Четириесет и двегодишен кумановец бил приведен викендов под сомнение дека физички нападнал две лица и оштетил инвентар на бензинска пумпа.

– На 19.01.2025 во 23.04 часот во СВР Куманово било пријавено дека на бензинска пумпа на улица „Ѓорче Петров“, Т.А.(42) од Куманово физички ги нападнал Д.С.(31) и М.С.(28) од село Тромеѓа, кумановско и оштетил дел од инвентарот, информираат од Секторот за внатрешни работи.

По целосно документирање на случајот, како што стои во соопштението на СВР Куманово, против Т.А. ќе следува соодветен поднесок.

Основното јавно обвинителство Скопје поднесе Обвинителен предлог против фирма од Косово со подружница во Скопје и нејзиниот управител за кривично дело – Криумчарење од член 278 од Кривичниот законик, соопштува ОЈО.

На 16 јануари, обвинетиот косовски државјанин се обидел да избегне царинска контрола, така што во камионот со косовски регистарски ознаки кој пренесувал стока за правното лице преку граничниот премин Блаце биле ставени вкупно 48.000 пара чорапи кои не биле наведени во фактурите и во царинската декларација. Царинските службеници при проверка ја пронашле и ја одзеле недекларираната стока во вкупна вредност од 365.280 денари, стои во соопштението.

Регионалниот центар за управување со кризи – Велес(РЦУК) известува дека во кавадаречкото село Чемерско избувнал пожар во дом за стари лица.

Според РЦУК-Велес, на терен интервенираат 10 пожарникари со 3 протипожарни возила, а исто така има три медицински тима и две полициски возила со 8 полицајци.

Во меѓувреме, со две возила се евакуираат 30 лица кои се сместени во старечкиот дом во Кавадаречко, известија од ЦУК