Екипата на Клан ТВ во софиската болница во која се сместени повредените од трагичната автобуска несреќа разговараше со Лулзим Сулејмани од Прешевската долина, кој ја преживеа несреќата и успеал да помогне и на неколку други патници.

„Додека одеше автобусот, од десната страна удри во тротоарот, тркалата на автобусот пукнаа и почна да избувнува пожар и имаше многу чад во автобусот. Потоа автобусот се движеше 20 метри лево и сам застана. Луѓето почнаа да повраќаат, да врескаат како во хорор филмови. Успеав да избегам бидејќи го зедов чеканот во автобусот и го скршив стаклото. Ја извадив свршеницата и уште пет лица“, изјави Сулејмани за ТВ Клан.