САД ги симнуваат знамињата со ЛГБТ и БЛМ. Државниот департмент на САД, под раководство на Доналд Трамп, во понеделникот ја воведе знаковната „Политика на едно знаме“, со која се забранува издигнување на кое било друго знаме освен американското на дипломатските мисии во САД и странство.

Државниот департмент на Трамп воведе „Политика на едно знаме“

Државниот департмент на САД, под раководство на Доналд Трамп, во понеделник ја воведе знаковната „Политика на едно знаме“, со која се забранува издигнување на кое било друго знаме освен американското на дипломатските мисии во САД и странство.

Новата наредба, копија од која беше објавена на конзервативниот портал Washington Free Beacon, практично ја спречува можноста американските институции да изложуваат знамиња поврзани со левичарски движења, како што се знамето на ЛГБТИ+ заедницата или знамето на движењето Black Lives Matter. Овие знамиња беа поставувани над владини објекти за време на администрацијата на Џо Бајден.

„Од денес, единственото знаме што е дозволено да се издигнува или изложува во американските институции, како во САД, така и во странство, е знамето на Соединетите Американски Држави,“ се наведува во наредбата.

Едно знаме за сите

„Американското знаме ги обединува сите Американци под универзалните принципи на правда, слобода и демократија. Овие вредности, кои се темел на нашата голема земја, ги споделуваат сите американски граѓани – минати и сегашни.“

Во наредбата се предвидуваат дисциплински мерки за секој службеник што ќе ја прекрши оваа политика, вклучително и отпуштање или прераспределба. Единствените други знамиња што ќе бидат дозволени се знамето за воени затвореници и исчезнати во акција (POW/MIA) и знамето за неправедно притворени лица (Wrongful Detainees Flag).

Наредбата беше издадена од новоименуваниот државен секретар, Марко Рубио, кој доби поддршка со 99 гласа „за“ во Сенатот. Оваа одлука е дел од пошироките реформи што администрацијата на Трамп ги спроведува со цел елиминирање на „воук“ политиките од американските институции.

Промени во надворешната политика

Покрај „Политиката на едно знаме“, Трамп најави и серија извршни наредби, меѓу кои повлекување на САД од Парискиот климатски договор и ревизија на федералната бирократија. Белата куќа истакна дека новите мерки ќе го постават американскиот интерес на прво место.

Оваа политика претставува остар контраст со администрацијата на Бајден, која дозволуваше издигнување на знамиња поврзани со месеците на гордост или истакнување на Black Lives Matter знамиња во американските дипломатски претставништва.

Извор: лидер.мк

Мексиканските власти почнаа да градат огромни шаторски засолништа во Сиудад Хуарез за да се подготват за можен прилив на депортирани Мексиканци поради најавите на американскиот претседател Доналд Трамп за масовни депортации.

Привремените засолништа во Сиудад Хуарез ќе имаат капацитет да примат илјадници луѓе и треба да бидат готови за неколку дена, изјави општинскиот функционер Енрике Ликон.

„Ова е случај без преседан“, рече Ликон додека работниците растовараа долги метални спојки од тракторски приколки на големи празни паркинзи во близина на реката Рио Гранде, која го дели градот од Ел Пасо во американската сојузна држава Тексас.

Шаторите во Сиудад Хуарез се дел од планот на мексиканската влада да подготви засолништа и прифатни центри во девет градови низ северно Мексико.

Властите ќе им овозможат на депортираните Мексиканци храна, привремено сместување, медицинска нега и помош при добивање лични документи, се вели во владиниот документ во кој се наведува стратегијата наречена „Мексико ве гушка“.

Владата, исто така, планира да подготви серија автобуси за превоз на Мексиканците од прифатните центри назад во нивните родни градови.

Трамп вети дека ќе ја изврши најголемата депортација во историјата на САД, планирајќи да отстрани милиони имигранти. Сепак, операција од ваков обем веројатно би траела со години и би била многу скапа.

Речиси 5 милиони Мексиканци живеат во САД илегално, според анализата на мексиканскиот тинк-тенк El Colegio de la Frontera Norte (COLEF) врз основа на неодамнешните податоци од пописот на населението во САД. Многумина се од делови на централно и јужно Мексико, кои се погодени од насилство и сиромаштија.

Мексиканската влада вели дека е подготвена за можноста за масовни депортации. Но, групите за заштита на имигрантите стравуваат дека комбинацијата од масовни депортации и мерките на Трамп за спречување на влезот во САД може брзо да ги преплават мексиканските погранични градови.

Ноќта кон четвртокот вечерта во Сиудад Хуарез, дваесетина војници работеа на шаторско засолниште во близина на високиот црн крст. Таму, во 2016 година, папата Франциск одржа миса на отворено, предупреди на хуманитарна криза и се молеше за мигрантите. Во длабоката темница, војниците почнаа да градат кујна за да ги хранат депортираните.

Пожарникарите на теренот, како и авионите од воздух, се обидуваат да го изгаснат пожарот што го разгорува силниот ветер.

Нов брзорастечки шумски пожар избувна на 80 километри северно од Лос Анџелес  кој  зафати површина од 9.000 хектари.

Пожарот почна во областа Кастаик Лејкво во која  живеат 18.600 луѓе кои се принудени да ги напуштат домовите.

– Досега се изгорени повеќе од 9.000 хектари- соопштија властите.

Околу 50.000 луѓе во областа веќе се евакуирани. Повеќе од 4.000 пожарникари се распоредени на теренот, додека противпожарните авиони континуирано фрлаат десетици илјади литри вода на погодените области.

Поради пожарот, делови од автопатот 5, главниот пат што ги поврзува северот и југот на Калифорнија, беа затворени за сообраќај, освен за возила за итни случаи. Иако некои делови од патот се повторно отворени, екипите на терен продолжуваат да работат за да спречат ширење на пожарот во населените места во Кастаил.

Американската шумска служба објави дека реагирале пожарникарите од Националната шума Анџелес и дека целиот парк од 2.800 квадратни километри во планините Сан Габриел е затворен за посетители.

Регионот веќе трета недела е погоден од пожари, а временските услови, како што се силните ветрови и сувата вегетација, и понатаму претставуваат сериозен ризик. Националната метеоролошка служба го продолжи предупредувањето за висока опасност од пожар, но се прогнозира дека дождот ќе донесе олеснување почнувајќи од сабота. Во Јужен Лос Анџелес, каде пожарите веќе опустошија неколку населби, некои жители се вратија во своите домови во Пацифик Палисадес и Алтадена.

Претходно во двата смртоносни пожари кои го опустошија Лос Анџелес тие изгоре област речиси со големина на Вашингтон, загинаа 28 луѓе и оштетија или уништија речиси 16.000 објекти. Во еден момент, 180.000 луѓе беа под наредба за евакуација.

Приватниот прогнозер AccuWeather предвидува штети и економски загуби на повеќе од 250 милијарди долари.