Вчера во периодот од 13.30 до 14.00 часот во централното градско подрачје на Тетово, полициски службеници од СВР Тетово извршиле акциска контрола во објекти за продажба на текстилна облека, сопственост на А.Д.(29) од с.Требош, тетовско, сопственост на М.М.(33) од Тетово и сопственост на М.Д.(25) од Тетово поради основи за сомнение за сторено кривично дело „повреда на права од индустриска сопственост и неовластена употреба на туѓa фирма“ казниво по член 285 од Кривичниот законик. 

Притоа, од објектите била одземена разновидна облека со лого од познати светски брендови. 

По целосно расчистување и документирање на случајот, ќе биде поднесена соодветна пријава.

Институтот за јавно здравје предупредува за зголемената бројка на инфекции .Над 1.000 нови случаи варичела за еден месец.

Во текот на декември, Институтот за јавно здравје (ИЈЗ) регистрирал 1.623 случаи на акутни заразни заболувања, со што се забележува драстичен пораст од 92,8% во споредба со ноември. Најчесто пријавуваното заболување се овчите сипаници, со вкупно 1.025 случаи.

„Овие бројки се сериозен показател за состојбата со заразните заболувања во земјава. Порастот на овчите сипаници, како и зголемената бројка на сексуално и крвно преносливи инфекции, бараат засилени превентивни мерки“, велат податоците од Институтот за јавно здравје.

Останати податоци:

Сексуално и крвно преносливи инфекции: Забележани се 22 случаи, од кои 7 со сифилис, 6 со вирусен хепатит Б, 5 со вирусен хепатит Ц, и 4 со инфекција со хламидија.

Редки заболувања: Евидентирани се 4 случаи на голема кашлица и 2 на заразни заушки.

Заушки: Првиот случај е дете од Ресен, невакцинирано, а вториот е дете од Гевгелија со комплетна вакцинација.

ХИВ/СИДА: Во декември регистрирани се 2 нови случаи на ХИВ, додека еден случај на СИДА завршил со смрт.

Алармантен тренд

Од ИЈЗ велат дека во споредба со истиот период минатата година, бројот на пријавени случаи пораснал за 4,6%, а во однос на десетгодишниот просек, порастот изнесува 8%.

„Овој тренд укажува на потребата од редовна вакцинација и зголемена јавна свест за рано препознавање и превенција“, апелираат од Институтот.

Покрај значителниот пораст на заразни заболувања, во декември се евидентирани и 6 случаи на Ковид-19. Институтот продолжува да ги следи трендовите и да предлага мерки за спречување на ширењето на инфекциите.

Неодамна македонската јавност ја потресе информацијата дека зелка со опасен инсектицид е запленета и уништена во Хрватска.

По тој повод се огласи д-р Нико Беќаровски кој даде свое стручно објаснување за инсектицидот.

„7 ФАКТИ ЗА #IMIDACLOPRID И “ОТРОВНАТА МАКЕДОНСКА ЗЕЛКА” ОТКРИЕНА ВО ХРВАТСКА

Сите не возбуди веста дека голем контингент на зелка е запленет во Хрватска поради присуство на инсектицидот Имидаклоприд.
Веднаш ‘универзалните експерти” истрчаа со ставови колку и како нѐ трујат.
ФАКТИТЕ СЕ СЛЕДНИВЕ :
1. IMIDACLOPRID спаѓа во групата на неоникотиноиди и има мала токсичност за луѓето.
2. IMIDACLOPRID по препорака од EFSA (European Food Safety Authority) од јануари 2013 година потполно е забранет во ЕУ од 2018 година, ПОРАДИ ЗГОЛЕМЕНАТА ТОКСИЧНОСТ ВРЗ ПЧЕЛИТЕ.
3. Овој инсектицид врз луѓето има иста или помала токсичност како сите дозволени пестициди.
4. IMIDACLOPRID мора да го тргнеме од нашите полиња за да ги заштитиме пчелите, кои се поретко ги гледаме.
5. Јас лично повеќе би јадел зелка прскана со Imidacloprid, отколку прскана со етиол, децис, ланате, кои за жал се уште ги има во Македонија.
6.Нема научни докази дека Imidacloprid е канцероген за луѓето.
7. Во Македонија останаа премалку обработливи места со еколошки прифатлива почва и атмосфера“, напиша тој.