СВР Скопје ги известува граѓаните дека денеска (24.03.2025) со почеток од 19.00 часот поради одржување на протестен марш, Единицата за безбедност на патниот сообраќај ќе преземе мерки за посебен режим на сообраќајот во централното градско подрачје на град Скопје.

Протестниот марш ќе започне на Плоштад „Македонија“, а во 19.30 часот ќе се продолжи со движење кон Собрание на РСМ на ул.„11-ти Октомври“, потоа по ул.„Филип Втори Македонски“, лево по бул.„Гоце Делчев“ до пред Влада на РСМ на бул.„Илинден“.

СВР Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници.

Јавниот обвинител на Република Северна Македонија, Љупчо Коцевски, утринава одржа координативен состанок со тимот кој го води истражувањето, при што побара детална и ефикасна истрага за да се расветлат сите аспекти на случајот.

Истрагата за трагичниот пожар во Кочани се проширува со ангажман на вкупно 11 јавни обвинители, кои активно работат на утврдување на причините и можната одговорност за несреќата, информираат од Основното јавно обвинителство.

Според планот на активностите, обвинителството најави распит на повеќе од 300 сведоци, како и изведување на соодветни вештачења од различни области.

„Јавните обвинители преземаат активности за обезбедување докази на терен, а фокусот е на темелно истражување на сите можни правци на одговорност“, соопштија од обвинителството.

Тимот на истражители ќе продолжи со собирање материјални докази во Кочани, со цел да се добие целосна слика за настанот што го потресе целото општество.

Телевизијата МНет објави видео од дивеење со автомобил на кружен тек во Пробиштип.

На снимката се гледаат неколку лица во автомобилот, а дел од нив седат на вратите, додека автомобилот “дрифта” околу кружниот тек во Пробиштип.

Дали возачите размислуваат за последиците од нивните непромислени акции?

Погледнете го видеото: