Американскиот претседател Доналд Трамп денеска најави дека САД наскоро ќе започнат со производство на нов борбен авион од шеста генерација, наречен Ф-47.

„Военото воздухопловство на Соединетите Држави напредува со развојот на првиот светски борбен авион од шеста генерација. Ништо на светот не му е ни близу, а ќе биде познат како Ф-47“, изјави Трамп на заедничка прес-конференција со министерот за одбрана, Пит Хегсет.

Трамп додаде дека експерименталната верзија на Ф-47 лета веќе речиси пет години, а за неговото производство ќе биде задолжена компанијата Боинг, пренесува Си-Ен-Ен.

По ригорозен натпревар помеѓу некои од најголемите американски воздухопловни компании, Воздухопловните сили на САД ќе му доделат на Боинг договор за производство на новата генерација на платформи за воздушна доминација, објави Трамп.

Кон крајот на минатата година, американските воздухопловни сили ја одложија одлуката за започнување на производството, нагласувајќи дека конечната одлука ќе биде донесена од администрацијата на Трамп.

Принцот Вилијам, наследник на британскиот престол, ја искористи својата посета на Естонија како директна политичка порака, нагласувајќи ја решеноста на Велика Британија да спречи било каква руска агресија.

Неговата посета беше дел од поддршката за британските војници кои учествуваат во најголемото странско распоредување на британската армија во регионот, кои се наоѓаат на источното крило на НАТО и ги штитат земјите од Балтичкиот регион од потенцијалната закана од Русија.

Во петокот, принцот Вилијам го посетил воениот полигон, каде што набљудувал воени маневри и опрема на терен. Тој бил облечен во маскирна униформа и со воено возило, тенкот Челинџер 2, ја демонстрирал својата поддршка за британските војници.

Принцот исто така ја обиколил групата од 900 британски војници кои учествуваат во операцијата Кабрит, дел од контрибуцијата на Британија за безбедноста и одбраната на НАТО.

Тој разговарал со војниците и прашал за нивното искуство, посебно за безбедносната ситуација на терен и дали близината на Русија прави нивната мисија да изгледа поважно и пореално отколку претходните вежби.

Посетата вклучила и фокус на менталното здравје на војниците, каде принцот го прашал персоналот за напредокот на разговорите за оваа тема во војската, која сѐ повеќе добива поддршка.

Речиси 600 луѓе загинале откако Израел ги обнови борбите во Газа во вторникот, според министерството за здравство, водено од Хамас.

Хамас ги испука првите ракети кон Тел Авив откако по двомесечното примирје повторно почнаа борбите во Газа и цивилите пак мораат да бегаат. Израел кажа дека една ракета била пресретната, а останатите 2 паднале во ненаселено подрачје, објави Би-Би-Си.

Речиси 600 луѓе загинале откако Израел ги обнови борбите во Газа во вторникот, според министерството за здравство, водено од Хамас.

Израелските одбранбени сили (ИДФ) синоќа кажаа дека почнале копнена операција на палестинската територија.

„Нашите војници почнаа да спроведуваат копнени активности во Рафа, како и во централниот и во северниот дел на Газа. Целта е да се растури терористичката инфраструктура“, соопшти ИДФ.

Израелската војска претходно кажа дека спроведува ограничена копнена операција за да се создаде делумна тампон зона меѓу северот и југот на Газа.

Портпаролот на израелската влада, Давид Менцер, го обвини Хамас за продолжувањето на насилствата и дека ја изнудил оваа ескалација поради одбивањето на сите договори за ослободување на заложниците. Според Израел, Хамас држи уште 59 заложници, од кои 24 се живи.

Во исто време, премиерот Бенјамин Нетанјаху го смени шефот на националната безбедносна служба Шин Бет, Ронен Бар, бидејќи не успеал да го предвиди нападот на Хамас на 7 октомври 2023 година. Тој кажа дека помеѓу нив веќе нема доверба. Ова е првпат во историјата на Израел владата да го смени шефот на Шин Бет.