Пред малку на булеварот Партизански одреди, во скопската населба Карпош прегазен е пешак додека поминувал на пешачки премин.

На лице место пристигнати се екипи на Брза помош и на полицијата.

До сега, нема информации за состојбата на повредениот пешак.

Од утре скопската Зоолошка градина повторно ќе биде отворена за посетители по 21-дневна пауза, бидејќи беше затворена поради регистриран случај на птичји грип кај угината гуска во Градски парк.

За време на затворањето, вработените продолжиле да се грижат за животните и да ги чистат нивните живеалишта. Агенцијата за храна и ветеринарство утврди дека Зоолошката не постапила според законските процедури за пријавување на зараза по што на терен беа убиени 24 птици.

Од Зоолошката, пак, обвинуваат за незаконски упад и масакр врз птиците, што го сметаат за незаконска акција без соодветни докази. Добрата вест е дека сите тестирани вработени и граѓани кои побарале тестови за птичји грип имаат негативни тестови на вирусот, што значи дека заразата не се пренела на луѓе.

Зоолошката градина сега се враќа во нормален режим на работа и ги повикува граѓаните да уживаат во есенската атмосфера заедно со животните.

Градоначалничката на град Скопје, Данела Арсовска го пријавила новинарот Кристијан Ландов во полициска станица поради загрозување на сигурноста. Оваа вест ја сподели самиот Ландов во вчерашниот подкаст „ Претрес“.

“Новинар и ја загрозува сигурноста на Данела Арсовска. Од што се исплаши Данела Арсовска, од прашањата, од тоа и се крие. Нека дојде да каже зошто Скопје се наоѓа во ваква состојба каква што е. Но едно е сигурно на јавноста и се должат многу одговори“, кажа Ландов

Ландов го објави и видеото за кој тој вели дека е причина за пријавата во полиција. На него се гледа како службеното возило на Арсовска заедно со нејзинот шофер се возат надвор од работното време за приватни цели.

„Арсовска пријавила дека сум ја следел од пред град Скопје по булеварот „ Илинденска“ . Да не не смеам да се движам, таму каде што се движи Арсовска? Да не сум и се заканил?. Овие обиди за заплашување нема да поминат и ќе бидеме гласот на народот“, посочи Ландов.