Одделот за внатрешна контрола, криминалистички истраги и професионални стандарди до надлежното Основно јавно обвинителство Скопје поднесе кривична пријава против Б.З., поранешен вработен во МВР, на работно место началник на Одделение за обезбедување на Влада на РМ, поради постоење основи на сомнение дека сторил кривично дело „злоупотреба на службената положба“ по член 353 од КЗ.

Пријавениот, како началник на Одделение за обезбедување на Влада на РМ, ја злоупотребил службената положба и овластување на начин што на полициски службеник вработен во Одделението со кој што раководел, му овозможил да се стекне со право за исплата на бонус плата за 2023 година иако не го исполнил условот утврден во Законот за работните однос, односно да нема отсуство од работа повеќе од 21 ден во текот на годината.

Пријавениот, полицискиот службеник го ставил на списокот на полициски службеници кои ги оствариле условите за исплата на бонус плата за 2023 година врз основа на што на полицискиот службеник му било изготвено решение со кое му било утврдено право за исплата на бонус плата за 2023 година и му биле исплатени пари на неговата трансакциска сметка во износ од 36.614 денари, во кој износ го оштетил буџетот на Министерството за внатрешни работи.

Лизгалиштето на плоштадот Магнолија е вистински празничен бисер во срцето на Битола! Со секој изминат ден привлекува сè повеќе љубители на зимските радости – од најмладите кои ги прават првите чекори на мразот до возрасните кои уживаат во атмосферата.

Не само битолчани, туку и гости од соседните градови ја доживуваат магијата на лизгањето, создавајќи незаборавни моменти. За сите кои не можат лично да ја почувствуваат оваа зимска бајка, ЈП Паркинзи овозможи пренос во живо преку следниот линк: Гледај во живо.

Празничната магија живее во Битола! Посетете го лизгалиштето и бидете дел од „Зимска приказна“ што го прави градот вистинска зимска дестинација.

Премиерот Христијан Мицкоски одговарајќи на пратеничко прашање во Собранието, во врска со тоа дали ќе се укине недела неработен ден вели дека неговиот став е дека или сите да работат со двојна или тројна дневница за работниците за тој ден или никој да не работи.

„И сега е недела работен ден, но, само за одредени економски оператори. Напишано е кои се тие оператори, во законот дури се ставени во квадрат. На пример, работи еден трговски центар што го отваравте со фанфари. Значи, и сега има економски оператори што работат во недела. Моето лично мислење е или никој да не работи во недела, вклучително и тие што сега работат, или, пак, тие што сакаат да работат да им даваат двојна дневница на работниците“, рече Мицкоски.