче. Ова го потврдиле од Основното јавно обвинителство за српските медиуми.

Игор Јуриќ, претставник на Центарот за исчезнати и малтретирани деца, истакна дека Дуња Марковиќ имала голема среќа што била пронајдена жива и дека овој случај треба да биде сериозно предупредување за сите.

„Ова девојче преживеа со чиста среќа. Бевме буквално на чекор да не ја најдеме“, изјави Јуриќ и додаде дека е важно да се утврди кој е одговорен за исчезнувањето на Дуња Марковиќ.

„Некој мора да сноси одговорност за тоа што се случи. Треба да разбереме како едно дете може да ја напушти безбедната средина без надзор и да се најде во опасност“, нагласи Јуриќ.

Вицепремиерот и министер за внатрешни работи Ивица Дачиќ изјави дека вечерва околу 20.47 часот полицијата добила дојава за поставена бомба во Народното собрание.

„Вечерва околу 20 часот и 47 минути е пријавена бомба во системот 192 во Народното собрание. На местото на настанот веднаш се испратени контрадиверзантски екипи кои ќе извршат целосен увид на овој објект“, изјави министерот Дачиќ.

Вечерва заврши бурната седница на српското Собрание, а членовите на Управата за криминалистичка полиција ќе спроведат увид на лице место откако три пратенички беа повредени, од кои едната доби и мозочен удар, кога пратениците од опозицијата за време на седницата фрлаа димни бомби, јајца, започнаа тепачка и запалија ракети.