Македонија

Сакаат да не поделат – Владиката Петар открива: MПЦ е под голем ПРИТИСОК од БУГАРСКИТЕ власти

Ова за Пресинг ТВ го изјави митрополитот Преспанско-пелагониски, владиката Петар, во чија епархија и надлежност припаѓа и црквата „Св.Архангел Михаил“ во селото клепач, по денешната негова средба со архиерејскиот намесник и парохискиот свештеник. Владиката Петар уште вели дека од медиумите слушнал дека во дворот на црквата имало некаков проблем.

Црквата „Св.Архангерл Михаил“ деновиве се најде во цетарот на вниманието поради последната протестна нота, што бугарското МНР ја испрати до нашето, а повод за тоа беше новопоставениот споменик посветен на војводата Велко Скочивирчето или Скочивирски и осумте припадници на неговата чета, кои загинале во борба со османлиски аскер. И за таа борба постојат два термина. Едниот, дека се случила во 1904, а според другиот во 1906 година.

Владиката Петар потенцира дека според Уставот, Црквата е одвоена од државата и државата, односно политиката нема право да се меша во црковните работи, исто како што Црквата нема право да се меша во државните.

-Ние сме веќе подолго време изложени на провокации и притисоци од страна на бугарски политичари, особено конзулите. Двајца од нив, се додека не им реков дека веќе не сакам да ми доаѓаат, ниту да им одам за да се видиме, си земаа слобода да не напаѓаат, на пример, околу промената на иконата „Св.Троица“, што се наоѓа во црквата „Св.Богородица“ во Битола, веденаш до Митрополијата. Таа беше неканонски поставена и одлучивме да ставиме нова икона, а тие со ујдурми, демек, е како сега икона ќе менувате, сакаа да не спречат во тоа, вели Владиката Петар.

Според него, целта на бугарските политичари е да ја прикажат црквата како своја и да кажат дека тоа население е бугарско, што нема врска со реалноста.

-ЕДНОСТАВНО, САКААТ ДА НЕ ПОДЕЛАТ. ПА ТАМАН РАБОТА АКО ЦРКВИТЕ СЕ ОДРЕДУВААТ СПОРЕД НЕКОГАШНАТА ЈУРИСДИКЦИЈА. ЈУРИСДИКЦИЈА НА ОВИЕ ПРОСТОРИ ИМАЛА И СРПСКАТА, И ЦАРИГАРДСКАТА ПАТРИЈАРШИЈА, И БУГАРСКАТА, ПА И АЛБАНСКАТА ЦРКВА. И ТУКА ИМА ЗАДНИ НАМЕРИ. ЦЕЛТА НА ВАКВИТЕ ПРОВОКАЦИИ И ПРИТИСОЦИ Е ДА СЕ ПРИКАЖЕ ДЕКА НЕ СМЕ ИМАЛЕ ЦРКВА ДО 1958 ГОДИНА, ОД КОГА ДАТИРА САМОСТОЈНОСТА НА МПЦ, А СО ТОА И ДЕКА НЕ ПОСТОЕЛА МАКЕДОНСКА НАЦИЈА, НАГЛАСУВА ВЛАДИКАТА ПЕТАР.

Притоа владиката Петар нагласува дека последниве дваесетина години со Бугарската православна црква немаат никакви спорови или недоразбирања.

Последната протестна нота од официјална Софија претставува нов притисок врз Македонија, но и потврда дека сме на удар на бугарските служби. Зашто, ако се прочита првичниот текст со кој беше обелоденет целиот настан, може да се види дека за смената на плочата се знае цела година наназад.

Оттука, се поставуваат неколку прашања. Прво, зошто на реакција се чекало цела година, второ, зошто авторот на текстот не проверил дали споменикот има статус на заштитено културно наследство, четврто, зошто авторот не прави дистинкција меѓу државата Македонија и МПЦ, петто, зошто не кажува точно кога, од кого и чија била соджината на текстот на споменикот, шесто зошто бугарското МНР се меша во црковни работи, а не реагира БПЦ, и седмо, дали македонското МНР или Владата ќе почнат да се мешаат во внатрешните работи на МПЦ-ОА? -koментира „Пресинг ТВ“

Индикативно е што и во овој случај се јавува Фондацијата Македонија и нејзиниот прв човек Виктор Стојанов, кој како разузнавачки питбул на претседателот Румен Радев станува главна перјаница во креирањето на македонско-бугарските односи и наместо да ги смирува, само уште повеќе ги разгорува страстите.

Старата плоча не е скршена, туку е ставена нова и зад тоа стојат сите селани на селото Клепач. Тие сакале да испратат порака дека не се сложуваат со фалсификувањето на историјата од страна на Бугарија. Да, војводата Велко Скочивирчето или Скочивирски и осумте припадници на неговата чета загинале во борба со турски аскер во 1904 година, но тие не се бореле за обединување на Македонија со Бугарија, како што пишувало на споменикот, туку за самостојна Македонија. Споменикот бил поставен во периодот меѓу 1914-1918 година, за време на Првата светска војна, кога Бугарите го напишале тоа за „присоединување на Македонија кон Бугарија“. Но, сите селани на Клепач едногласно одлучиле да ја сменат плочата и да го сменат тој дел од содржината, натаму таа да биде на македонски јазик, зашто меѓу загинатите имало и нивни денешни директни наследници.

Ова за Пресинг ТВ го изјави митрополитот Преспанско-пелагониски, владиката Петар, во чија епархија и надлежност припаѓа и црквата „Св.Архангел Михаил“ во селото клепач, по денешната негова средба со архиерејскиот намесник и парохискиот свештеник. Владиката Петар уште вели дека од медиумите слушнал дека во дворот на црквата имало некаков проблем.

