Македонија

ДУИ ја мобилизира дијаспората, со 40 АВИОНИ и 100-тина автобуси иселеници ќе доаѓаат да гласаат дури и од САД

Published

3 years ago

October 25, 2021

Четириесетина авиони и стотина автобуси со иселеници Албанци се очекува да пристигнат в петок и в сабота во Македонија, за на 31 октомври, во вториот круг од локалните избори, да гласаат за кандидатот на ДУИ Фатмир Дехари, по третпат да биде избран за градоначалник на Кичево.

Според информации на Слободен печат од ДУИ, очекувањата се најмалку 5.000 гласа од албанската дијаспора да му помогнат на Дехари во борбата против кандидатот на ВМРО-ДПМНЕ, Александар Јовановски, кој во првиот изборен круг победи со 250 гласа предност.

Дијаспората веќе е организирана и со авиони и автобуси од цела Европа ќе дојдат во Кичево за да му дадат поддршка на Дехари. Има најава дека и наши иселеници од САД ќе дојдат за гласањето. Дијаспората самоиницијативно се организира, не ја организира ДУИ. Очекуваме масовно да дојдат, бидејќи в понеделник е католичкиот празник Денот на сите светци, така што е неработен ден, па ќе можат да се вратат, велат од ДУИ.

Лидерот на ДУИ Али Ахмети ја повика дијаспората на 31 октомври да се врати дома и да го поддржи нивниот кандидат за градоначалник.

Поддршка за Дехари најави и лидерот на СДСМ, Зоран Заев, во пакет со поддршката за Чаир, Струга и за Гостивар.

Related Topics:Гласање дијаспора Дуи Избори

Up Next

Албанците во Кичево: Не е чудо да победи ВМРО, овие многу ја искрадоа државата, Кичево многу го искрадоа (Видео)

Don't Miss

Дел од Тетово викендов неколку часа БЕЗ СТРУЈА, граѓаните стравуваат од подолготрајни прекини

Македонија

Оглас во Општина Битола за вработување на 18 лица

Published

1 hour ago

January 20, 2025

Арлингтон

Општина Битола, објави јавен оглас за работно ангажирање на 18 невработени лица со средно образование кои ќе вршат доставување на решенија и покани за данок на имот до граѓаните. Работното ангажирање ќе биде за период февруари/јуни и истите ќе добиваат надоместок по учинок, во износ од 17 денари за решение и 3 денари за покана.

Кандидатите треба да достават барање и копија од документ за идентификација (лична карта).

Заинтересираните кандидати да се јават во период од 5 работни дена од денот на објавување на огласот, заклучно со 24.01.2025 година.

Бараните документи можат да се достават во просториите на Општина Битола ул. ,,Булевар 1 Мај“ бр.61 на шалтер бр 1.

Потребната документација и деталите за повикот се објавени на следниот линк https://www.bitola.gov.mk/јавен-оглас-за-работно-ангажирање-на-18/

Македонија

Физички нападнат лекар во Клиничката болница Тетово

Published

1 hour ago

January 20, 2025

Арлингтон

На 19.01.2025 во 17.20 часот во Тетово, полициски службеници од СВР Тетово го лишиле од слобода Б.Б.(28) од Тетово, постапувајќи по претходна пријава дека во Клиничка болница Тетово физички го нападнал лекарот Н.А.(47) од с.Џепчиште, тетовско. Б.Б. бил задржан во полициска станица за понатамошна постапка и против него ќе следува соодветен поднесок.

Македонија

Коњановски го награди Иван Миовски за фаќањето на Светиот крст на Водици

Published

3 hours ago

January 20, 2025

Арлингтон

Градоначалникот на Општина Битола, Тони Коњановски, денеска оствари средба со дел од учесниците во традиционалната манифестација по повод Водици, на која 15-годишниот Иван Миовски го фати Светиот крст.

Миовски, ученик во прва година во средното економско училиште „Јане Сандански“, раскажа за уникатното искуство на оваа свеченост што секоја година го обединува градот.

Коњановски му посака здравје, успех и радост, доделувајќи му парична награда од 20.000 денари и икона од Заштитникот на градот, Свети Нектариј Битолски.

„Овој настан е симбол на верата и традицијата што го поврзува нашиот народ. Со гордост го наградуваме младиот Иван, чиј дух и храброст се инспирација за сите нас,“ изјави градоначалникот Коњановски.

Манифестацијата фаќање на Светиот крст, која се одржа во Храмот „Свети Великомаченик Димитриј“, продолжува да биде значаен настан во Битола, негувајќи ја духовноста и заедништвото во градот.