Connect with us

Македонија

Коcoво бара тepоpистите од Диво Насеље да се вратат дома

Published

on

„На пленарната седница на Собранието на Косово вчера беше расправано повторно околу прашањето некои од членовите на ‘Кумановската група’ да се вратат во Косово и таму да ги доиздржат своите затворски казни.“ – објавија весникот „Лајм“ и други медиуми на албански јазик.

Инаку, „случајот со групата од Куманово“ е судирот на 9 и 10 мај 2015 година во кумановското „Диво насеље“ меѓу специјалната единица „Тигар“ на македонската полиција и упаднатите припадници на вооружената група од Косово, кога загинаа осум полициски специјалци, а ранети беа 37. Беа убиени и 14 припадници на косовската група. Во судскиот процес 33 лица беа осудени за тероризам и терористичка организација: на казна доживотен затвор се осудени осуммина обвинети, а 13 обвинети добија казна од 40 години затвор. На казна затвор од 20 години се осудени петмина, на 18 години еден обвинет, а по двајца добија казна затвор од 14, 13 и 12 години. Уште поранешниот косовски премиер Рамуш Харадинај во август 2018 година имаше побарано овие затвореници за тероризам да бидат екстрадирани во Косово и остатокот од казната да го одлежат во косовските затвори.

Во врска со расправата околу затворениците за „Диво насеље“ информативниот портал „ин7“ објави: „Хисен Бериша, пратеникот на Демократската партија на Косово, врз основа на чие парламентарно прашање и беше покрената оваа дебата во Парламентот, побара од премиерот Курти да каже што сториле косовските институции, за да осудениците не се сметаат како терористи.“

Информативната агенција ИНА пишува: „Во врска со затворениците за Куманово косовскиот премиер Албин Курти рече дека предметот против нив е во Врховниот суд на Македонија и оти се уште нема никакво барање за префрлање на ниту едно лице за издржување на казната во Косово. ‘Постапката за префрлање започнува со барање на лицето, кое ја издржува казната. Засега официјално немаме ништо такво. На средбите што ги имавме го покренавме ова прашање, за да се расправа за него.’ – кажа Курти во Собранието на Косово.“

„Лајм“ дополнува: „По оваа парламентарна дебата во косовскиот парламент реагираше ‘Кумановската група’ преку Ислам Ќерими, брат на еден од осудениците. Тој го пренесе реагирањето на групата осуденици: ‘Одлуката на Врховниот суд се очекува во наредните недели. Бараме случајот да се врати на повторно разгледување во првостепениот суд и да се отстранат квалификациите ‘тероризам’ и ‘терористичка група’, бидејќи се тие неосновани и се неаргументирани! Во врска со барањата / изјавите на многу пратеници / политичари, или други лица, дека припадниците на „Кумановската група’ треба да бидат вратени во Косово и таму да ја издржуваат затворската казна, изјавуваме дека тоа не сме го побарале никогаш и оти ниту планираме да бараме такво нешто! Ќе бараме правда пред највисоките меѓународни инстанци се додека не се исцрпат сите правни средства.“

Извор: Експрес

Македонија

СИТЕ МОЛЧАТ КОГА ЧЛЕНКА НА ЕУ ГИ НАПАЃА МОЈОТ МАКЕДОНСКИ ЈАЗИК И ИДЕНТИТЕТ – Мицкоски за двојните стандарди на ЕУ

Published

on

Mакедонскиот пат кон ЕУ „започна многу пред да започне евроинтеграцискиот процес на Албанија, дури и пред Хрватска, но за нас системот на заслуги е бајка, рече премиерот Христијан Мицкоски на денешниот настан во рамки на 61. Минхенска безбедносна конференција наменет за пристапот на Балканот кон Европската Унија.

-За нас бајката стана подвижна мета. Ние сме жртви на билатеризација или, да бидам попрецизен, нашето придвижување кон ЕУ е многу комплексно. Наместо да ја донесеме Европа до Балканот, ние го донесовме Балканот во Европа. За жал, има земји членки на ЕУ кои доаѓаат од Балканот кои донесоа билатерални спорови заедно со нив во Брисел, наместо бриселските вредности да ги донесат на Балканот, рекол премиерот Мицкоски.

