Македонија

Инженерот Бајрами: Објектите изградени по сличен принцип на тетовската модуларна НЕ СЕ БЕЗБЕДНИ

Published

3 years ago

September 15, 2021

По трагичниот настан, додека изведувачот не обезбеди спецификација за да докаже дека материјалот е отпорен на пожар, технички јас изјавувам дека сите објекти изградени по сличен принцип не се безбедни, вели инженерот Неџат Бајрами.

Тој посочи дека брзината брзината со која изгоре модуларниот центар во Тетово покажа дека објектот немал противпожарен систем и дека материјалот од кој е изграден не бил отпорен на пожар

Додава дека освен пропустите во тендерската документација, прекршен е и Законот за градење, во кој пишува: Основните барања за градбата се однесуваат на механичка отпорност, стабилност и сеизмичка заштита, заштита од пожар, санитарна и здравствена заштита.

Бајрами за ТВ 21 рече дека ја проверил тендерската документација на модуларната болница во Скопје, каде, како што тврди, никаде не пишува дека е користен материјал отпорен на пожар.

Најголемиот пропуст го гледам во тендерската документација каде никаде, во ниту една точка не е предвидено користење на материјал отпорен на пожар. За изградба на модуларните објекти се користат „сендвич панели“, меѓутоа има голема разлика меѓу различните видови, зависно од материјалот кој е користен, посочи Неџат Бајрами.

По големиот пожар што избувна во тетовскиот ковид-центар, премиерот Зоран Заев изјави дека се засилени контролите во модуларните болници со цел да не се повторат вакви несреќи.

Во земјава се изградени 19 модуларни болници со цел да им помогнат на болничките капацитети во борбата против Ковид-19. Недоследностите дека овие објекти се изградени од материјали неотпорни на пожар и дека немале противпожарен систем, излегоа на виделина по пожарот во ковид-центарот во Тетово, каде животот трагично го загубија 14 лица.

Македонија

ИЗЕТ МЕЏИТИ: ЕВРОПСКИОТ ФРОНТ Е РАЗЕДИНЕТ

Published

3 hours ago

November 5, 2024

Арлингтон

Вицепремиерот Изет Меџити во врска со политичките случувања во државата и потребата за одржување на предвремени парламентарни избори заедно со локалните избори во текот на 2025 година истакна дека не гледа никаква потреба од одржување на двојни избори.

Според Меџити Владата има амбициозна Програма пред себе и за тоа има добиено поддршка од 78 пратеници, кои за брзо може да станат и 80 пратеници.

Меџити потенцира дека ВРЕДИ не стравува од избори, но мисли дека овие теми се дневна политика за задржување на вниманието на членството на ДУИ кое секојдневно ги напушта.

Во оваа прилика претседателот на Демократско движење Изет Меџити истакна: „Полека но сигурно Европскиот фронт почнува да се расцепкува. Едниот лево, другиот десно. Активностите ги прават поединечно. ДУИ на една страна, ДПА некаде, Алијанса на друга страна. На пресовите се поделини и кога излегуваат во јавност не знаат како тоа да се прикаже дали како Европски фронт или како политички партии.“

Македонија

ИЗЕТ МЕЏИТИ: СИТЕ ОПШТИНИ ДОБИВААТ МОЖНОСТ ЗА ФИНАНСИСКА ПОДДРШКА

Published

3 hours ago

November 5, 2024

Арлингтон

Вицепремиерот Изет Меџити во гостување во дневникот на Сител телевизија изјави дека Владата им излегла во пресрет на сите 80 општини за финансирање на проекти од интерес на граѓаните, безразлика на партиската припадност на градоначалниците. Во оваа прилика на прашањето за дали постои фаворизирање на своите градоначалници на општини изјави:

„ Влен има 4 општини, 10 ги има ДУИ. Сите 10 од ДУИ беа добитници. Имаа проблем само Сарај и Теарце, им дадовме дополнителен рок и тие да добијат. 10 други општини добиле. Струга, Кичево, Пласница, Кичево, Липково, Арачиново.“

Дополнително Вицепремиерот истакна дека од 80 општини, 76 завршиле со постапката и на 4 им е оставен простор дополнитено да достават документација.

Македонија

ИЗЕТ МЕЏИТИ: 40% ОД ПРОЕКТИТЕ НА ОПШТИНИТЕ СЕ ОД ОБЛАСТА НА ЖИВОТНАТА СРЕДИНА

Published

3 hours ago

November 5, 2024

Арлингтон

Во денешното гостување во централниот дневник на Телевизија Сител, вицепремиерот и министер за животна средина Изет Меџити истакна дека 40% од проектите со кои аплицирале општините за искористување на 100 милиони евра од Владата се во делот на животната средина.

На прашање за тоа дали Владата знае за какви проекти станува збор, Меџити изјави „ За секоја општина, се работи за крупни и важни проекти. Самиот факт што 40% од проектите се за животна средина кажува дека свеста проработела кај градоначалниците, Владата и граѓаните и се дава приоритет на такви проекти“.