На 25.01.2025 во 23.30 часот во СВР Скопје било пријавено дека на бул.„Илинден“ во Скопје, патничко возило „мерцедес“ со скопски регистарски ознаки, управувано од Ф.С.(25) од Скопје, удрило во метална канделабра.

Во несреќата, Ф.С. се здобил со тешки телесни повреди, додека сопатничката Л.Д.(34) од с.Радолишта, струшко, се здобила со телесни повреди, констатирани во Комплекс клиники „Мајка Тереза“ во Скопје. Увид на местото на несреќата извршила екипа од СВР Скопје.

Во раните утрински часови во СВР Скопје било пријавено дека во двор на напуштена куќа во селото Арачиново, која одамна била без жители, биле фрлени две шишиња со запалива материја. Според првичните информации, едното од шишињата предизвикало експлозија, а пожарот брзо се проширил.

На среќа, нема пријавени повредени лица, а пожарот бил изгаснат од роднина на сопствениците на куќата, кој ја забележал ситуацијата и го пријавил инцидентот. Куќата, како што е познато, е веќе подолг период празна, а нејзините сопственици не живеат таму.

Полицијата веднаш извршила увид на местото на настанот, а сега се преземаат мерки за расчистување на случајот. Во моментов, се работи на утврдување на мотивите за овој инцидент и на идентификација на сторителите.

Претседателот на ЗЕЛС и градоначалник на општина Кисела Вода, Орце Ѓорѓиевски, заедно со колегата Висар Ганиу, градоначалник на Општина Чаир, денес ја посетија Општина Шуто Оризари. Во рамките на посетата, се сретнаа со граѓаните, ги слушнаа нивните проблеми и дискутираа за приоритетните потреби.

Средбата вклучуваше разговор и со градоначалникот на Шуто Оризари, Курто Дудуш, како и претседателот на ОК ВМРО-ДПМНЕ од оваа општина, Ерџан Демир. Презентирани беа тековните активности и проекти во општината, а Ѓорѓиевски даде потстрек за подготвување ефикасни проекти со цел користење на владините средства за инфраструктурни подобрувања.

„На Чаир и Шуто Оризари им е потребно ново поврзување за растеретување на сообраќајот, како и проширување на булеварот ‘Џон Кенеди’. Во Шуто Оризари, неопходен е нов културен центар и дополнителни вложувања во спортската инфраструктура,“ истакна Ѓорѓиевски.

Тој додаде дека луѓето од левата страна на Скопје секогаш ќе ја имаат неговата поддршка и посветеност за решавање на нивните проблеми.

„Скопје повторно ќе биде горд град,“ порача Ѓорѓиевски.