Како што информира владината прес-служба, премиерот во обраќањето кажал дека промената на името не бил  единствен пример за мешање во внатрешните работи на суверена држава, туку и промената на знамето.

-Наш маркер е и останува да биде, да станеме дел од ЕУ, без сомнение. Слушам некои коментари тука дека имало говор во текот на првиот ден од американскиот заменик-претседател Венс и дека тој говор значел големо мешање во внатрешните работи. Промената на името, промената на знамето, промената на валутата, што се? Не се мешање во внатрешните работи. Колку долго треба да патиме од двојните стандарди? Ние тука не зборуваме за процес заснован на системот на заслуги, ние зборуваме за билатерални спорови кои не треба да имаат ништо заедничко со европските вредности, истакнал Мицкоски.

Претседателот на Владата посочил дека нашата држава има целосно усогласена надворешна и одбранбена политика со ЕУ и дека сме меѓу петте земји најголеми донатори на Украина по глава на жител, а исто така го исполнивме условот 2 отсто за одбранбени трошоци на годишно ниво.

-Ние сме целосно усогласени со барањата за надворешната и одбранбената политика. Морам да го истакнам ова прашање, кога Русија го напаѓа и го негира украинскиот идентитет, за што и претседателот Зеленски зборуваше вчера, ние сме сите гласни, критикуваме, се бориме за правата на украинскиот народ и против оваа невидена агресија, но кога парламент на една земја членка на ЕУ го напаѓа и го негира македонскиот идентитет и мојот македонски мајчин јазик, тогаш сите молчат, заклучил Мицкоски.

Во обраќањето тој порачал дека Европа нема да биде обединета без сите европски земји и дека „овој процес ќе трае додека сите аспиранти земји не станат дел од заедничката маса со останатите земји членки на Европската Унија“.

Continue Reading

Македонија

Демократското движење на Меџити се шири – формирана општинската организација во Сарај!

Published

on

Демократското движење продолжува со своето зајакнување, градејќи силна политичка алтернатива! Денес беше формирана Општинската организација во Сарај, уште еден значаен чекор во мисијата за промени и нова политичка енергија.

На настанот, кој привлече голем број поддржувачи и членови, за претседател на организацијата беше избран Мухамед Елмази, извршен директор на „Номагас“, докажан професионалец со визија и капацитет да го предводи движењето во оваа општина.

Демократското движење станува сè посилна политичка сила кај Албанците во Македонија, со јасна програма и тим посветен на транспарентно и праведно владеење. Партијата брзо ги проширува своите структури во сите населени места, покажувајќи дека е подготвена да донесе вистински промени.

Формирањето на организацијата во Сарај е уште еден показател дека Демократско движење гради моќна политичка алтернатива, подготвена да ја води државата кон подобра иднина.

Continue Reading

Македонија

„Ние сме гласот на Фросина“ – трет протест за правда во Скопје

Published

on

Голем број граѓани денес по трет пат излегоа на протест во Скопје, барајќи правда за Фросина Кулакова, која загина на пешачки премин, прегазена од возач без дозвола, кој бил под дејство на алкохол.

Протестот започна на булеварот „Партизански одреди“, каде 20-годишниот Васил Јованов, возејќи под дејство на алкохол и поминувајќи на црвено светло, ја усмрти Кулакова. Маршот продолжи кон Владата, Собранието и заврши пред Апелацискиот суд, каде демонстрантите носеа транспаренти со пораки како: „Ние сме гласот на Фросина“, „Валкани пари – смртни последици“ и „Доста со врски, време е за правда“.

На протестот учествуваше и семејството на Кулакова, како и роднини на други жртви од сообраќајни несреќи. Нивната порака беше јасна – системот мора да се промени.

„Протестираме за правда, но и за промена на системот. Не сакаме трагедијата на мојата сестра да се користи за политички поени“, изјави Росица Кулакова, сестра на починатата девојка.

Семејството ја повика Владата да ги сослуша нивните барања, а од пратениците побараа итни законски измени, со цел спречување на вакви трагедии во иднина.

Continue Reading
Advertisement
Advertisement

Трендинг

Copyright © 2024 Булевар.мк