Владиците Агатангел и Петар

-Едноставно, сакаат да не поделат. Па таман работа ако црквите се одредуваат според некогашната јурисдикција. Јурисдикција на овие простори имала и српската, и Царигардската патријаршија, и бугарската, па и албанската црква. И тука има задни намери. Целта на ваквите провокации и притисоци е да се прикаже дека не сме имале црква до 1958 година, од кога датира самостојноста на МПЦ, а со тоа и дека не постоела македонска нација, нагласува владиката Петар.

Up Next

3aeв: Ако сакате швајцарски ПЛАТИ, треба да се работи ПОВЕЌЕ и ЕФИКАСНО

Don't Miss

Џамбаски: Какви окупатори, „Бугарски Велигден“ е денот кога бугарските војници влегле во Македонија

Македонија

Земјите по Коридор 10 ќе потпишат договор за брз железнички коридор, открива Николоски од Брисел

Заменик-претседателот на Владата и министер за транспорт, Александар Николоски, од Брисел најави потпишување на договор за воспоставување брз транспорт на Коридорот 10, со кој Македонија, Грција, Србија, Унгарија и Австрија цврсто се обврзуваат да ги забрзаат градежните активности. Оваа вест доаѓа по клучните средби во Брисел со претставници на ЕУ и министрите за транспорт од регионот.

Николоски не го криеше своето задоволство, истакнувајќи дека она што го очекувал, сега се случува: „Ќе потпишеме заедничка декларација со Грција, Македонија, Србија, Унгарија и Австрија за изградба на железничкиот Коридор 10. Ова е неверојатно значајно за нас, бидејќи нема поента да потрошиме над 2 милијарди евра, а другите држави да не градат!“

Грција се обврзува да го заврши делот од Солун до Гевгелија. Веќе до јануари ќе имаат најмодерна сигнализација, што ќе овозможи брзина на карго возовите до 120 км/час, драматично забрзувајќи го транспортот кон пристаништата во Солун и Атина. Потоа ќе започне со изградба на втората, двоколосечна пруга за патнички сообраќај, чие завршување се очекува околу 2030 година, исто како и нашите две линии. Првата, карго линија, кај нас ќе биде готова до 2028 година.

Србија ќе го гради делот што недостасува од границата до Ниш. Веќе постоечката брза пруга Белград – Будимпешта се става во функција, а Будимпешта – Виена веќе функционира како брза пруга.

„Ова е една одлична вест за Коридорот 10!“ – изјави Николоски.

На иницијатива на Австрија, ќе биде потпишан и Договор за доизградба на Коридорот 8.

„Треба да се поврземе од Драч до Црното море. Нема поента ние и Бугарија да трошиме средства, а Албанија да не го прави истото,“ објасни министерот, потенцирајќи ја потребата сите земји од овој коридор да преземат обврски за градење.

Според Николоски, визијата на Владата, Македонија да стане „центар на Балканот“, веќе почнува да дава конкретни резултати. Овие меѓународни договори и издвоените средства за крупни капитални проекти се неоспорлив факт дека државата се движи кон подобра инфраструктурна иднина.

Македонија

Нов живот на планината: Шар Планина во еуфорија по појавата на мало рисче

Националниот парк „Шар Планина“ денеска ја сподели најубавата можна вест, имаат принова во семејството на критично загрозениот Балкански рис.

Преку видео објава, тимот на паркот ја изрази својата огромна радост по откритието на една од нивните трап-камери. Снимката е доказ за раѓање на ново малечко рисче, кое е забележано во друштво на својата мајка.

„На една од нашите трап-камери забележавме мајка рис со малечко, и двете во одлична здравствена состојба. Со ова, бројката на документирани рисови на Шара се зголемува од 1 на 3 единки!“ – информираат од НП „Шар планина“.

Ова откритие е историски момент за националниот парк, потврдувајќи го присуството на Балканскиот рис како стабилен жител на планината. По минатогодишниот успех со првото снимање на мажјак во Лешница, сега е регистрирана и мајка со младенче на територијата на Општина Боговиње.

„Мајката ја именувавме Сибел“, со гордост порачаа од Националниот парк.

Во нивната фејсбук објава, од НП „Шар Планина“ споделија и неколку клучни факти кои го потврдуваат значењето на оваа принова.

Балканскиот рис е екстремно територијално животно, при што една единка може да заземе и над $40\text{ km}^2$ . Затоа, секој ново-потврден рис е огромен чекор напред за видот. Исхраната на рисот се базира на срна, дива коза, зајак, еребица, ситни цицачи и други видови од шумскиот екосистем. Популациите на пленот на Шара стабилно растат, што директно ги подобрува условите за опстанок на рисот. На територијата на Националниот парк ловот е целосно забранет, што е клучна мерка за заштита и на рисот и на неговиот плен.

Оваа снимка ја потврдува важноста од континуираниот мониторинг и макотрпното вложување во заштитата на биодиверзитетот. Балканскиот рис е критично загрозен вид, а ваквите моменти враќаат надеж и докажуваат дека напорите на тимот носат резултати.

Македонија

ТВ21: Во Липково се појави огромна процеп во земјата

Екипата на ТВ21 излезе на терен по добиената информација за колосална пукнатина во земјата, регистрирана во атарот на Липково.

Драматичните снимки сведочат за длабок и широк расцеп кој претставува директна и сериозна опасност за околните објекти и виталната инфраструктура во регионот.

Станува збор за активно свлечиште кое веќе предизвикува значителна материјална штета и, што е најзагрижувачки, претставува непосредна закана за безбедноста на локалното население. Надлежните институции се повикуваат на итна реакција.

Извор: ВИДЕО: Огромна пукнатина на земјата кај Липково