МИА дојде до извештајот за Македонија неколку часа пред тој да биде официјално објавен во Европскиот Парламент, заклучоците во политичкиот дел се генерално позитивни, јави дописничката на МИА од Брисел.
Европската Комисија ја поздравува Македонија во делот на зајакнувањето на демократијата, владеењето на правото, и борбата против корупцијата, но осврнувајќи се на последните локални избори, европската извршна власт констатира дека напредокот е ограничен во делот на спроведувањето на препораките на ОБСЕ/ОДИХР и Венецијанската комисија. Се бара изборното законодавство и усвојувањето на релевантните закони да бидат финализирани навремено и на инклузивен начин.
Политичките тензии помеѓу партиите не доведоа до ситуации на бојкот како во минатото, Европската Комисија го поздравува ангажманот на опозициските партии во работата на Собранието, но забележува дека поларизацијата е длабока.
-Парламентарната работа беше попречена од политичката поларизација, интензивирана со Ковид-19, која повремено имаше последици врз обичните функции. Потребни се напори за зајакнување на улогата на Парламентот како форум за конструктивен политички дијалог, посебно во делот на реформската агенда за ЕУ, истакнува извештајот годинава.
Уште еднаш се покажува со прст кон забрзаните процедури на усвојување закони и се повторува дека тие мора да останат ограничени за да не се загрози демократскиот надзор.
Парламентот, сепак, продолжи да ја игра улогата на надзор врз извршната власт.
-Власта треба да продолжи со реформскиот момент и да се фокусира на спроведување на постоечката законска рамка наместо да започнува спорадични нови иницијативи. Навремена и суштинска имплементација на реформската агенда бара постојана поддршка од општеството во целост, вели Европската Комисија, која додава и дека продолжува да се бара одговорност за насилниот упад во Собранието на 27 април 2017, вклучително и преку првостепени судски одлуки.
Што се однесува до јавната администрација Европската Комисија констатира “малку напредок“ во финализирањето на хоризонаталната функционална ревизија на државната администрација која е важно да биде усвоена од власта.
-Препораките за нова организација на државните административни тела со подобрени линии за отчетност треба да го потхранат релевантното законодавство кое треба да биде усвоено и спроведено, вели ЕК.
Судскиот систем е “умерено подготвен“ за ЕУ членство.
-Мал напредок е постигнат во однос на спроведувањето на стратегијата за судска реформа со што дополнително се одговара на препораките на Венецијанската комисија и на Експертската група за владеење на правото. Напори сѐ уште се потребни за да се обезбеди систематско спроведување на обновениот акциски план за стратегијата за судски реформи и стратегијата за човечки ресурси за судството и обвинителството, оценува Европската Комисија.
Умерена подготвеност покажува Македонија и во борбата против корупција, таа го зацврстува процесот на гонење криминал и корупција вклучително и високопрофилни случаи.
Генерално законската рамка за човекови права е во согласност со ЕУ стандардите, вклучително и во делот на насилството против жените но се забележува дека земјата треба да го зајакне спроведувањето на законите против говор на омраза.
-Надворешниот граѓански надзорен механизам врз полицијата не е целосно фунцкионален и отсуството на вистински независни истражители ги попречува напорите за справување со неказнивоста на полицијата и ефективното гонење.
Се бара земјата да ги подобри и условите во затворите и да ги зајакне алтернативите за затворски казни.
Напредокот во делот на слободата на изразување е ограничен.
-Општиот контекст за медиумски слободи е поволен и дозволува критичко медиумско известување иако имаше зголемени тензии за време на кризата со Ковид-19. Напорите за саморегулација треба да продолжат и да донесат конкретни резултати за напредок на професионалните стандарди во новинарството, смета Комисијата.
Се бара поголема транспарентност во рекламирањето од страна на државни институции и политички партии и реформа на МРТВ за да се обезбеди финансиска независност за јавниот сервис. Напредокот во МРТВ е попречен поради назначување на членови во релевантните тела.
-Кризата со Ковид-19 имаше силни последици врз медиумскиот сектор, посебно за регионалните и локалните чинители. Медиумските куќи беа вклучени во пакетот за помош, но работничките права на новинарите треба да се решат, бара ЕК
Францускиот претседател Емануел Макрон го повика Кремљ да го прифати предложениот 30-дневен прекин на огнот, инициран од страна на САД и Украина. Макрон за оваа тема разговарал со британскиот премиер Кир Стармер и украинскиот претседател Володимир Зеленски.
Зеленски во своето вечерно обраќање истакнал дека со Макрон се фокусирале на дипломатските напори и техничките детали за евентуалниот прекин на огнот. Украинскиот министер за надворешни работи, Андриј Сибиха, најавил дека Украина веќе формира тим за развој на механизми за мониторинг во случај на прекин на огнот.
Украинскиот претседател Володимир Зеленски изрази сочувство до семејствата и најблиските на жртвите, претседателката Гордана Сиљановска Давкова и македонскиот народ, за трагедијата во Кочани.
– Трагична вест за смртоносен пожар во Кочани… Украина тагува со нашите македонски пријатели на овој тажен ден – напиша Зеленски на социјалната мрежа Х.
Русија не мора да го „прифати или отфрли“ испраќањето на сојузничките сили во Украина, доколку Киев побара да се гарантира евентуалниот мировен договор, изјави францускиот претседател Емануел Макрон во интервју за француските медиуми.
Во интервјуто објавено денеска, францускиот претседател наведува дека засега нема намера да се „меша“ во дијалогот меѓу САД и Русија.
Од друга страна, „од моментот кога ќе влеземе во оваа фаза од прекинот на огнот“ предложена од Вашингтон и Киев, според Макрон, ќе бидат неопходни директни контакти со неговиот руски колега Владимир Путин и меѓу француските и руските преговарачи за да се разјасни прашањето за безбедносните гаранции што треба да и се дадат на Украина.
Откако на 20 јануари се врати во Белата куќа американскиот претседател Доналд Трамп ја истакна својата желба да стави крај на конфликтот, три години по нападот на Русија врз Украина, и направи импресивно зближување со господарот на Кремљ. По фазата на максимална тензија, Американците и Украинците го продолжија дијалогот оваа недела, предлагајќи едномесечно примирје, кое Кремљ сè уште не го прифати, потсетуваат француските медиуми.
„Ова е моментот на вистината, бидејќи ако Русија не е искрено посветена на мирот“, изјави Макрон, „претседателот Трамп ќе ги заостри санкциите и контрамерките и така целосно ќе ја промениме динамиката“.
Шефот на француската држава додаде дека „неколку европски и неевропски земји изразиле подготвеност да се приклучат“ на можното распоредување на војници во Украина за да се обезбеди иден мировен договор со Русија. Ова би вклучило неколку илјади луѓе да бидат распоредени „во клучните точки, да спроведуваат програми за обука“ и „да ја покажеме нашата поддршка на долг рок“, додаде тој.
Француските медиуми потсетуваат дека досега Москва цврсто беше противб ваквото распоредување мировни сили во Украина