Monthly Archives: November 2021

Македонија

Бугарија жaли зa ocтaвкaтa нa Заев

Вториот круг од локалните избори во Македонија е главна тема во бугарските печатени изданија и електронски медиуми.

Темата со локалните избори по кои уследи оставката на премиерот на  Македонија Зоран Заев, беше објавена во сите медиуми, без да се даваат коментари за тоа.

Софиското издание „Дневник“, по информацијата дека Зоран Заев поднел оставка од премиерската функција, наведува цитат од Заев од пред неколку дена, според кој, зад победата на ВМРО-ДПМНЕ стојат надворешни сили.

Изданието „24 часа“ објавува дека Данела Арсовска, која е прогласена за „Бугарка“, станала градоначалник на Скопје, а премиерот Зоран Заев поднел оставка.

БНТ објавува дека од половината преброени гласачки ливчиња од ДИК во Македонија, се утврдило дека кандидатите за градоначалници од опозициската ВМРО-ДПМНЕ имаат огромна предност пред тие од владејачката СДСМ на премиерот Зоран Заев, како и оти партијата на Али Ахмети го изгуби Тетово и Гостивар.

На истата тема пишуваат и весникот „СЕГА“, информирајќи кусо за оставката на Заев, а националното радио БНР исто така информира за вториот круг од локалните избори во државава, што завршија синоќа.

Македонија

41-16 е крајниот резултат од локалните избори помеѓу ВМРО-ДПМНЕ и СДСМ

Резултатите од вториот изборен круг покажуваат дека дури 40 општини и градот Скопје ќе го предводат градоначалници од ВМРО-ДПМНЕ.

Опозициската партија победи во: Могила, Битола, Прилеп, Новаци, Ресен, Демир Хисар, Охрид, Василево, Брвеница, Виница, Босилово, Гевгелија, Зелениково, Кратово, Лозово, Македонска Каменица, Македонски Брод, Ново Село, Радовиш, Штип, Градско, Велес, Свети Николе, Кавадарци, Карбинци, Ранковце, Чешиново Облешево, Вевчани, Кочани, Пехчево, Јегуновце, Скопје, Аеродром, Кисела Вода, Гази Баба, Ѓорче Петров, Бутел, Конче, Сопиште, Петровец, Илинден.

Религија

Преподобен Прохор Пчински

 Бидејќи се молеше за тоа, Бог му го покажа местото на неговиот подвиг. Тоа место беше на брегот на реката Пчиња. Свети Прохор се подвизуваше таму до старост и до својата смрт.

Само Едниот Бог знае за сите негови подвизи и искушенија што ги претрпе во текот на овој живот.

Но според неговите мироточиви мошти и безбројните чудесни исцеленија, коишто и до ден денес не престанаа, може да се суди за големината на Божествената благодат што му ја подари Бог за неговите големи страдања. Свети Прохор се упокои и се пресели во Царството Небесно во 9 век

Европа

Арсовска: Нова иднина за Скопје

Oд утре на работа. Имаме многу проекти за спроведување. Од утре почнува новата иднина на градот Скопје, изјави вечерва Данела Арсовска, првата жена градоначалник на Скопје.

И партиските штабови и податоците од ДИК покажуваат дека независната кандидатка за градоначалник на Скопје Данела Арсовска по вториот круг од локалните избори е во голоема предност пред актуелниот градоначалник Петре Шилегов, кандидатот на СДСМ.

Арсовска вечерва изјави дека го победи не само стариот градоначалник Шилегов, туку дека во трката на градоначалничката функција противник ѝ беше и премиерот во заминување.

Таа се заблагодари за поддршката од жителите на главниот град и рече дека од утре се тргнува во борба за почист град и за нејзините проекти