Сообраќајната полиција и Мобилната единица за безбедност на сообраќајот на патиштата (МЕБСП) на Министерство за внатрешни работи изминатиот месец извршиле вкупно 6984 контроли на возила што сообраќаат низ градовите во државата согласно „Акцискиот план за чист воздух за грејната сезона 2024 – 2025 година“.

Како што информира Министерството за животна средина и просторно планирање (МЖСПП), во доставениот извештај до Работната група за чист воздух на Министерството за животна срдина и просторно плнирање, во период од 13 декември 2024 до 13 јанаури 2025 година од страна на СВР Скопје, СВР Тетово, СВР Охрид, СВР Битола, СВР Велес, СВР Куманово, СВР Штип, СВР Струмица и МЕБСП се извршени вкупно 6984 контроли на возила.

– Во Скопје се направени 562 контроли, во Тетово 367, во Охрид 1564, во Битола 993, во Велес 546, во Куманово 540, во Штип 1338, во Струмица 498, а од страна на МЕБСП на патиштата 576 контроли. Од вкупниот број контролирани возила, 1206 се упатени на вонреден технички преглед, утврдени се 167 технички неисправни возила, 20 нерегистрирани возила, а кај 10 возила се констатирани несправни уреди за мерење на  емисијата на испусните гасови, се вели во соопштението. 

За реализација на оваа мерка од Акцискиот план Сообраќајната полиција и Мобилната единица за безбедност на сообраќајот на патиштата ангажирале 1192 вработени. 

На 24 јануари 2025 година, во 18:30 часот, во просториите на хотелот „Holiday Inn“ ќе се одржи Основачкото Собрание на Форумот на жените на Демократско Движење.

Овој форум, според оваа политичка партија, претставува значаен чекор во промоцијата на улогата на жената во политиката и во процесите на одлучување, со цел создавање на поеднакво и поправедно општество.

Организаторите ја нагласуваат важноста на овој форум за зајакнување на жените и создавање еднакви можности за сите.

„Ова е голем чекор за активното вклучување на жените во политичките процеси и развојот на нашето општество,“ се вели во официјалната покана.

Настанот е отворен за сите заинтересирани кои сакаат да придонесат во изградбата на поинклузивна и порамноправна иднина.

Македонската ракометна репрезентација продолжува со фантастични настапи на Светското првенство 2025! Во возбудлив и динамичен натпревар, нашите лавови го совладаа Катар со 39:34 во втората фаза од натпреварувањето.

Со оваа победа, Македонија ја продолжува својата серија на успешни настапи и покажува дека има тим кој може да се носи со најдобрите.

Следниот предизвик е Франција, еден од фаворитите на турнирот. Со ваков тимски дух и борбеност, Македонија одново докажува дека е подготвена за големи подвизи.

Одиме до крај, лавови! Македонија е со вас!