Грција го потврди првиот случај со сојот Омикрон. Новиот сој стигна и на Балканот. 

Генетичарите велат дека потребно е време да се дознае колку новиот Омикорн ќе биде опасен со симптомите. Професорката Марија Гњатовиќ од Инстиутот за примена на нуклерана енергија е во Скопје каде со Инситутот за имунологија почнуваат соработка и истражување поврзани со ковид. Таа и професорот Петличковски се согласуваат дека кај новиот сој омикрон вакцината ќе штити во некоја мера но и колку ќе штити и природниот имунитет.

– Има повеќе од десет промени во однос на делта сојот, но не се знае како ќе влијае на преносливоста, но дали ќе предизвика потешки симптоми или не. Најголемата грижа е дека настанале промени на S протеинот кој клучен основ за развој на сите вакцини кои досега е применуваат и може вакцините да бидат помалку ефикасни за тој нов сој, но тие испитувања сега се работат и првата инфорамција ќе биде за неколку недели,вели проф. др. Александар Петличковски институт за имунологија и генетика..

Гњатовиќ со нејзин тим и тим од Иниституот за имунологија почнуваат проект каде ќе се испитува важноста на антителата и кои тестови ќе бидат потребни во иднина за подобро решение за мерење на антителата.

„ Антителата не се единствен начин на проверување на имунитетот и не може само на основ на нив да докажуваме и да тврдиме дека е потребна трета доза, но секако нивото на антитела укажува на тоа дали се добро сме одговориле на вакцината или на природната инфекција“, вели Гњатовиќ.

Светот и науката се пред нов предизвик во наредните недели ќе се знае дали ќе се добие „супер“ вакцина кој ќе штити од сите досегашни соеви и нови мутации.